இந்நிலையில் சென்னை வானிலை ஆய்வு மையம் வெளியிட்டுள்ள அறிவிப்பில், “தமிழ்நாடு, புதுசேரி மற்றும் காரைக்காலில் இன்று முதல் (26.12.2023) 7 நாட்களுக்கு மிதமான மழைக்கு வாய்ப்பு உள்ளது. அதே சமயம் சென்னையைப் பொறுத்தவரையில் 2 நாட்களுக்கு நகரின் ஒரு சில இடங்களில் மிதமான மழை பெய்யக்கூடும். சென்னையில் குறைந்தபட்ச வெப்ப நிலையாக 21 டிகிரி செல்சியஸ் பதிவாக வாய்ப்பு உள்ளது” எனத் தெரிவிக்கப்பட்டுள்ளது.
முன்னதாக மிக்ஜாம் புயல் காரணமாகச் சென்னை, திருவள்ளூர், செங்கல்பட்டு, காஞ்சிபுரம் ஆகிய நான்கு மாவட்டங்களில் பல்வேறு இடங்களில் மழை நீர் தேங்கி வெள்ள பாதிப்பு ஏற்பட்டது. அதேபோல் அண்மையில் தென் தமிழகத்தில் தூத்துக்குடி, நெல்லை, தென்காசி, கன்னியாகுமரி ஆகிய மாவட்டங்களில் பெய்த அதீத கன மழை காரணமாகப் பல இடங்கள் வெள்ளத்தில் சிக்கியது குறிப்பிடத்தக்கது.