Skip to main content

அந்த நடிகரை மட்டும் அமைச்சர் விமர்சிப்பது ஏன்? -காரணம் ‘பெர்சனல்’ சமாச்சாரமாம்!

Published on 14/09/2019 | Edited on 14/09/2019



 

அந்த அமைச்சர் தீவிரமான சினிமா ரசிகர்.  சிறுவயதில் 28 கி.மீ. சைக்கிள் மிதித்து பக்கத்து ஊருக்குச் சென்று தன் அபிமான நடிகரின் படங்களைப் பார்த்தவர். அப்போது சினிமா பாட்டுப்புத்தகமும் கையுமாகத்தான் திரிவார்.   இந்த சினிமா ரசனையும் வெறியும்தான் அவரைப் பொது வாழ்க்கையில் உச்சம் தொட வைத்தது. ஆனாலும், பிரஸ் மீட்டில் அந்த அமைச்சர் குறிப்பிட்ட ஒரு நடிகரை வாய்ப்பு கிடைக்கும்போதெல்லாம், சுடு வார்த்தைகளால் விமர்சிப்பதை வழக்கமாகக் கொண்டிருக்கிறார். அதே நேரத்தில், தனக்குப் பிடித்த நடிகர்களை மிக வெளிப்படையாகப் பாராட்டியும் வருகிறார். 

 

arasiyal thalaivar



‘அந்த நடிகரின் மீது அப்படியென்ன கோபம்?’ என்று அந்த அமைச்சரிடமே கேட்டோம். “அவரோட நடிப்பைப் பத்தி என்னைக்காச்சும் நான் குற்றம் சொல்லிருக்கேனா? ஏன்னா.. அவரோட நடிப்பு அத்தனை சிறப்பா இருக்கும். கோமாளி அரசியல் பண்ணுறதுக்கு இங்கே நெறய பேரு இருக்காங்க.  பொது வாழ்க்கைன்னு வந்துட்டா,  நடிகரா இருந்தாலும் சரி.. யாரா இருந்தாலும் சரி.. அதற்கான தகுதி இருக்கணும். இல்லைன்னா.. தகுதியை வளர்த்துக்கணும்.  அவரு அப்படி கிடையாது. இன்னொரு விஷயம், அவரோட சொந்த வாழ்க்கை சம்பந்தப்பட்டது. எனக்கும் சினிமா இண்டஸ்ட்ரியில் நெறய நண்பர்கள் இருக்காங்க. அமைச்சர்ங்கிறதுனால கூடியமட்டிலும்  என்கிட்ட அவங்க பொய் பேசமாட்டாங்க. அப்படி கேட்டதை வச்சித்தான் அவரோட குணாதிசயத்தை தெரிஞ்சிக்கிட்டேன். 

press meet



பிரபலமான அந்த நடிகை இந்த நடிகரை விழுந்து விழுந்து லவ் பண்ணுனாங்க. அட, குடும்பமே நடத்தினாங்க. ஆனா. அவரை இவரு கல்யாணம் பண்ணிக்கல. இப்ப அவங்க உசிரோட இல்ல. இன்னொரு ஹீரோயினும் இவரோட வலையில் விழுந்தாங்க. அப்புறம் சுதாரிச்சுக்கிட்டு வடக்கே போயி ஓஹோன்னு ஆனாங்க. அவங்களும் இப்ப இல்ல. இதுமாதிரி டிராஜடி ஸ்டோரி நெறய இருக்கு. 


காதல் வேற.. கல்யாணம் வேறங்கிறது அவரோட பாலிசி. தன்னோட மனைவிங்கிறவ இப்படித்தான் இருக்கணும்னு தன் கண்ணுக்கு ‘ஸ்பெஷல்’ ஆகத் தெரிஞ்சவரை மொதமொதல்ல கல்யாணம் பண்ணிக்கிட்டாரு. இவரு எப்படின்னு அவருக்குத் தெரிஞ்சுபோச்சு. ஆளவிடுன்னு பெரிசா ஒரு கும்பிடு போட்டுட்டு தெறிச்சு ஓடிட்டாங்க. அடுத்து ஒரு நடிகையை மனைவி ஸ்தானத்துல கொண்டுவந்து வச்சாரு. அவரு மூலமா புள்ளைங்களும் பொறந்துச்சு. ஆனாலும்.. போகப்போக இவரோட சுயரூபம் வெளிப்பட்டதும், அந்தம்மா சிட்டா பறந்துட்டாங்க. வீட்ல தனக்குத் துணையா ஒருத்தர் வேணும்னு புருஷனைப் பிரிஞ்சிருந்த பழைய ஹீரோயினை வீட்ல சேர்த்து வச்சிக்கிட்டாரு. அப்பவும் இவரு அடங்கல. ஃபீல்ட்ல இருக்கிற ஃபேமஸ் ஹீரோயின் பின்னால லோலோன்னு சுத்தினாரு. ஒரு சீனியர் நடிகர் பண்ணுற வேலையா இதுன்னு சினிமாக்காரங்க எரிச்சலானாங்க. ஏன்னா.. இவரு யூத் இல்ல. அந்த ஃபேமஸ் ஹீரோயினோட சாய்ஸ் வேறயா இருந்துச்சு. அதுபோகட்டும். இவரை நம்பித்தானே அந்தப் பழைய ஹீரோயின்,  தன்னோட மகளோடு  இவரு  வீட்டுக்கே வந்து வருஷக்கணக்கா குடும்பம் நடத்தினாங்க. ஆனாலும்.. இவரு பண்ணுன காரியத்தை அவங்களால விவரமா வெளிய சொல்ல முடியல. இவருடைய நடவடிக்கையால் வெறுத்துப்போய், மகளைக் கூட்டிக்கிட்டு போயி தனியா வாழறாங்க.


இப்பச் சொல்லுங்க. சொந்த வாழ்க்கையில் இத்தனை ஓட்டையை வச்சிருக்கவரு,  பொது வாழ்க்கையில எப்படி நேர்மையானவாரா இருக்க முடியும்? அமைச்சரா இருக்கிற என் மீதும் குற்றம் குறைகள் இருக்கும்.  ஆனா.. எந்தச் சூழ்நிலையிலும் பொது வாழ்க்கையில் மக்களை நேசிக்கிறவனாத்தான் எப்பவும் இருப்பேன். என்னால முடிஞ்ச நல்லதை எந்தப் பாகுபாடும் காட்டாம பலருக்கும் பண்ணிக்கிட்டுத்தான் இருக்கேன். எனக்குத் தெரிஞ்சு அந்த நடிகர் யாருக்கும் பெரிசா நல்லது பண்ணி நான் கேள்விப்பட்டதில்ல. அவரை நான் விமர்சிக்கிறதும் தப்பில்ல.” என்று நீண்ட விளக்கம் தந்தார். 


நடிக்கத் தெரிந்து வாய்ப்பு கிடைத்தால் நடிகராகிவிடலாம். நாலு பேருக்கு நல்லது பண்ண வேண்டும் என்ற எண்ணம் இருந்து, மக்களை நேசிப்பதில் போலி முகம் காட்டாமல்  ‘ஒரிஜினல்’ சேவையாற்றினால், பொது வாழ்க்கையிலும்  ‘விஸ்வரூபம்’ எடுக்கலாம். 

 

 

 

Next Story

கெஜ்ரிவாலுக்கு ஜாமீன்; “உண்மை கலங்கலாம் ஆனால் தோற்கடிக்க முடியாது” - டெல்லி அமைச்சர்

Published on 12/07/2024 | Edited on 12/07/2024
Delhi Minister spoke about Bail for Kejriwal

டெல்லி மதுபானக் கொள்கை தொடர்பான பணமோசடி வழக்கில் டெல்லி முதல்வர் அரவிந்த் கெஜ்ரிவால் அமலாக்கத்துறையால் கடந்த மார்ச் மாதம் 21ஆம் தேதி கைது செய்யப்பட்டார்.  திகார் சிறையில் அடைக்கப்பட்ட அரவிந்த் கெஜ்ரிவால், தன் மீதான கைது நடவடிக்கையை எதிர்த்து உச்சநீதிமன்றத்தில் வழக்கு தொடர்ந்தார். அந்த வழக்கை விசாரித்து வந்த உச்சநீதிமன்றம் கடந்த மே 10ஆம் தேதி அவருக்கு இடைக்கால ஜாமீன் வழங்கியது.

அரவிந்த் கெஜ்ரிவாலுக்கு ஜூன் 1 வரை மட்டுமே இடைக்கால ஜாமீன் வழங்குவதற்கான உத்தரவைப் பிறப்பிப்பதாக அறிவித்த உச்சநீதிமன்றம், ஜூன் 2 ஆம் தேதி அரவிந்த் கெஜ்ரிவால் சரணடைய நீதிமன்றம் உத்தரவிட்டிருந்தது. இதனிடையே, தனக்கு வழங்கப்பட்ட இடைக்கால ஜாமீனை நீட்டிக்கக் கோரி அரவிந்த் கெஜ்ரிவால் மனுத்தாக்கல் செய்திருந்தார். ஆனால், அந்த மனு நிராகரிக்கப்பட்டதால், ஜூன் 2ஆம் தேதி, அரவிந்த் கெஜ்ரிவால் திகார் சிறையில் சரணடைந்தார். 

இதனிடையே, டெல்லி முதல்வர் அரவிந்த் கெஜ்ரிவால், அமலாக்கத்துறை தன்னை கைது செய்தது தவறு எனக் குறிப்பிட்டு டெல்லி உச்சநீதிமன்றத்தில் மேல்முறையீடு செய்திருந்தார். இந்த மனுவை விசாரித்த உச்சநீதிமன்றம், அரவிந்த் கெஜ்ரிவாலுக்கு இடைக்கால ஜாமீன் வழங்கி உத்தரவிட்டுள்ளது. 

இந்த நிலையில், டெல்லி நீர்வளத்துறை அமைச்சர் அதிஷி இன்று செய்தியாளர்களைச் சந்தித்து பேசினார். அப்போது அவர், “அரவிந்த் கெஜ்ரிவாலுக்கு ரூஸ் அவென்யூ நீதிமன்றம் ஜாமீன் வழங்கியிருப்பது பாஜகவுக்குத் தெரியும். அவருக்கு உச்ச நீதிமன்றத்திலும் ஜாமீன் கிடைக்கும் என்பது அவர்களுக்குத் தெரியும். அதனால்தான், இன்னொரு சதித்திட்டத்தை தீட்டி, ஜாமீன் மனு உச்ச நீதிமன்றத்தில் வரவிருந்த நாளில், அதற்கு ஒரு நாள் முன்னதாக அரவிந்த் கெஜ்ரிவாலை சிபிஐ கைது செய்தது. அவர் ஏன் சிபிஐயால் கைது செய்யப்பட்டார்? ஏனென்றால், அமலாக்கத்துறை வழக்கில் ஜாமீன் கிடைத்தால், அவர் சிறையில் இருந்து வெளியே வந்து, 10 மடங்கு வேகமாக டெல்லி மக்களுக்காகப் பணியாற்றுவார். இன்றைக்கு பிஜேபிக்கு ஒன்றை சொல்ல விரும்புகிறேன். இந்த நாட்டில் உள்ள ஒவ்வொரு நீதிமன்றமும் உங்கள் சதி திட்டத்தை வெளிப்படுத்தி, ஒவ்வொரு நீதிமன்றமும் அரவிந்த் கெஜ்ரிவாலுக்கு ஜாமீன் வழங்கி வருகிறது. பா.ஜ.க.வுக்கு மற்றொன்றையும் நான் சொல்ல விரும்புகிறேன். உங்கள் ஆணவத்தை முடிவுக்கு கொண்டு வந்து மற்ற கட்சிகளுக்கு எதிராக சதி செய்வதை நிறுத்துங்கள். உண்மை கலங்கலாம் ஆனால் தோற்கடிக்க முடியாது” என்று கூறினார். 

Next Story

'பாஜகவின் அதிகார வெறி இதன் மூலம் தெரிகிறது''-செல்வப்பெருந்தகை பேட்டி

Published on 18/06/2024 | Edited on 18/06/2024
"BJP's hunger for power is evident through this" - Selvaperunthakai interview

மேற்கு வங்க மாநிலம் டார்ஜிலிங் மாவட்டத்தில் உள்ள பனிஷ்தேவா பகுதியில் கடந்த 17.06.2024 அன்று காலை 9 மணியளவில் நின்று கொண்டிருந்த சீல்டா - கஞ்சன்ஜங்கா எக்ஸ்பிரஸ் மீது அந்த வழியாக வந்த சரக்கு ரயில் மோதி ஏற்பட்ட பயங்கர விபத்தில் 5 பேர் உயிரிழந்த நிலையில் இந்த ரயில் விபத்து சம்பவம் பரபரப்பை ஏற்படுத்தியது.

இந்நிலையில் சென்னையில் செய்தியாளர்களைச் சந்தித்த தமிழக காங்கிரஸ் கமிட்டி தலைவர் செல்வப்பெருந்தகை பேசுகையில், ''உபகரணங்கள் வாங்குவதற்கு பதிலாக, பாதுகாப்பிற்கு செலவு செய்வதற்கு பதிலாக, ஆடம்பர வீடுகள் கட்டுவதும், சுற்றுலா மாளிகை கட்டுவதும், அந்தச் சுற்றுலா மாளிகை பங்களா வீடுகளுக்கு விலை உயர்ந்த பர்னிச்சர்களை வாங்குவதிலும் இவர்கள் கவனம் செலுத்துகிறார்கள். பாதுகாப்பு குறைபாடுகள் உள்ள இடத்தில் இவர்கள் கவனம் செலுத்தவில்லை என்று தொடர்ந்து 6 ஆண்டுகளுக்கு சிஏஜி அறிக்கை சொல்கிறது. ஆனால் மெத்தனபோக்கோடு இப்படி விபத்துகளை தொடர்ந்து பாஜக அரசு அனுமதித்து இருக்கிறது.

காங்கிரஸ் இயக்கத்தின் தலைவராகவும், ரயில்வேதுறை அமைச்சராகவும் இருந்த ஓ.வி.அழகேசன் அரியலூர் விபத்து ஏற்பட்டவுடன் பதவியை ராஜினாமா செய்தார். சாஸ்திரியும் ராஜினாமா செய்திருக்கிறார். மம்தா பானர்ஜியும் ரயில்வேதுறை அமைச்சராக இருந்த பொழுது விபத்து நடத்தவுடன் ராஜினாமா செய்தார். நிதிஷ்குமார் ரயில்வே துறை அமைச்சராக இருந்த பொழுது ராஜினாமா செய்தார். ஏன் பாஜக அமைச்சர்கள் மட்டும் ராஜினாமா செய்ய மறுக்கிறார்கள். பிடிவாதமாக இருக்கிறார்கள். அதிகார வெறி என்பது இதன் மூலமாக தெரிகிறது. ஆகவே இனி வரும் காலங்களில் இப்படிப்பட்ட விபத்துக்களை தவிர்க்க வேண்டும். சிஏஜி அறிவுரைகளை ஏற்றுக்கொள்ள வேண்டும். மக்களின் பாதுகாப்பிற்காக ஒதுக்கப்படும் லட்சக்கணக்கான கோடி நிதியை அதற்காக மட்டுமே பயன்படுத்த வேண்டும்''என்றார்.