Skip to main content

எடப்பாடி அரசு என்னை மிரட்டிப் பார்க்கிறது! -தங்கத்தமிழ்ச்செல்வனின் பகீர் பேட்டி!!!

Published on 29/06/2018 | Edited on 29/06/2018

டி.டி.வி. ஆதரவு எம்.எல்.ஏ.க்களான தங்கத்தமிழ்ச்செல்வன், வெற்றிவேல் உள்பட 18 எம்.எல்.ஏ.க்கள் கடந்த ஆண்டு முதலமைச்சர் எடப்பாடியை மாற்றக்கோரி கவர்னரிடம் மனு கொடுத்தனர். இதனால் சபாநாயகர் 18 எம்.எல்.ஏ.க்களும் விதிமுறைகளை மீறி செயல்பட்டனர் என்று கூறி அந்த 18 எம்.எல்.ஏ.க்களையும் தகுதிநீக்கம் செய்தார்.

ஆனால் டிடிவி ஆதரவு எம்.எல்.ஏ.க்கள் இந்த 18 பேரும் எங்களை தகுதிநீக்கம் செய்தது செல்லாது என எதிர்ப்பு தெரிவித்ததோடு மட்டுமல்லாமல் சென்னை ஐகோர்ட்டில் வழக்கு தொடர்ந்தனர். இந்த வழக்கை சென்னை ஐகோர்ட் தலைமை நீதிபதி இந்திரா பானர்ஜி மற்றும் நீதிபதி சுந்தர் ஆகியோர் பெஞ்சில் இருதரப்பு விசாரணைக்கு பிறகு கடந்த 14ம் தேதி இந்த வழக்கில் அதிரடி தீர்ப்பு கூறப்பட்டது. அதில் தலைமை நீதிபதி இந்திரா பானர்ஜி தனது தீர்ப்பில் 18 எம்.எல்.ஏ.க்களை சபாநாயகர் தகுதி நீக்கம் செய்தது செல்லும் என்றும் தீர்ப்பளித்தார். ஆனால் மற்றொரு நீதிபதியான சுந்தரோ சபாநாயகர் உத்தரவு செல்லாது என தீர்ப்பளித்தார்.

இப்படி இரு நீதிபதிகளும் மாறுபட்ட தீர்ப்பளித்த காரணத்தால் இந்த வழக்கு விசாரணையை மூன்றாவது நீதிபதியிடம் ஒப்படைக்கப்பட்டுள்ளது. அதன் அடிப்படையில் மூன்றாவது நீதிபதியாக சத்யநாராயணனையும் சுப்ரீம் கோர்ட்டு நியமித்துள்ளது. இப்படி இரண்டு நீதிபதிகளும் மாறுபட்ட தீர்ப்பு கூறியதை கண்டு தகுதிநீக்கம் செய்யப்பட்ட தங்கத்தமிழ்ச்செல்வன் அதை கடுமையாக விமர்சனம் செய்தார்.

 

 


அதோடு மத்திய, மாநில அரசுகள் நீதிமன்றங்களை விலைக்கு வாங்கிவிட்டன என பகிரங்கமாகவே குற்றம் சுமத்தினார். இதற்கு நீதிமன்ற அமைப்புகள் கடும் கண்டனமும், எதிர்ப்பும் தெரிவித்தனர். இந்த நிலையில் பெண் வக்கீல் ஸ்ரீமதி சென்னை ஐகோர்ட்டில் தங்கத்தமிழ்ச்செல்வன் மீது கோர்ட் கிரிமினல் வழக்கு தொடர்ந்துள்ளர். 

அந்த மனுவில் ஸ்ரீமதி கூறியிருப்பதாவது, 18 எம்.எல்.ஏ.க்கள் தகுதிநீக்கம் செய்யப்பட்ட வழக்கில் மாறுபட்ட தீர்ப்பு வெளியானதை தங்கத்தமிழ்ச்செல்வன் மிக மிக தரக்குறைவான வகையில் மீடியாக்களில் விமர்சனம் செய்துள்ளார். அதுபோல் தமிழ் தொலைக்காட்சி சேனல் ஒன்றுக்கு அவர் அளித்த பேட்டியில் அ.தி.மு.க. அரசு தொடர்ந்து ஆட்சி நீடிக்க உதவவே ஐகோர்ட் தீர்ப்பளித்தது இது விலை கொடுத்து வாங்கப்பட்ட தீர்ப்பு போல் தெரிகிறது என்று கூறினார்.

மேலும் சென்னை ஐகோர்ட்டையும், தலைமை நீதிபதியையும் அவர் மிகவும் கொச்சைப்படுத்தும் வகையில் கீழ்த்தரமாகவும் விமர்ச்சித்துள்ளார். அதோடு மத்திய, மாநில அரசுகளுடன் சேர்ந்து நீதிபதிகள் சதி செய்வதாகவும், மத்திய, மாநில அரசுகளின் கைகளில் நீதிபதிகள் அடகு வைக்கப்பட்டுவிட்டதாகவும் குறிப்பிட்டு இருந்தார்.
 

 

This state is intimidating me! I will explain to the government lawyer notices !!



 

இப்படி வக்கீல் ஸ்ரீமதி கொடுத்த கோர்ட் அவமதிப்பு வழக்கை அரசு தலைமை வக்கீலுக்கு பரிந்துரைக்கப்பட்டுள்ளது.  அதை தொடர்ந்து அரசு தலைமை வக்கீல் விஜயநாராயணன் தகுதிநீக்கம் செய்யப்பட்ட எம்.எல்.ஏ. தங்கத்தமிழ்ச்செல்வனுக்கு விளக்கம் கேட்டு நோட்டீஸ் அனுப்பியுள்ளார். அதில் அவர் 18 எம்.எல்.ஏ.க்கள் தகுதிநீக்கம் வழக்கில் நீதிபதிகளின் மாறுபட்ட தீர்ப்பு பற்றி விமர்சித்து பேசியதை பற்றி இரண்டு வாரங்களுக்குள் விளக்கம் அளிக்க வேண்டும். இதற்காக நேரில் ஆஜராக வேண்டும். அல்லது வக்கீல் மூலம் பதிலளிக்கலாம் என்றும் கூறினார்.

இப்படி தங்கத்தமிழ்ச்வெல்னுக்கு அனுப்பிய நோட்டீசுக்கு வரும் ஜீலை 2 வாரத்திற்குள் விளக்கம் அளிப்பார் என்று எதிர்பார்க்கப்படுகிறது. அதன்பிறகு அவரிடம் விசாரணையும் நடத்தப்படும். அதை தொடர்ந்து தங்கத்தமிழ்ச்செல்வன் மீது கோர்ட்டுகள் அவமதிப்பு சட்டம் 1971 பிரிவில் 15ன் கீழ் நடவடிக்கை எடுப்பது பற்றி முடிவெடுக்கப்படும்.

 

 

 

இப்படி அரசு வக்கீல் நோட்டீசை அனுப்பியதை பற்றி டி.டி.வி. ஆதரவாளரான தங்கத்தமிழ்ச்செல்வனிடம் கேட்டபோது,  
 

முதன் முதலில் சட்டசபையில் நான் அரசுக்கு ஆதரவாகத்தான் வாக்களித்தேன். அரசுக்கு எதிராக வாக்களித்தவர் ஓ.பி.எஸ். இது உலகத்திற்கே தெரியும். இந்த ஓ.பி.எஸ். உள்பட அவருடைய ஆதரவாளர்கள் 11 எம்.எல்.ஏ.க்களுமே மாற்றித்தான் ஒட்டு போட்டார்கள். அப்படி அவர்கள் அரசுக்கு எதிராக வாக்களித்தது தவறு என்று நீதிமன்றம் கூறியிருந்தால் தீர்ப்பை வரவேற்றிருந்திருப்பேன்.

அதை சொல்லாமல் சபாநாயகர் விஷயத்தில் நாங்கள் தலையிட முடியாது என்று தீர்ப்பு கூறிவிட்டார்கள். ஆனால் நான் உண்மையைச் சொன்னால் கோர்ட் அவமதிப்பு என்று எனக்கு நோட்டீஸ் அனுப்புகிறார்கள். நான் அதற்கு பயப்பட போவதில்லை. விளக்கம் அளிப்பேன் அதோடு நான் அரசு வக்கீலை பார்த்து கேட்கிறேன். சட்டம் அனைவருக்கும் சமம். பொதுமக்கள் இறுதியாக நம்பும் இடம் நீதிமன்றங்கள் தான். எங்களுக்கு சாதகமாக தீர்ப்பு வேண்டும் என்று நான் கேட்கவில்லை. ஆனால் சட்டமன்றத்தில் ஓ.பி.எஸ். ஆதரவு எம்.எல்.ஏ.க்கள் 11 பேர் இந்த எடப்பாடி அரசை கவிழ்க்க எதிர்த்து வாக்களித்தார்கள். அப்படி அவர்கள்செய்தது சரியா? தவறா? என்பது நீதிமன்றம் ஏன் கூறவில்லை. அதையெல்லாம் விளக்கமாக சொல்லாமல் தீர்ப்பு கூறினால் எப்படி நீதிபதி தீர்ப்பை விமர்சசிக்க கூடாது என்கிறார்கள்.

 

 


அப்படியானால் நீதிபதியாக இருந்த கர்ணனுக்கு எதிராக சுப்ரீம் கோர்ட் நீதிபதிகள் நாலு பேர் கருத்து தெரிவித்தார்களே? அவர்களுக்க ஏன் நோட்டீஸ் அனுப்பவில்லை. சுப்ரீம் கோர்ட் நீதிபதிகள் என்பதால் பயமா? நான் ஒரு சாதாரண குடிமகன் என்பதால் எனக்கு நோட்டீஸ் அனுப்பி என்னை இந்த அரசு மிரட்டப் பார்க்கிறது. அதற்கு ஒரு போதும் நான் பயப்பட போவதில்லை சட்டம் எல்லோருக்கும் சமம். இதுவரை அரசு வக்கீல் அனுப்பிய நோட்டீஸ் எனக்கு வரவில்லை. வந்தால் இதையெல்லாம் விளக்கமாக கோர்ட்டில் எடுத்துச்சொல்வேன் என்று கூறினார்.

 

 

சார்ந்த செய்திகள்

 

Next Story

காவிரி விவகாரம்; கர்நாடக காங்கிரஸ் அரசுக்கு எடப்பாடி பழனிசாமி கண்டனம்!

Published on 12/07/2024 | Edited on 12/07/2024
Edappadi Palaniswami condemns Karnataka Congress government!

தமிழகத்திற்கு நாள் ஒன்றுக்கு 1 டிஎம்சி தண்ணீர் திறக்க வேண்டும் என்று காவிரி ஒழுங்காற்று குழு பரிந்துரை செய்திருந்தது. இந்த நிலையில் கர்நாடக முதல்வர் சித்தராமையா மற்றும் துணை முதல்வர் டி.கே.சிவக்குமார் தலைமையில் தமிழகத்திற்குத் தண்ணீர் திறப்பது குறித்து அதிகாரிகளுடன் ஆலோசனை நடத்தப்பட்டது. இதையடுத்து, தமிழகத்திற்குத் தண்ணீர் தரவே முடியாது என்று கர்நாடக முதல்வர் சித்தராமையா திட்டவட்டமாகத் தெரிவித்துள்ளார்.

இது தொடர்பாகச் செய்தியாளர்களைச் சந்தித்த கர்நாடக முதல்வர் சித்தராமையா, “காவிரி பாசனப் பகுதியில் 28 சதவீதம் தண்ணீர் பற்றாக்குறை உள்ளது. கர்நாடகாவின் வலியுறுத்தலை மீறி தண்ணீர் திறக்க காவிரி ஒழுங்காற்று குழு உத்தரவிட்டுள்ளது. கர்நாடகாவில் பற்றாக்குறை இருப்பதால் தற்போதைக்கு தமிழகத்திற்கு தண்ணீர் திறந்துவிட  முடியாது” என்று தெரிவித்தார். மேலும் இது குறித்து ஆலோசனை நடத்தக் கர்நாடக மாநிலத்தில் உள்ள அனைத்து கட்சியினருக்கும் முதல்வர் சித்தராமையா அழைப்பு விடுத்துள்ளார். 

தமிழகத்திற்குத் தண்ணீர் தர மறுக்கும் கர்நாடக காங்கிரஸ் அரசுக்கு தமிழக எதிர்க்கட்சி தலைவர் எடப்பாடி பழனிசாமி கண்டனம் தெரிவித்துள்ளார். இது தொடர்பாக அவர் வெளியிட்ட பதிவில், “கர்நாடக அணைகளில் இருந்து தமிழகத்திற்கு காவிரியில் நாளொன்றுக்கு ஒரு டி.எம்.சி வீதம் ஜூலை 31 வரை தண்ணீர் திறந்துவிடவேண்டும் என்ற காவிரி ஒழுங்காற்றுக் குழுவின் உத்தரவை ஏற்க மறுக்கும் கர்நாடக காங்கிரஸ் அரசின் போக்கு கடும் கண்டனத்திற்குரியது. காவிரி ஆறு பாயும் மாநிலங்களின் எண்ணங்களை கருத்திற்கொண்டு பிறப்பிக்கப்பட்டுள்ள உத்தரவை கர்நாடக அரசு ஏற்காமல் முரண்டு பிடிப்பது ஏற்கத்தக்கதல்ல.

விளம்பர போட்டோ ஷூட்டில் மட்டுமே கவனம் செலுத்தும் திமுக முதல்வர், காங்கிரசின் தயவிற்காக தமிழ்நாட்டின் ஜீவாதார உரிமையை விட்டுக்கொடுப்பது அவரின் தொடர் செயலற்றத்தன்மை மூலம் தெளிவாகத் தெரிகிறது. மேடையில் மட்டும் மாநில உரிமை பற்றி வாய் கிழிய பேசும் திமுக அரசின் முதல்வர் தன்னுடைய செயலற்ற தன்மையால், தமிழக மக்களின் வாழ்வோடு விளையாடி வருவது கடும் கண்டனத்திற்குரியது.

டெல்டா விவசாயிகள் நலனைக் கருத்திற்கொண்டு உடனடியாக காவிரி விவகாரத்தில் தீர்க்கமான நடவடிக்கைகளை மேற்கொண்டு தமிழ்நாட்டிற்கு உரித்தான நீரைப் பெறுமாறு திமுக முதல்வரை வலியுறுத்துகிறேன்” எனத் தெரிவித்துள்ளார். 

Next Story

சாட்டை துரைமுருகன் கைது; இபிஎஸ் கண்டனம்!

Published on 11/07/2024 | Edited on 11/07/2024
Shattai Duraimurugan arrested; EPS condemnation

விக்கிரவாண்டி சட்டமன்றத் தொகுதியில் கடந்த 2021 ஆம் ஆண்டு நடைபெற்ற சட்டமன்றத் தேர்தலில் திமுக சார்பில் போட்டியிட்டு வெற்றி பெற்றவர் புகழேந்தி. இவர் கடந்த ஏப்ரல் 6 ஆம் தேதி (06.04.2024) உடல் நலக்குறைவால் காலமானார். இவர் மறைந்ததைத் தொடர்ந்து விக்கிரவாண்டி சட்டமன்றத் தொகுதிக்கு ஜூலை 10 ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்திருந்தது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர்.

இதனையடுத்து தேர்தலுக்கான பரப்புரை கடந்த 8 ஆம் தேதி (08.07.2024) மாலை 6 மணியுடன் ஓய்ந்தது. அதனைத் தொடர்ந்து தேர்தலுக்கான பரப்புரை கடந்த 8 ஆம் தேதி (08.07.2024) மாலை 6 மணியுடன் ஓய்ந்தது. இதற்கிடையில் நேற்று (10.07.2024) காலை 7 மணிக்குத் தொடங்கிய வாக்குப்பதிவு மாலை 6 மணியுடன் நிறைவு பெற்றது. இதற்கிடையே விக்கிரவாண்டி தேர்தல் பரப்புரையின் போது தமிழக முன்னாள் முதல்வர் கலைஞர் குறித்து அவதூறு பரப்பியதாக நாம் தமிழர் கட்சியின் கொள்கை பரப்புச் செயலாளர் சாட்டை திருமுருகன் கைது செய்யப்பட்டுள்ளார். நெல்லை வீராணம் பகுதியில் ஹோட்டலில் தங்கியிருந்த சாட்டை முருகனை திருச்சி சைபர் கிரைம் போலீசார் கைது செய்தனர். 

Shattai Duraimurugan arrested; EPS condemnation

இந்நிலையில் சாட்டை துரைமுருகன் கைது செய்யப்பட்டதற்கு அதிமுக பொதுச் செயலாளர் எடப்பாடி பழனிசாமி கண்டனம் தெரிவித்துள்ளார். இது குறித்து அவர் எக்ஸ் சமூக வலைத்தளத்தில் வெளியிட்டுள்ள பதிவில், “கடந்த மூன்றாண்டு திமுக ஆட்சியில் கொலைகாரர்கள், கொள்ளைக்காரர்கள், கடத்தல்காரர்கள், பாலியல் வன்கொடுமையாளர்கள் போன்றோர் சுதந்திரமாக நடமாடி வருகின்றனர். இந்நிலையில், ஆட்சியாளர்களின் தவறுகளை சுட்டிக்காட்டும் சமூக செயல்பாட்டாளர்கள் மீதும், அரசியல் கட்சியை சார்ந்தவர்கள் மீதும் சர்வாதிகார நடவடிக்கைகள் மேற்கொள்ளப்பட்டு வருவது தொடர்கதையாகி வருகிறது.

தன் கையில் இருக்கும் அதிகாரம், நிரந்தரமானது என்ற இருமாப்போடு, 'இம்' என்றால் சிறைவாசம் 'உம்' என்றால் வனவாசம்... என்ற ரீதியில் வழக்குகள் போட்டு கைது செய்யும் அராஜகம் நாள்தோறும் அரங்கேறி வருகிறது. நாம் தமிழர் கட்சியின் நிர்வாகிகளில் ஒருவரான திருச்சி சாட்டை துரைமுருகன் விக்கிரவாண்டி இடைத்தேர்தல் பிரச்சாரத்தில் அவர் தெரிவித்த ஒரு சில கருத்துகளுக்காக பொய் வழக்கு புனைந்து இந்த அரசு கைது செய்து சிறையில் அடைத்திருப்பது கண்டிக்கத்தக்கதாகும். அவர் மீதான வழக்குகளை திரும்பப்பெற்று, அவரை உடனடியாக விடுவிக்க வேண்டுமென்று காவல்துறை கையில் வைத்திருக்கும் முதலமைச்சரை வலியுறுத்துகிறேன்” எனக் குறிப்பிட்டுள்ளார்.