சிம்புவின் 'அஅஅ' படத்திற்கு பிறகு கார்த்திக் நரேனின் இயக்கத்தில் நரகாசூரன் படத்தில் நடித்துக்கொண்டிருக்கும் ஸ்ரேயா ரஷியாவைச் சேர்ந்த ஆன்டிரே கோச்சேவ் என்ற இளைஞரை காதலித்து வந்தார்.மிகப்பெரும் கோடீசுவரரான இவர் சிறந்த டென்னீஸ் விளையாட்டு வீரர் ஆவார். உதய்ப்பூரில் இருவரும் சந்தித்துக் கொண்ட போது நட்பு ஏற்பட்டு பின்னர் காதலாக மாறியது. பின்னர் தன் காதலை வெளிப்படையாகவே எல்லோரிடமும் தெரிவித்த ஸ்ரேயா தன் காதலரையே திருமணம் செய்து கொள்ள முடிவு செய்தார். மேலும் மார்ச் மாதம் திருமணம் செய்வேன் என்றும் அறிவித்தார். ஆனால் திருமண தேதியை அறிவிக்க மறுத்துவிட்ட நிலையில் ஸ்ரேயா - ஆன்டிரே கோச்சேவ் திருமணம் மும்பையில் கடந்த 12ந்தேதி ரகசியமாக நடந்தது. இந்த திருமணத்தில் மனோஜ் பாஜ்பாய், நடிகை சபனா ஆஸ்மி மற்றும் நெருங்கிய உறவினர்கள், நண்பர்கள் மட்டும் கலந்து கொண்டனர்.இந்து முறைப்படி நடந்த இந்த திருமணம் பற்றிய தகவல் இன்று மும்பை சினிமா வட்டாரத்தில் காட்டு தீ போல் பரவியது. பின்னர் ஸ்ரேயாவும் இதை உறுதி செய்தார்.
கோடீஸ்வரருடன் சீக்ரட் திருமணம் - ஸ்ரேயா சஸ்பென்ஸ்!
சார்ந்த செய்திகள்
Next Story
ஸ்ரேயா - நித்யா மேனன் இணையும் அந்தாலஜியின் ட்ரைலர் வெளியீடு
ஸ்ரேயா சரண் மற்றும் நித்யா மேனன் ஆகியோர் நடிக்கும் அந்தாலஜி, 'கமனம்'. தமிழ், தெலுங்கு, மலையாளம், கன்னடம், ஹிந்தி ஆகிய மொழிகளில் தயாராகி வரும் இந்த அந்தாலஜிக்கு இளையராஜா இசையமைக்கிறார்.
அறிமுக இயக்குனர் சுஜனா ராவ் இயக்கும் 'கமனம்' அந்தாலஜியின் படப்பிடிப்பு பணிகள் முடிவடைந்து, விரைவில் வெளியாகவுள்ளது. இந்த நிலையில் , இந்த அந்தாலஜியின் ட்ரைலர் வெளியாகிவுள்ளது. இப்படத்தின் ஒவ்வொரு மொழி ட்ரைலரையும், அந்த மொழியின் பிரபல நடிகர்கள் வெளியிட்டுள்ளனர்.
தமிழில் ஜெயம் ரவி, மலையாளத்தில் பகத் பாசில், கன்னடத்தில் சிவ ராஜ்குமார், தெலுங்கில் பவன் கல்யாண் , ஹிந்தியில் சோனு சூட் ஆகியோர் கமனம் அந்தாலஜியின் ட்ரைலரை வெளியிட்டுள்ளனர்.
Next Story
ஸ்ரேயாவுடன் கூட்டணி அமைக்கும் இசைஞானி இளையராஜா!
திருமணத்திற்குப் பிறகு நடிகை ஸ்ரேயாசரண் சிறிய இடைவெளிக்குப் பின் மீண்டும் தனது திரையுலக பயணத்தை தொடங்கிவிட்டார். இயக்குனர் சுஜனா ராவ் இயக்கத்தில் உருவாகும் 'கமனம்' படத்தில் நடிகை ஸ்ரேயா சரண் நாயகியாக நடித்துள்ளார். நிஜவாழ்வின் எதார்த்தங்களும் நிகழ்வுகளும் கொண்ட கதையாக 'கமனம்' படம் உருவாகுகிறது. தமிழ், தெலுங்கு, ஹிந்தி, மலையாளம், கன்னடம் என பல்வேறு மொழிகளில் இப்படம் தயாராகிறது. நடிகை ஸ்ரேயா சரணை தனது படங்களில் முக்கிய கதாபாத்திரத்தில் நடிக்க வைத்த பிரபல இயக்குனர் கிரிஷ் 'கமனம்' படத்தின் முதல்பார்வை போஸ்டரை நடிகை ஸ்ரேயா சரணின் பிறந்த நாளான இன்று வெளியிட்டுள்ளார்.
இசைஞானி இளையராஜா இசையமைக்க, பிரபல எழுத்தாளர் சாய் மாதவ் புர்ரா வசனங்களை எழுதியுள்ளார். ஞானசேகர் வி.எஸ் இப்படத்தின் ஒளிப்பதிவை மேற்கொள்வதோடு மட்டுமில்லாமல் ரமேஷ் கருதூரி மற்றும் வெங்கி புஷதபு ஆகியோருடன் இணைந்து இப்படத்தை பிரம்மாண்டமாக தயாரித்துள்ளார். 'கமனம்' படத்தின் முழுபடப்பிடிப்பு முடிந்துவிட்ட நிலையில் இறுதிக்கட்ட பணிகள் துரிதமாக நடைபெற்று வருகிறது. இந்தப் படத்தில் நடித்துள்ள மற்ற நடிகர்கள் விவரம் விரைவில் அறிவிக்கப்படும் என்று எதிர்பார்க்கப்படுகிறது.