விதியை உடைத்த இயற்பியலாளர்!

உலகெங்கிலும் மாற்றுத்திறனாளிகளுக்கு மட்டுமல்லாமல் அனைவருக்குமே மிகுந்த உத்வேகத்தையும் நம்பிக்கையையும் தன் வாழ்க்கை மூலமும் பேச்சின் வழியாகவும் பரப்பியஸ்டீபன் வில்லியம் ஹாக்கிங் இன்று மறைந்தார்.

ஸ்டீபன் வில்லியம் ஹாக்கிங், இங்கிலாந்து நாட்டைச் சேர்ந்த இயற்பியலாளர் ஆவார். இவர் 1948 ஜனவரி 8ஆம் தேதி இங்கிலாந்திலுள்ள ஆக்ஸ்போர்டில் பிறந்தவர். ஆக்ஸ்போர்ட் பல்கலைக்கழகத்தில் அறிவியல் முடித்தார். கேம்பிரிட்ஜ் பல்கலைக்கழகத்தில் வானவியல் மற்றும் பிரபஞ்சயியல் முடித்தார். இவரது 21 ஆவது வயதில் "அமயோட்ரோபிக் லேட்டரல் ஸ்க்லேரோசிஸ்" எனும் நரம்பு நோயால் தாக்குண்டு உடல் பாகங்கள் அனைத்தும் செயலிழந்து, அதனால் தன் பேச்சையும் இழந்தார் ஹாக்கிங். மருத்துவர்கள் மூன்றாண்டுகளில் உயிரிழந்தவிடுவார் என்று கூறியும் அதனையெல்லாம் கடந்து இன்று தன்னம்பிக்கையோடு 75வது வயதை தொட்டுள்ளார். அதுமட்டுமல்லாமல் உடல் செயலிழந்த நிலையிலும் தனது பி.ஹெச்.டியை வெற்றிகரமாக முடித்து டாக்டர் பட்டத்தை பெற்றார். அதுமட்டுமல்லாமல் உடல் செயலிழந்த நிலையிலும் தனது பி.ஹெச்.டியை வெற்றிகரமாக முடித்து டாக்டர் பட்டத்தை பெற்றார்.

ஹாக்கிங் சொல்ல நினைப்பதை வெளிப்படுத்தும் வகையில் அவருக்கென்று பிரத்தியேகமாக கணினி உருவாக்கப்பட்டது. அதன் மூலம் புத்தகங்கள் பலவற்றை எழுதியுள்ளார். அவர் எழுதிய (A BRIEF HISTORY OF TIME) அறிவியல் உலகம் போற்றக்கூடிய புத்தகம் ஆகும். இதில் அண்டம் பெருவெடிப்பு, கருந்துளை (black hole) ஆகியவற்றை பற்றி கூறியுள்ளார். ஐன்ஸ்டைனுக்கு பிறகு உலகின் தலைசிறந்த கோட்பாடு இயற்பியலாளர் இவர்.

தான் படித்த கேம்பிரிட்ஜ் பல்கலைக்கழத்தில் பேராசிரியராக பணியில் சேர்ந்து லூக்காசியன் நாற்காலி எனும் உயரிய மரியாதையைப் பெற்றார். பிளாக் ஹோலில் ஒளியுட்பட வேறு எதுவும் வெளியேற முடியாது என்பதை தகர்த்து அதில் துணிக்கைகள்சென்று அதன் மூலம் அவை அழிந்துவிடுகிறது என்று கண்டறிந்தார் அதற்கு ஹாக்கிங் கதிர்வீச்சு என்று பெயர் சூட்டப்பட்டது.

"A BRIEF HISTORY OF TIME" என்ற புத்தகத்தை 2002ல் ஒரு கோடி ரூபாய் செலவில் "நலங்கிள்ளி தியாகு" என்பவர் 'காலம் - ஒரு வரலாற்று சுருக்கம்' என்ற பெயரில் தமிழில் மொழிபெயர்ப்பு செய்துள்ளார். "A BRIEF HISTORY OF TIME, THE UNIVERSE IN NUTSHELL" என்ற இரண்டு புத்தகங்களும் உலகளவில் விற்று சாதனை படைத்தது.

"கோஜீரோஜி" (GO ZERO G) என்ற நிறுவனம் "போயிங்725" என்ற ஈர்ப்புவிசை இல்லாத விமானத்தை உருவாக்கியது. அதினுள் நுழையும்போது விண்வெளியில் இருப்பது போன்ற அனுபவம் கிடைக்கும். அதற்கு சென்று வந்த ஹாக்கிங்ஸ் தனது அனுபத்தை செய்தியாளர்களிடம் பகிரும்போது, நான் இதோடு நின்றுவிட மாட்டேன். ரிச்சர்ட் பிரான்சன் என்னை விண்வெளிக்கு அழைத்துச் செல்வதாக கூறியுள்ளார் அதற்கு நான் தயாராகிக் கொண்டிருக்கிறேன் என கூறினார். இந்த தன்னம்பிக்கைதான் அவரை பல விஷயங்களில் சாதிக்க வைத்துள்ளது.

இந்த அண்டத்திற்கு அப்பாற்பட்டு நடக்கும் விஷயங்களை அறிவாலும், தொலைநோக்கு பார்வையாலும்அறிந்து, தன் கணினி மூலம் உணர்வுகளை வெளிப்படுத்தி உலக மக்களை எச்சரித்தும், பாதுகாத்தும் வருகிறார் ஸ்டீவன் ஹாக்கிங்.

ஸ்டீபன் ஹாக்கிங் சில ஆண்டுகளுக்கு முன் இந்த உலகை விட்டு வெகுவிரைவில் வெளியேற வேண்டும் இல்லையெனில் மனித இனம் முற்றிலும் அழிந்து போகும் அதற்குள் வெகு விரைவில் வேற்று கிரகத்தை கண்டறிந்து சென்று விட வேண்டும். இல்லையேல் ஆஸ்ட்ரோ பாறை மோதும், சூரியன் பூமியை விழுங்கிவிடும் என்று தெரிவித்தார். இது ஆராய்ச்சியாளர்கள் மத்தியில் அதிர்வலையை ஏற்படுத்தியது.இன்று அவர் இந்த உலகை விட்டு வெளியேறிவிட்டார். எங்கிருந்தாலும், எந்த வடிவில் இருந்தாலும்அங்கும் அவர் செயல்பட்டுக்கொண்டேதான் இருப்பார்.