விபத்தில் சிக்கிய ஹெலிகாப்டரின் கேப்டன் வருண் சிங், 80% தீக்காயங்களுடன் வெலிங்டன் ராணுவ மருத்துவமனையில் சிகிச்சைப் பெற்று வருகிறார். அவருக்கு உயரிய சிகிச்சை அளிக்கப்பட்டு வருகிறது.
முப்படைகளின் தலைமை தளபதி பிபின் ராவத் (வயது 63) மறைவுக்கு குடியரசுத்தலைவர் ராம்நாத் கோவிந்த், துணை குடியரசுத்தலைவர் வெங்கையா நாயுடு, பிரதமர் நரேந்திர மோடி, மத்திய அமைச்சர்கள், பல்வேறு அரசியல் கட்சித் தலைவர்கள், மாநில முதலமைச்சர்கள், மாநில ஆளுநர்கள் உள்ளிட்டோர் ஆழ்ந்த இரங்கலைத் தெரிவித்துள்ளனர்.
இந்த நிலையில், பிபின் ராவத் மற்றும் அவரது மனைவியின் உடல்கள் நாளை (09/12/2021) ராணுவ விமானம் மூலம் டெல்லி கொண்டு செல்லப்படுகின்றன. அதைத் தொடர்ந்து, அங்கு அவர்களது உடலுக்கு தலைவர்கள் அஞ்சலி செலுத்துகின்றன. பின்னர், டிசம்பர் 10- ஆம் தேதி அன்று டெல்லியில் உள்ள பிபின் ராவத்தின் இல்லத்தில் காலை 11.00 மணி முதல் மதியம் 02.00 மணி வரை பொதுமக்கள் அஞ்சலிக்கு உடல் வைக்கப்படவுள்ளது. பொதுமக்கள் அஞ்சலிக்கு பிறகு அவர்களது உடல் காமராஜ் மார்க்கில் (Kamraj Marg) இருந்து ஊர்வலமாக எடுத்துச் செல்லப்பட்டு டெல்லி கண்டோன்மென்ட்டில் (Delhi Cantonment) உள்ள ப்ரார் சதுக்கத்தில் (Brar Square) உள்ள மயானத்தில் உடல்கள் தகனம் செய்யப்படும் எனத் தெரிவிக்கப்பட்டுள்ளது.