வைரலாகும் "என்ன செய்தார் பெரியார்" காணொளிகள்!

உண்மையில் என்ன நடந்தது என்று பெரியார் ஆதரவாளர்கள் தகவல்களை வெளியிட்டனர். நக்கீரன் யூ ட்யூப் சேனலில் திராவிடர் தமிழர் பேரவையின் சுப.வீரபாண்டியன், சேலத்தில் பெரியார் நடத்திய ஊர்வலத்தில் ராமர் சிலையை எடுத்து வந்த வேனின் பொறுப்பாளரான திருச்சி செல்வேந்திரன் ஆகியோரின் பேட்டியும், அந்த ஊர்வலம் குறித்து பெரியார் தெரிவித்த கருத்தும் வெளியிடப்பட்டது. இந்த காணொளிகள் தமிழக அளவில் வைரலானது. அதேபோல நியூஸ் 18 தமிழ் செய்தி நிறுவனம் வெளியிட்ட ''என்ன செய்தார் பெரியார்?'' என்ற காணொளியும் வெளியாகி வைரலானது. இதை கடவுள் மறுப்பாளர்கள் மட்டுமின்றி அனைத்து தரப்பினரும் பகிர்ந்து வருகின்றனர்.