"தலைச்சிறந்த நாடுகள் பட்டியலில் இந்தியா ஒரு முக்கிய இடத்தை பிடித்துள்ளது"- வெங்கையா நாயுடு பெருமிதம்!

அனைத்து குழந்தைகள் மற்றும் இளைஞர்களுக்கு தரமான கல்வி கிடைக்க உறுதி செய்யும் வகையில் அந்த அறிக்கை அமைந்துள்ளது. சிறப்பான கல்வியை அனைவருக்கும் கொண்டு போய் சேர்க்கும் வகையில் தேசிய கல்வி கொள்கையின் அறிக்கை உள்ளது . அந்த வரைவு அறிக்கை, தேசிய தேவை, நமது பண்பாடு, உலக அளவில் சிறப்பான மாணவர்களை உருவாக்க வேண்டிய தேவை ஆகியவற்றில் சமநிலையை உண்டாக்கி இருக்கிறது. இதில் தாய் மொழிக்கு உரிய முக்கியத்துவம் கொடுக்கப்பட்டுள்ளது. இந்த பன்மொழி உலகில் பிற மொழிகளில் உள்ள அறிவுத்திறமையை முன்னெடுப்பது குறித்தும் குறிப்பிடப்பட்டு உள்ளது. இந்தியா இன்று இளம் இந்தியாவாக உள்ளது. மொத்த மக்கள் தொகையில் 25 வயதுக்கு உட்பட்டவர்கள் 50 சதவீதம் பேரும், 35 வயதுக்கு உட்பட்டவர்கள் 65 சதவீதம் பேரும் உள்ளனர்.