Skip to main content

அம்பேத்கர் பெயரை உச்சரிக்க தகுதியில்லாதவர்கள் இன்று அவருக்கு ஜெயந்தி விழா எடுக்கிறார்கள் - திருமா சாடல்!

Published on 07/01/2021 | Edited on 07/01/2021

 

ghj

 

சென்னையில் நடைபெற்ற விழா ஒன்றில் கலந்துகொண்ட விடுதலை சிறுத்தைகள் கட்சித் தலைவர் திருமாவளவன், அம்பேத்கர் ஏன் சங்பரிவார் அமைப்புகளால் கொண்டாடப்படுகிறார் என்பதை தனக்கே  உரிய பாணியில் பேசினார்.

 

அவரின் உரை பின்வருமாறு, "இன்றைக்கு பலருக்குத் திடீரென அம்பேத்கர் தேவைப்படுகிறார். ஏனென்றால் 30 கோடி மக்களின் வாக்குகள் அவர்களுக்குப் பிரதானமாக இருக்கிறது. அவர்களின் வாக்குகளை இழந்துவிடக் கூடாது என்பதை அடிப்படையாக கொண்டு அவர்கள் செயல்பட்டு வருகிறார்கள். உள்ளபடியே சனாதனத்தின் முதல் எதிரி, மூர்க்கமான எதிரி, ஒரே எதிரி டாக்டர் அம்பேத்கர் என்றால் அதில் மிகையல்ல. தன்னுடைய வாழும் காலம் வரை அந்த சனாதான கொள்கைகளை வேரறுக்க பாடுபட்டார். இந்த சங்கபரிவார் கும்பல் சனாதனத்தை ஆதரிப்பார்கள் என்றால், அவர்கள் வெளிப்படையாக எதிர்க்க வேண்டிய ஒரு நபர் புரட்சியாளர் அம்பேத்கர் மட்டும்தான். எனவே அவரைத்தான் தங்களுடைய முதல் எதிரியாக சனாதான கும்பல் அறிவிக்க வேண்டும். ஏனென்றால் அவரைப் போல் சனாதானத்தை எதிர்த்த ஒரு தலைவன் இதுவரை பிறக்கவில்லை. வெகுமக்களை திரட்டி இந்த சனாதன கோட்பாடுகளைக் கடைசி காலம் வரை எதிர்த்தார். 

 

‘பகுத்தறிவு பகலவன்’ பெரியார் கூட தேர்தல் அரசியலில் தன்னை ஈடுபடுத்திக் கொண்டவர் அல்ல. எனவே அவர் வாக்கு அரசியலில் இருந்து விலகியே இருந்து வந்தார். ஆனால் புரட்சியாளர் அம்பேத்கர் தேர்தல் அரசியலில் இருந்துகொண்டே இந்த சானாதான கொள்கையைக் கடுமையாக எதிர்த்தார். இறுதிவரையில் இதனால் பாதிப்பு வரும் என்று தெரிந்தும் அஞ்சாமல் இருந்தவர். வாக்கு அரசியல் அவரின் பாதைகளை இறுதிவரை மாற்றவில்லை. ஓயாமல் சனாதானத்தை எதிர்த்து வந்தார். ஆனால் இன்றைக்கு நாங்களும் கொண்டாடுகிறோம் என்று சனாதனவாதிகள் அவரைக் கொண்டாடுவதைப் போல் நடிக்கிறார்கள். இதில் எந்த நல்ல நோக்கமும் இல்லை. பல கோடி மக்களின் நம்பிக்கையை எப்படியாவது இந்த மாதிரியான சித்து வேலைகளை செய்தாவது பெற்றுவிட மாட்டோமா என்ற எண்ணத்தில் இந்த மாதிரியான வேலைகளை அவர்கள் தொடர்ந்து செய்து வருகிறார்கள். இவர்கள் தற்போது அம்பேத்கர் ஜெயந்தி கொண்டாடுகிறார்கள், அம்பேத்கர் சிலைகளைத் தேடி கண்டுபிடித்து மாலை அணிவிக்கிறார்கள். சனாதான வேலைகளை முன்னெடுத்துக்கொண்டே அதனை எதிர்த்தவருக்கு மலை அணிவிப்பதை எப்படி பார்க்க முடியும். இவர்களின் நடிப்பிற்கு எல்லை இல்லாமல் சென்றுக்கொண்டிருக்கிறது. 

 

அம்பேத்கர் சிலைக்கு அருகில் நெருங்குவதற்கு கூட அருகதை அற்றவர்கள் இந்த சனாதான கும்பல். அம்பேத்கர் பெயரை உச்சரிக்க கூட தகுதி இல்லாதவர்கள். எனக்கு தெரிந்து ஒரு மதத்தை முற்றாக தவிர்த்து ஒரு தலைவரின் பின்னால் வெகுஜன மக்கள் சென்றால்கள் என்றால் அது புரட்சியாளரின் பின்னால் மட்டும்தான் என்பது மறுக்க முடியாத உண்மை. இந்த 21ம் நூற்றாண்டில் அப்படி யாரையும் நாம் இதுவரை பார்த்ததில்லை. கடந்த காலங்களில் அப்படிபட்ட மனிதர்கள் இருந்தார்களா என்று நமக்குத் தெரியாது. வரலாறு நமக்கு தந்திருக்கிற தரவுகளின்படி பார்த்தால் இந்த சாதனையை செய்திருக்கும் ஒரே தலைவன் அவர் மட்டுமே. மன்னர்கள் மதம் மாறினால் குடிமக்கள் மதம் மாறுவார்கள். அது வேண்டுமானால் அந்த காலத்தில் நிகழ்ந்திருக்கும், ஆனால் குடிமக்களையும் பின்தொடரச் செய்து இத்தகைய மாற்றத்தை இந்த நூற்றாண்டில் செய்தவர் புரட்சியாளர் அம்பேத்கார் மட்டுமே. எனவே அவரை நாம் கொண்டாட வேண்டும். அவரை யாருடைய கைகளிலும் சிக்க வைத்துவிடக் கூடாது" என்றார்.

 

 

Next Story

சீமான் கேட்ட சின்னம் மதிமுகவிற்கு; கிட்டத்தட்ட க்ரீன் சிக்னலில் விசிக

Published on 30/03/2024 | Edited on 30/03/2024
Seeman asked for the symbol for Mdmk; Almost at the green signal for vck

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி முதற்கட்டமாக ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

திமுக, அதிமுக, நாம் தமிழர், பாஜக உள்ளிட்ட கட்சிகள் பரப்புரையை தீவிரப்படுத்தி இருக்கும் இந்த நிலையில், விசிகவிற்கு பானை சின்னம் கொடுக்க வேண்டும் என கட்சி சார்பில் வழக்கு தொடரப்பட்டிருந்தது. முன்னதாக மதிமுகவும் பம்பரம் சின்னம் வேண்டுமென உயர்நீதிமன்றத்தில் வழக்கு தொடர்ந்திருந்தது. ஆனால், மதிமுகவிற்கு பம்பரம் சின்னம் ஒதுக்க முடியாது என திட்டவட்டமாக தேர்தல் ஆணையம் மறுத்திருந்த நிலையில் தற்போது அண்மை செய்தியாக விடுதலை சிறுத்தைகள் கட்சிக்கு அவர்கள் கேட்ட பானை சின்னம் ஒதுக்க வாய்ப்பு இருப்பதாக தகவல்கள் வெளியாகி உள்ளது.

திருச்சி மக்களவைத் தொகுதியில் போட்டியிடுவதற்காக 38 வேட்புமனுக்கள் தாக்கல் செய்யப்பட்டுள்ளது. மதிமுக சார்பில் துரை வைகோ திருச்சியில் போட்டியிடுகிறார். வேட்புமனு தாக்கலின் போதே துரை வைகோ மூன்று சின்னங்களை வலியுறுத்தி இருந்தார். அதில் முதல் சின்னமாக பம்பரம் சின்னத்தையும், இரண்டாவதாக தீப்பெட்டி சின்னம், மூன்றாவதாக கேஸ் சிலிண்டர் சின்னத்தை கேட்டிருந்தார். ஒரு தொகுதியில் போட்டியிடுவதால் பம்பரம் சின்னத்தை ஒதுக்க முடியாது என தேர்தல் ஆணையம் திட்டவட்டமாக தெரிவித்த நிலையில், மாற்று சின்னத்தை பெற மதிமுக முயன்று வருகிறது.

துரை வைகோ மாற்றாக கேட்டிருக்கும் தீப்பெட்டி சின்னத்தையும் சுயேட்சை வேட்பாளர் ஒருவர் கேட்டுள்ளார். மதிமுக அங்கீகாரம் இல்லாத கட்சியாக இருந்தாலும் பதிவுபெற்ற அரசியல் கட்சியாக இருப்பதால் அவருக்கு முன்னுரிமை அளிக்கப்படும் வகையில் தீப்பெட்டி சின்னம் கிடைக்கும் என மதிமுக வட்டாரம் எதிர்பார்த்து காத்துள்ளது.

அதேபோல சின்னம் தொடர்பான பிரச்சனையில் சிக்கியிருக்கும் விசிக இரண்டு தொகுதியில் போட்டியிடும் நிலையில், சிதம்பரம் தொகுதியில் திருமாவளவனைத் தவிர சுயேட்சை வேட்பாளர் ஒருவரும் பானை சின்னம் வேண்டும் என கோரிக்கை வைத்திருந்தார். ஆனால் பானை சின்னம் கேட்டவரின் வேட்புமனு நிராகரிக்கப்பட்டதால் திருமாவளவனுக்கு பானை சின்னம் கிடைப்பது உறுதியாகி உள்ளது. அதேபோல் விழுப்புரத்தில் போட்டியிடும் விசிகவின் வேட்பாளர் ரவிக்குமாரை தவிர வேறு யாரும் பானை சின்னம் கேட்காததால் விழுப்புரம் தொகுதிக்கும் பானை சின்னம் கிடைக்க வாய்ப்பு கிட்டத்தட்ட உறுதியாகி உள்ளது.

மதிமுகவுக்கு தற்போது கிடைக்கப் போவதாக இருக்கும் தீப்பெட்டி சின்னத்தை இதற்கு முன்பே நாம் தமிழர் கட்சி கேட்டிருந்ததாகவும், கிடைக்காமல் போனதாகவும் தகவல்கள் வெளியாகி இருந்தது குறிப்பிடத்தக்கது.

Next Story

'நீதிமன்றத்தின் உத்தரவை மக்கள் மன்றம் புறக்கணிக்கும்' - திருமா கருத்து

Published on 12/12/2023 | Edited on 12/12/2023

 

 'The People's Forum will ignore the order of the court'-Thirumavalavan

கடந்த 2019ம் ஆண்டு ஆகஸ்ட் மாதம் ஜம்மு - காஷ்மீர் மாநிலத்திற்கு வழங்கி வந்த சிறப்பு சட்டப்பிரிவு 370ஐ ரத்து செய்து மத்திய அரசு அறிவிப்பாணையை வெளியிட்டது. அத்துடன் ஜம்மு காஷ்மீர் மாநிலத்தை ஜம்மு காஷ்மீர் மற்றும் லடாக் என்று 2 யூனியன் பிரதேசங்களாக் பிரித்து, ஜம்மு காஷ்மீர் சட்ட பேரவையுடன் கூடிய யூனியன் பிரதேசமாகவும், லடாக் சட்டபேரவை இல்லாத யூனியன் பிரதேசமாகவும் செயல்படும் என மத்திய அரசு அறிவித்தது. இதற்கு நாடு முழுவதும் ஆதரவு கொடுக்கப்பட்டாலும், எதிர்ப்பும் கிளம்பியது.

சிறப்பு அந்தஸ்து ரத்து செய்யப்பட்டதற்கு உச்சநீதிமன்றத்தில் பல்வேறு வழக்குகள் தொடரப்பட்டது. இந்த வழக்குகள் பலமுறை விசாரணைக்கு எடுத்துக்கொள்ளப்படாத நிலையில், தற்போது மீண்டும் இந்த விவகாரம் உச்சநீதிமன்றத்தில் மனுவாகத் தாக்கல் செய்யப்பட்டது. இந்த வழக்கை விசாரணைக்குப் பட்டியலிட உச்சநீதிமன்ற தலைமை நீதிபதி சந்திரசூட் ஒப்புதல் அளித்தார். இந்த வழக்குகளை உச்ச நீதிமன்ற தலைமை நீதிபதி டி.ஒய். சந்திரசூட் தலைமையிலான 5 நீதிபதிகள் அடங்கிய அரசியல் சாசன அமர்வு விசாரித்து வந்தது.  வழக்கின் அனைத்து வாதங்களும் முடிந்து 5 பேர் கொண்ட உச்சநீதிமன்ற அரசியல் சாசன அமர்வு வழக்கின் தீர்ப்பை வழங்கியுள்ளது.

இந்த வழக்கில் தலைமை நீதிபதி சந்திரசூட் உட்பட, நீதிபதிகள் பி.ஆர்.கவாய், சூர்யா காண்ட் ஆகிய மூவரும் ஒரே மாதிரியான தீர்ப்பு வழங்கியுள்ளனர். இதையடுத்து நீதிபதி சஞ்சய் கிஷன் கவுல் 3 நீதிபதிகளின் தீர்ப்பில் இருந்து மாறுபட்ட தீர்ப்பை வழங்கியிருக்கிறார். அதற்கடுத்ததாக நீதிபதி சஞ்சிவ் கன்னா இந்த இருவிதமான தீர்ப்புகளை ஏற்பதாக ஒரு தீர்ப்பை வழங்கியுள்ளார். சட்டப்பிரிவு 370 செல்லும் என்று மூன்று நீதிபதிகள் தீர்ப்பளித்துள்ளதாலும், ஒரு நீதிபதி மாறுபட்ட தீர்ப்பளித்துள்ளதாலும், மற்றொரு நீதிபதி இரண்டு தீர்ப்புகளுக்கு உடன்படுவதாகவும் கூறியுள்ள நிலையில், 3:2 என்ற அடிப்படையில் சட்டப்பிரிவு 370 ஐ நீக்கியது செல்லும் என்று உச்சநீதிமன்றம் தீர்ப்பளித்துள்ளது.

 

 'The People's Forum will ignore the order of the court'-Thirumavalavan

 

இந்நிலையில் ஜம்மு - காஷ்மீர் வழங்கி வந்த சட்டப்பிரிவு 370ஐ நீக்கியது செல்லும் என்ற உச்சநீதிமன்றத்தின் தீர்ப்புக்கு பல்வேறு அரசியல் கட்சி தலைவர்களும் தங்களது கருத்துக்களை தெரிவித்து வருகின்றனர். அந்த வகையில் விசிக தலைவர் திருமாவளவன் வெளியிட்டுள்ள அறிவிப்பில், '.காஷ்மீருக்கு சிறப்பு அந்தஸ்து வழங்கும் அரசியலமைப்புச் சட்டம் 370 ரத்து என்ற தீர்ப்பால் அதிர்ச்சி அடைந்தேன். காஷ்மீருக்கு எதிரான நீதிமன்றத்தின் தீர்ப்பை மக்கள் மன்றம் புறக்கணிக்கும் என்பது உறுதி' என தெரிவித்துள்ளார்.