தீபாவளிக்கு டாஸ்மாக்கில் ரூபாய் 466 கோடிக்கு மதுவிற்பனை!

தீபாவளியையொட்டி நவம்பர் 13- ஆம் தேதி மற்றும் நவம்பர் 14- ஆம் தேதி ஆகிய இரு நாட்களில் டாஸ்மாக்கில் ரூபாய் 466 கோடிக்கு மதுவிற்பனையாகியுள்ளதாக டாஸ்மாக் நிறுவனம் தெரிவித்துள்ளது.

நவம்பர் 13- ஆம் தேதி 227.88 கோடிக்கும், நவம்பர் 14- ஆம் தேதி 237.91 கோடிக்கும் மதுபானங்கள் விற்பனையாகியுள்ளது. தமிழகத்தில் அதிகபட்சமாக மதுரை மண்டலத்தில் சுமார் ரூபாய் 104 கோடிக்கு மதுபானங்கள் விற்பனை செய்யப்பட்டுள்ளது. அதேபோல், சென்னை மண்டலம்- ரூபாய் 94.36 கோடி, திருச்சி மண்டலம்- ரூபாய் 95.47 கோடி, கோவை மண்டலம்- ரூபாய் 84.56 கோடி, சேலம் மண்டலம்- ரூபாய் 87.58 கோடிக்கு மதுபானங்கள் விற்பனையாகியுள்ளது.