தூண்டில் வளைவு இருந்திருந்தால் 30ம் உடைந்திருக்காதே!

வடகிழக்குப் பருவமழையால் ராமநாதபுரம் மாவட்டத்தில் கடந்த சில தினங்களாக பலத்த மழை பெய்து வருகின்றது. இதில் பல இடங்களில் வெள்ள நீர் உட்புகுந்து குடியிருப்புகளை ஆக்கிரமித்து அச்சம் ஏற்படுத்தி வரும் வேளையில், மழைக்காக துறைமுகத்தில் கட்டப்பட்டிருந்த படகுகளும் தப்பவில்லை. இன்று மண்டபம் பகுதிக்குட்பட்ட தென்கடல் பகுதியில் வீசிய பலத்த சூறைக்காற்று காரணமாக துறைமுகத்தில் நிறுத்தி வைக்கப்பட்டிருந்த சுமார் 25 படகுகள் சேதமடைந்தது நீருக்குள் அமிழ்ந்துக் கொண்டிருக்கும் நிலையில், 7 படகுகள் மட்டும் கரையை அடைந்தது. கரை ஒதுங்கிய படகுகளையும், கடலில் அடித்து செல்லப்பட்ட படகுகளையும் தேடி மீட்பு பணியில் ஈடுபட்டு வருகின்றனர் மீனவர்கள்.