ஃபீனிக்ஸ் பறவையாக டில்லியில் சிலிர்த்தெழுந்த வைகோ! -மாநிலங்களவையில் கர்ஜனை ஆரம்பம்!

தொடர்ந்து, “சீனாவில் இருந்து ஏராளமான ஆயத்த ஆடைகளைக் குறைந்த விலையில் வங்கதேசத்திற்கு அனுப்புகிறார்கள். அங்கே அந்த நாட்டு முத்திரை பதித்து இந்தியாவிற்குள் கொண்டு வந்து குவிக்கின்றார்கள். இதனால் நமது நூற்பு ஆலைகள் பெரும் பாதிப்புக்கு உள்ளாகின்றன. இதைத் தடுக்க மத்திய அரசு என்ன நடவடிக்கை எடுக்கும் என்று அமைச்சர் தெரிவிப்பாரா?” என்று வைகோ கேட்க, “அம்மாதிரி எதுவும் நடக்கவில்லை.” என்றார் ஸ்மிருதி இரானி. அதற்கு, “உங்கள் பதில் திருப்தி அளிக்கவில்லை.” என பட்டென்று சொல்லிவிட்டார் வைகோ.

டில்லியில் பா.ஜ.க. மூத்த தலைவர் எல்.கே.அத்வானி, முன்னாள் வெளியுறவுத்துறை அமைச்சர் யஷ்வந்த் சின்ஹா போன்ற தலைவர்களைச் சந்தித்து உறவைப் புதுப்பித்துக்கொண்ட வைகோ, மாநிலங்களவையில் மீண்டும் கர்ஜிக்க ஆரம்பித்திருக்கிறார்.