இதுவரை இல்லாத அளவிற்கு தமிழகத்தில் கரோனா!!! சென்னையில் 20 ஆயிரத்தை நெருங்குகிறது பாதிப்பு!!

இன்று தமிழகத்தில் ஒரே நாளில் இதுவரை இல்லாத அளவில் 1,438 பேருக்கு கரோனா உறுதி செய்யப்பட்டுள்ளது. இதனால் இதுவரை பாதிக்கப்பட்டோர் எண்ணிக்கை 28 ஆயிரத்தை தாண்டியுள்ளது. இதில் 1,045 பேர் தமிழகத்திலும், மற்றவர்கள் பிற மாநிலங்கள் மற்றும் வெளிநாடுகளில் இருந்து வந்தவர்கள். இதனால் தமிழகத்தில் இதுவரை கரோனாவால் பாதிக்கப்பட்டோர் எண்ணிக்கை 28,694 ஆக அதிகரித்துள்ளது.

1,116 என இன்று சென்னையில் மூன்றாம் நாளாக ஆயிரத்தை கடந்து கரோனா பதிவாகியுள்ளது. இதனால் சென்னையில் தற்போதுவரை கரோனாவால் பாதிக்கப்பட்டோர் எண்ணிக்கை 19,809 ஆக அதிகரித்துள்ளது. அதேபோல் தமிழகத்தில் கரோனாவால் ஒரே நாளில் என்று 12 பேர் உயிரிழந்ததால், உயிரிழப்பு எண்ணிக்கை 232 ஆக அதிகரித்துள்ளது. ஆறாவது முறையாக இரட்டை இலக்கத்தில் ஒரே நாளில் உயிரிழந்தோர் எண்ணிக்கை தொடர்ந்து வருகிறது.