தேர்வு மையங்களை எப்படி அமைத்து தேர்வு நடத்தப் போகின்றீர்கள்? -பள்ளிக் கல்வித்துறைக்கு உயர் நீதிமன்றம் கேள்வி!

அப்போது மனுதாரர்கள் தரப்பில், சி.பி.எஸ்.இ. பத்தாம் வகுப்பு தேர்வுகள் ஜூலை மாதத்துக்கு மாற்றப்பட்டுள்ள நிலையில், மாநிலப் பாடத்திட்டத்தில் பத்தாம் வகுப்புத் தேர்வு அவசர அவசரமாக நடத்தப்படுவதாக வாதிடப்பட்டது. கரோனா பாதிப்புக்குள்ளான கட்டுப்பாட்டுப் பகுதிகளில் தேர்வு மையங்களை அமைக்கக் கூடாது என்று ஏற்கனவே மத்திய அரசு வழிமுறைகளை அறிவித்துள்ளது. ஆனால், தமிழக பள்ளிக் கல்வித்துறை நோய்க் கட்டுப்பாட்டுப் பகுதிகளிலும் தேர்வு மையங்களை அமைத்து தேர்வு நடத்த உள்ளது எனக் குற்றம் சாட்டப்பட்டுள்ளது.

அப்போது நீதிபதிகள், சென்னையில் தொற்று பரவல் அதிகமாக உள்ள கட்டுப்பாட்டுப் பகுதிகளில் எப்படித் தேர்வு மையங்களை அமைத்து தேர்வு நடத்தப் போகிறீர்கள்? வெளியிலிருந்து அந்த மையங்களுக்கு எப்படி வர முடியும்? எனக் கேள்வி எழுப்பினர்.