இந்நிலையில் பாஜக கூட்டணியில் டி.டி.வி.தினகரனின் அமமுக இணைய இருப்பதாகவும், அதற்கான இறுதிக் கட்ட பேச்சுவார்த்தைகள் தொடங்கி இருப்பதாகவும் தகவல்கள் வெளியாகி உள்ளது. அதிமுக கூட்டணியில் பாமக, தேமுதிக கூட்டணி பேச்சுவார்த்தைகள் நடைபெற்றுள்ள நிலையில் பாமக-அதிமுக கூட்டணி பேச்சுவார்த்தை இறுதிக் கட்டத்தை எட்டியுள்ளதாகத் தகவல்கள் வெளியாகி இருந்தது.
இந்நிலையில் பாஜக கூட்டணியில் டி.டி.வி.தினகரன் இணைவதற்கான கூட்டணி பேச்சுவார்த்தை தொடங்கியுள்ளது. நாளை திருப்பூர் மாவட்டம் பல்லடத்தில் நடைபெறும் நிகழ்ச்சியில் பிரதமர் மோடி கலந்து கொள்ளும் நிலையில் பாஜக கூட்டணியில் இணைந்துள்ள கட்சிகள் பிரதமரை சந்திக்க இருக்கின்றன. பாஜக கூட்டணியில் ஜி.கே.வாசனின் தமிழ் மாநில காங்கிரஸ் இணைந்துள்ள நிலையில் நாளை கூட்டணிக் கட்சி தலைவர்கள் மோடியை சந்திக்க உள்ளனர் என்றும் கூறப்படுகிறது.