திண்டுக்கல் அருகே வாக்காளர்களுக்கு பிரியாணி விருந்து!

தமிழகம் முழுவதும் வருகிற 27, 30ம் தேதிகளில் ஊரக உள்ளாட்சித் தேர்தல் நடைபெற உள்ளது. அதற்காக தமிழகத்தில் உள்ள அனைத்து மாவட்டங்களிலும் வேட்பு மனுத்தாக்கல் நிறைவடைந்த நிலையில், வேட்பாளர்கள் தீவிர தேர்தல் பிரச்சாரத்தில் ஈடுபட்டுள்ளனர்.

இந்த நிலையில் திண்டுக்கல் அருகே உள்ள செட்டிநாயக்கன்பட்டி, ஊராட்சித் தலைவர் பதவிக்கு சுந்தரவடிவேலின் மனைவி வளர்மதி போட்டியிடுகிறார். ஏற்கனவே இவர், கடந்த முறை செட்டிநாயக்கன்பட்டி பேரூராட்சி தலைவராகவும் இருந்து இருக்கிறார். இந்த நிலையில் தான் மீண்டும் தலைவர் பதவிக்கு போட்டியிடுவதற்காக வேட்புமனுத்தாக்கல் செய்துவிட்டு ஊராட்சிக்குட்பட்ட ரெங்கநாதபுரம், பத்மாநகர், ஈ.பி.காலனி, தாய் மூகாம்பிகை நகர், ஏழுமலையான் நகர், பாலக்குட்டை, அருணாசலம் நகர், நந்தனார்புரம், சந்தனகுடில், கள்ளிப்பட்டி, முடக்குராஜக்காபட்டி, எஸ்.பெருமாள் கோவில்பட்டி, ரமண மஹரிஷி நகர், ராஜ் நகர், காந்தி நகர், சத்யா நகர், சரளபட்டி, சண்முகபுரம், அலக்குவார்பட்டி, அழகர்சிங்கம்பட்டி, இந்திரா நகர், முத்துராஜ் நகர், ராஜாக்கா பட்டி, சென்னமநாயக்கன்பட்டி, சின்னையாபுரம், காந்திநகர் காலனி, செட்டிநாயக்கன்பட்டி, வேதாத்திரி நகர் ஆகிய பகுதிகளில் உள்ள 10 ஆயிரத்திற்கும் மேற்பட்ட வாக்காளர்களிடம் வாக்கு சேகரித்து வருகிறார்.