இந்து அமைப்புகள் சார்பில் புகார்... காட்மேன் வெப் சீரியஸ் நிறுத்தி வைப்பு!

இன்று ஈரோடு மாவட்ட காவல் கண்காணிப்பாளர் அலுவலகத்தில் தமிழ்நாடு பிராமணர் சங்கம் ஈரோடு மாவட்ட கிளை சார்பில் அதன் தலைவர் ஜெயபிரகாஷ் தலைமையில் சில நிர்வாகிகள் நேரில் வந்து போலீஸ் எஸ்.பி.யிடம் மனு கொடுத்தனர். பிறகு அவர்கள் கூறும்போது,

"தமிழில் முன்னணி நடிகர்கள் இணைந்து நடித்துள்ள காட் மேன் என்கிற வெப் சீரியஸ் வருகிற 12 ஆம் தேதி வெளியாக உள்ளதாக அறிவிப்பு வந்துள்ளது. இதன் டீசர் சமீபத்தில் வெளியானது அதில் எங்கள் சமூகத்தை இழிவுபடுத்தும் வகையிலான சில காட்சிகளும், வசனங்களும் இடம்பெற்றிருந்தன. அந்த டீஸரிலேயே இவ்வாறு இருக்கிறதென்றால் அந்த முழு படமும் எவ்வாறு இருக்கும் என்று எங்களுக்கு தெரியவில்லை. அந்த காட்சிகளும், வசனங்களும் எங்களையெல்லாம் மிகவும் புண்படுத்தி உள்ளது. எல்லாமே நகைச்சுவை, புதுமை என்ற பெயரில் திரைப்படங்கள் மட்டுமல்ல சீரியஸிலும்கூட இவ்வாறு செய்வதை நாங்கள் ஏற்றுக்கொள்ள முடியாது. அந்த சர்ச்சைக்குரிய காட்சிகளை உடனடியாக நீக்க வேண்டும்.