வீரசைவ மடத்தின் மடாதிபதியாக நீலகண்டர் பதவி வகிக்க தகுதியற்றவர்; பழைய நிர்வாகக்குழு வழக்கு தொடுக்க முடிவு.

கும்பகோணம் வீரசைவ மடாதிபதி அமைத்துள்ள கமிட்டி போலியானது, அது ஒருபோதும் செல்லாது என முன்னாள் நிர்வாக கமிட்டியின் கூட்டத்தைக்கூட்டி தீர்மானங்கள் போட்டுள்ளனர். கும்பகோணம் வீரசைவ பெரிய மடம் மகாமகம் வடகரையில் உள்ளது. பழைய நிர்வாகிகள் ஆலோசனை கூட்டம் சித்திர துர்கா மடத்தின் கிளை அலுவலகத்தில் நடைபெற்றது. அந்த கூட்டத்தில் நிர்வாகிகள் பலரும் கலந்து கொண்டனர்.அந்த கூட்டத்தில் நிறைவேற்றப்பட்ட தீர்மானங்களில், வீரசைவமடத்தின் நீலகண்ட சுவாமிகள் அமைந்துள்ள கமிட்டி செல்லாது. மடத்திலிருந்து தங்கம் மற்றும் வெள்ளியிலான பூஜை பொருட்களை பெங்களூரில் உள்ள அவரது உறவினர் வீட்டில் வைத்துள்ளதை திரும்ப மடத்திற்கு வைக்க வேண்டும். மைசூர் மகாராஜா வழங்கிய யானைத் தந்தத்தினால் ஆன பல்லக்கை மடத்திற்குள் வைக்க வேண்டும். பெங்களூர் சித்ரதுர்கா சுவாமிகளை அழைத்து கொண்டு வந்து வரும் 30 ஆம் தேதி கும்பகோணத்தில் கூட்டத்தை நடத்துவது.