சூடு பிடித்த மனுக்கள் படலம்...திணறிய அதிகாரிகள்!

இந்தியா முழுவதும் மே 26 ஆம் தேதி இரவோடு தேர்தல் நடத்தை விதிகள் விலக்கிக்கொள்ளப்பட்டது என இந்திய தேர்தல் ஆணையத்தால் அதிகாரபூர்வமாக அறிவிக்கப்பட்டது. இதனால் 27 ஆம் தேதி முதல் வழக்கமான அரசுப்பணிகளை மக்கள் பிரிதிநிதிகள் தொடங்கின. இந்த அறிவிப்பு மே 26 ஆம் தேதி மாலை மக்கள் மத்தியில் மீடியாக்கள் கொண்டும் போய் சேர்த்தன் விளைவு, மே 27 ஆம் தேதி திங்கட்கிழமை மனுநீதி நாள் முகாமிற்கு மாவட்ட ஆட்சியர் அலுவலகங்களில் மக்கள் தங்களது குறைகளைக் கூறி மனுக்களை தர திரண்டு வந்திருந்தனர். திருவண்ணாமலை மாவட்டத்தில் மட்டும் மனுநீதி நாள் முகாமிற்கு 520 மனுக்கள் வந்தியிருந்தது என்பது குறிப்பிடதக்கது. அதில் தொழில் செய்ய கடனுதவி வேண்டும், முதியோர், விதவை உதவித்தொகை வேண்டும், ஊனமுற்றோர் உதவித்தொகை வேண்டும் என்கிற மனுக்களே அதிகம் இருந்தன.