போதையில் அதிவேகமாக கார் ஓட்டிவந்த நபரால் அந்தரத்தில் தூக்கி எறியப்பட்ட மூன்று மாணவிகள்!

கேரளாவில் அதிவேகத்தில் வந்த கார் ஒன்று மாணவிகள் மீது மோதிய சம்பவம் அதிர்ச்சியை ஏற்படுத்தியுள்ளது. கேரள மாநிலம் ஆலப்புழா பகுதியில் மாணவிகள் மூவர் பள்ளி முடிந்து சாலையில் சென்ற போது எதிரே வந்த கார் அவர்கள் மீது வேகமாக மோதியதில் சாலையின் ஓரத்தில் அவர்கள் தூக்கி எறியப்பட்டனர். மேலும், மாணவிகள் மீது மோதிய அந்த கார் சிறிது தூரம் சென்று இருசக்கர வாகனத்தில் வந்தவர்கள் மீது மோதியுள்ளது. மேலும் அவர்கள் மீது வேகமாக மோதிய கார் அருகில் இருந்த மரத்தில் மோதி நின்றது. காரை ஓட்டியவர் மது அருந்திய நிலையில் இருந்தது தற்போது கண்டுபிடிக்கப்பட்டுள்ளது.