பி.எஸ்.என்.எல் நிறுவனத்திற்கு இன்ப அதிர்ச்சி கொடுத்த மத்திய அரசு!

இந்தியாவில் பெரும்பாலான பொதுத்துறை நிறுவனங்கள் நஷ்டத்தில் இயங்குகின்றன. அந்த பட்டியலில் மத்திய தொலைத்தொடர்புத்துறை அமைச்சகத்தின் கீழ் இயங்கும் பி.எஸ்.என்.எல் (BSNL), எம்.டி.என்.எல் (MTNL) நிறுவனங்கள் அதிக நஷ்டத்தில் இயங்கும் நிறுவனங்களாக உள்ளது. இந்த நிறுவனங்களில் ஏற்பட்ட இழப்பு தொடர்பாக மத்திய தொலைதொடர்பு துறை அமைச்சகத்திற்கு பி.எஸ்.என்.எல் நிறுவனம் கடிதம் எழுதியது. அந்த கடிதத்தில் தனது நிறுவன ஊழியர்களுக்கு ஊதியம் கூட கொடுக்க முடியாத நிலையில் தவிப்பதாகவும், உடனடியாக பி.எஸ்.என்.எல் நிறுவனத்திற்கு மத்திய அரசு நிதி உதவியை அளிக்க வேண்டும் என வலியுறுத்திருந்தது. இந்நிலையில் பி.எஸ்.என்.எல் மற்றும் எம்.டி.என்.எல் ஆகிய நிறுவனங்கள் மூடப்படும் பட்சத்தில் பெரும் இழப்பு ஏற்படும் என்பதால், அந்த நிறுவனங்களை மீட்டெடுக்க மத்திய அரசு திட்டமிட்டுள்ளது.