“இன்னும் 20 ஆண்டுகள்வரை, தளபதி மு.க.ஸ்டாலினே முதலமைச்சராக இருந்து தமிழ்நாட்டில் ஆட்சி நடத்துவார்” என்று ஸ்ரீவில்லிபுத்தூரில் நடந்த ஓராண்டு சாதனைக் விளக்க பொதுக்கூட்டத்தில் பேசிய தமிழக வருவாய்த்துறை அமைச்சர் கே.கே.எஸ்.எஸ்.ஆர். ராமச்சந்திரன், வாரிசு அரசியலையும் தொட்டார். “ஸ்கூல்ல பார்த்தீங்கன்னா.. குழந்தைங்க வரிசையா நிப்பாங்க. கையில குச்சி வச்சிருப்பாங்க. இந்தப் புள்ள ஓடிப்போயி அடுத்த புள்ளைகிட்ட குச்சிய கொடுக்கும். அந்தப் புள்ள எந்திரிச்சிபோயி அடுத்த புள்ளகிட்ட குச்சிய கொடுக்கும். அதே மாதிரி, அண்ணா.. கலைஞர்.. தளபதி.. அடுத்து உதயநிதி. எல்லாம் ரெடியா இருக்கு. திமுக ஒண்ணும் லேசான கட்சியில்ல. வாரிசு அரசியல்ன்னு சொல்லமுடியாது. வாரிசா இருந்தாலும், கட்சியில கஷ்டப்பட்டுத்தான் மேலே வருகிறார்கள். உடனே தூக்கி நாற்காலியில் உட்கார வைக்கவில்லை” என்றார்.