ஊரடங்கு நேரத்தில் குதிரையில் சென்ற எம்எல்ஏ மகன்... கண்டனத்துக்குள்ளான புகைப்படம்!

பொதுமக்கள் வீட்டில் இருக்க வேண்டும் என்ற அந்தெந்த மாநில அரசுகள் வலியுறுத்தியுள்ள நிலையில், கர்நாடக மாநில பாஜக சட்டமன்ற உறுப்பினர் ஒருவருடைய மகன் இந்த ஊரடங்கு நேரத்தில் தேசிய நெடுஞ்சாலையில் குதிரையில் சென்ற சம்பவம் தற்போது சர்ச்சையை ஏற்படுத்தியுள்ளது. இதுதொடர்பான புகைப்படம் தற்போது வெளியாகியுள்ளது. இதுதொடர்பாக பாஜக எம்எல்ஏ நிரஞ்சன் குமார் கூறுகையில், "எங்கள் பகுதி பசுமை மண்டலத்தில் தான் உள்ளது. நான் நேற்று ஊரில் இல்லை. இதுபற்றி எனக்குத் தெரியாது. என்னுடைய மகன் குதிரையில் சென்றதில் எந்தத் தவறும் இருப்பதாக நான் நினைக்கவில்லை. இது பற்றி நான் அவரிடம் பேசுவேன்" என்று தெரிவித்துள்ளார்.