Skip to main content

இலங்கையில் இரண்டு பிரதமர்! ராஜதந்திரத்தில் தோற்ற இந்தியா! எச்சரித்துள்ள அமெரிக்கா!

Published on 30/10/2018 | Edited on 30/10/2018
mahinda rajapaksa



இந்தியாவின் ரா அமைப்பு என்னை கொலை செய்யப்பார்க்கிறது என அமைச்சரவை கூட்டத்தில் இலங்கை அதிபர் மைதிரிசிறிசேனா பேசியது உலக அரங்கில் பலத்த பரபரப்பாக்கியது. 
 

இந்நிலையில் அதிரடியாக தன் நாட்டு பிரதமரை மாற்றி உலக அரங்கில் மீண்டும் பரபரப்பை உருவாக்கியுள்ளார் அதே இலங்கை அதிபர்.
 

இலங்கை பிரதமராக இருப்பர் ( இருந்தவர் ) ரணில் விக்ரமசிங்கே. அக்டோபர் 26ந் தேதி இரவு, திடீரென தனது அலுவலகத்துக்கு முன்னால் அதிபர் மகிந்தாராஜபக்சேவை வரவைத்த தற்போதைய அதிபர் சிறிசேனா, மகிந்தாவை பிரதமராக பதவி பிரமாணம் செய்து வைத்துள்ளார். நாட்டு மக்களுக்கு எந்தவித அறிவிப்பும் தராமல் பதவிபிரமாணம் செய்துவைத்துவிட்டு அதன்பின் சாவகாசமாக அறிக்கை ஒன்றை வெளியிட்டுள்ளார். 
 

அதில், நாட்டின் சொத்துக்களை வெளிநாட்டினருக்கு விற்றது, நாட்டின் பொருளாதாரம் சீரழிவு ஏற்படுத்தியதால், நாட்டின் பாதுகாப்பில் குளறுபடி நடந்துள்ளது உட்பட பல விவகாரங்களால் ரணில்விக்ரம்சிங்கை அதிபர் என்கிற முறையில் எனக்கு வழங்கப்பட்டுள்ள இலங்கை அரசியல் சாசனம் சட்டம் 42(4) பிரிவின் அதிகாரத்தின்படி பிரதமர் பதவியில் இருந்து நீக்குகிறேன் என அறிவித்துள்ளார். அதிபரின் இந்த அறிவிப்பு மற்றும் பதவி பிரமாணத்தை ஏற்றுக்கொள்ள முடியாது, நானே பிரதமர் என அறிவித்துள்ளார் ரணில்.
 

2004 முதல் 2005 வரை பிரதமராக இருந்த மகிந்தா பின்னர் நடந்த தேர்தல் மூலமாக 2005ல் அதிபராக மக்களால் தேர்வு செய்யப்பட்டார். 2009 இலங்கையில் உள்நாட்டு போர் முடிவுக்கு வந்தபின் அதிபராக இருந்த மகிந்தா ராஜபக்சேவின் புகழ் பெருமளவில் உயர்ந்தது. இலங்கையின் நாயகனாகவே சித்தரிக்கப்பட்டார். உடனே தேர்தலை நடத்தி மீண்டும் அதிபராக தேர்வு செய்யப்பட்டார். 2015ல் மீண்டும் தேர்தல் நடத்தப்பட்டது. இலங்கை அரசியல் சாசன சட்டப்படி ஒருவர் இருமுறைக்கு மேல் அதிபராக இருக்கமுடியாது என்கிற சட்டத்தை திருத்தி மூன்றாவது முறையாக அதிபராக முயன்று தேர்தல் நின்றார். இந்த முடிவுக்கு அதிபராக இருந்த மகிந்தாவின் ஸ்ரீலங்கா சுதந்தரா கட்சியிலும் எதிர்ப்புகள் கிளம்பியது. கட்சியின் துணை தலைவராகவும், சுகாதாரத்துறை அமைச்சராக இருந்த மைதிரிபாலாசிறிசேனாவும் எதிர்ப்புக்காட்டினார். இது சர்வாதிகாரமானது என கொதித்தன எதிர்கட்சிகள்.

 

ranil_vikramsanghe


போர் முடிவுறும் வரை இந்தியாவின் சொல்பேச்சை ஓரளவு கேட்டு வந்த ராஜபக்சே, போர் முடிவுக்கு பின் சீனாவின் செல்லப்பிள்ளையாகிப்போனார். இதனால் அதிருப்தியில் இருந்த இந்தியா, அதிபர் தேர்தலில் கவனம் செலுத்தியது. எதிர்கட்சிகளை ஒன்றிணைத்தது. சிறிசேனாவை அதிபருக்கான தேர்தலில் பொது வேட்பாளராக நிறுத்தியது. சிறிசேனா வெற்றி பெற்றார். ராஜபக்சே குடும்பம் சுதந்திரா கட்சியில் இருந்து நீக்கப்பட்டது. அதன் தலைவராக சிறிசேனாவே பொறுப்பு ஏற்றுக்கொண்டார். நாடாளமன்ற தேர்தலில் சுதந்திரா கட்சியும், ரணிலின் ஐக்கிய தேசிய கட்சியும் இணைந்து போட்டியிட்டன. இதில் ரணிலின் கட்சிக்கு பெரும்பான்மை கிடைக்கவில்லை. சிறிசேனா கட்சி ஆதரவு தெரிவிக்க அதன்அடிப்படையில் ரணில் பிரதமராக தேர்வானார்.
 

இந்நிலையில் ராஜபக்சே புதியதாக இலங்கை மக்கள் முன்னணி என்கிற பெயரில் கட்சி தொடங்கினார். சமீபத்தில் நடைபெற்ற உள்ளாட்சி தேர்தலில் மகிந்தா கட்சி பெரும் வெற்றி பெற்றது. உன்னால் தான் என் பெயர் கெட்டது என சிறிசேனாவும், உன்னால் தான் என் கட்சி தோற்றது என ரணிலும் சண்டையிட்டுக்கொண்டனர். இந்த சண்டையின் ஒரு பகுதியாக தான் இந்தியாவின் புலனாய்வு அமைப்பான ரா என்னை கொலை செய்ய முயல்கிறது என்கிற குற்றச்சாட்டை அமைச்சரவை கூட்டத்தில் அதிபர் சிறிசேனா வைத்தார். இது பெரும் சர்ச்சையானது. ( இதுப்பற்றி கட்டுரை நமது தளத்தில் உள்ளது ) இந்த சண்டை முற்றிய நிலையில் தான் பிரதமர் மாற்றம் தடாலடியாக நடைபெற்றுள்ளது.
 

ரணில் மூலமாக சிறிசேனாவை அதிபராக்கியது இந்தியா, பின்னர் ரணிலை பிரதமராகவும் உருவாக்கியது. இதற்கு பிரிதிபலனாக இந்தியாவுக்கு சாதகமாக ரணில் இருந்தார். ஆரம்பத்தில் ரணில் பேச்சை கேட்டாலும் பின்னர் சீனாவின் நெருங்கிய கூட்டாளியானார் சிறிசேனா. சீனாவின் இராஜந்திர நடவடிக்கையால் சிறிசேனா அதிரடியாக அரசியலில் காய்களை நகர்த்தினார். இந்தியாவின் நண்பனாக அமெரிக்காவின் நெருங்கிய தோழனாக இருந்த ரணிலால் சிறிசேனாவை சமாளிக்க முடியவில்லை.
 

ரணிலை பிரதமர் பதவியில் இருந்து நீக்க வேண்டும், அதற்கு பதில் ராஜபக்சேவை பிரதமராக்க வேண்டும் என அதிபர் சிறிசேனாவுக்கு நெருக்கடி தந்தது சீனா. இதற்கு இந்தியா ஒப்புக்கொள்ளாது என சிறிசேனா கூறியதாக கூறப்படுகிறது. ஒரு மாதத்துக்கு முன்பு பாஜக எம்.பி சு.சாமி அழைப்பின் பேரில் இந்தியா வந்த ராஜபக்சே, இந்தியாவின் கொள்கை வகுப்பாளர்களிடமும், பிரதமர் மோடியிடம், இந்தியாவுக்கு நான் நெருங்கிய நண்பராக இருப்பேன் என சமாதானக்கொடி பறக்கவிட்டார். ரணிலை முழுவதும் நம்பமுடியாது என்பதால் ராஜபக்சே வுடன் கைகுலுக்கியது. சந்திப்பு குறித்து சிறிசேனாவுடன் விவாதித்தபின்னர், பிரதமர் மாற்றத்துக்கு இந்தியா ஒப்புக்கொள்ளாது என்பதால், சீனாவின் திட்டப்படி ரா என்கிற அஸ்திரத்தை ஏவினார் சிறிசேனா. இந்தியா அசந்த நேரமாக பார்த்து ரணிலை நீக்கிவிட்டு ராஜபக்சேவை பிரதமராக்கிவிட்டார். இந்த விவகாரத்தில் இந்தியாவின் ராஜதந்திரம் தோல்வியை சந்தித்துள்ளது என்கிறது அரசியல் நோக்கர்கள் வட்டாரம். இந்த மாற்றத்தை பாஜக எம்.பி சு.சாமி வரவேற்றுள்ளார். இந்திய அரசு தரப்பில் இருந்து இதுவரை அதிகாரபூர்வமாக எந்த தகவலும் கூறவில்லை.
 

 
பிரதமர் மாற்றம் குறித்து கருத்து தெரிவித்துள்ள அமெரிக்கா வெளியுறத்துறை பிரிவு, இலங்கை அரசியல் சாசன சட்டப்படி நடந்துக்கொள்ள வேண்டும். ஐ.நா வில் இலங்கை அரசாங்கம் தந்துள்ள வாக்குறுதிப்படி நீதிவிசாரணை நடத்தவேண்டும், பதில் கூற வேண்டும் என்றுள்ளது. அதனை காணும்போது அமெரிக்கா இந்த மாற்றத்தை ஏற்றுக்கொள்ளவில்லை என்றே தெரிகிறது.

 

 

 

 


 

சார்ந்த செய்திகள்

 

Next Story

“மக்களின் நம்பிக்கைக்கு ஏற்ப பிரிட்டன் மீண்டு வரும்” - கெய்ர் ஸ்டார்மர் உரை!

Published on 05/07/2024 | Edited on 05/07/2024
Britain will come back to live up to the people's faith Keir Starmer speech

பிரிட்டன் நாடாளுமன்றத் தேர்தல் பெரிய எதிர்பார்ப்புகளுக்கு பின்பு நேற்று (04.07.2024) நடைபெற்றது. மொத்தம் 650 மக்களவை இடங்கள் இருக்கும் நிலையில் பெரும்பான்மை வெற்றி பெற 326 தொகுதிகள் வேண்டும் என்ற நிலை உள்ளது. இத்தகைய சூழலில் இன்று (05.07.2024) வாக்கு எண்ணிக்கை நடைபெற்றது. இதில் கெய்ர் ஸ்டார்மரின் தொழிலாளர் கட்சி 412 இடங்களில் வென்று ஆட்சியைப் பிடித்துள்ளது. அதேநேரம் ரிஷி சுனக்கின் கன்சர்வேட்டிவ் கட்சி வெறும் 121 இடங்களில் மட்டுமே வெற்றி பெற்று தோல்வி அடைந்துள்ளது.

இதனால் பிரிட்டன் நாடாளுமன்றத் தேர்தலில் ரிஷி சுனக்கின் ஆளும் கட்சியான கன்சர்வேட்டிவ் கட்சிக்கு பெருத்த பின்னடைவு ஏற்பட்டுள்ளது. 15 ஆண்டுகளாக ஆட்சியில் இருந்த நிலையில் கன்சர்வேட்டிவ் கட்சிக்கு ஏற்பட்டுள்ள இந்த பெரும் பின்னடைவு அக்கட்சிக்கு அதிர்ச்சியைக் கொடுத்துள்ளது. இதற்கிடையே பிரதமராக புதிதாக பதவியேற்க உள்ள கெய்ர் ஸ்டார்மருக்கு ரிஷி சுனர் தனது வாழ்த்துகளை தெரிவித்துள்ளார். இதற்கிடையே பிரிட்டனின் புதிய பிரதமராக கெய்ர் ஸ்டார்மரை அதிகாரப்பூர்வமாக மன்னரின் மாளிகை அறிவித்துள்ளது. இதன் மூலம் தொழிலாளர் கட்சித் தலைவர் கெய்ர் ஸ்டார்மர் பிரிட்டனின் புதிய பிரதமராக தேர்ந்தெடுக்கப்பட்டுள்ளார். மேலும் அந்த அறிவிப்பில் பிரதமராகப் பதவியேற்க வருமாறு ஸ்டார்மருக்கு மன்னர் 3ஆம் சார்லஸ் அழைப்பு விடுத்துள்ளார். 

Britain will come back to live up to the people's faith Keir Starmer speech

இந்நிலையில் இங்கிலாந்து பிரதமராக பதவியேற்க உள்ள கெய்ர் ஸ்டார்மர் தனது முதல் உரையை ஆற்றினார். அதில், “மாற்றத்திற்கான பணி உடனடியாகத் தொடங்கும் என்பதில் சந்தேகமில்லை, நாங்கள் பிரிட்டனை மீண்டும் கட்டியெழுப்புவோம் என்பதில் சந்தேகமில்லை. புறக்கணிக்கப்பட்ட மக்களின் உணர்வுகளுக்கு மதிப்பளிக்கப்படும். மாற்றத்திற்காக மக்கள் வாக்களித்துள்ளனர். எனவே மக்களின் அந்த நம்பிக்கைக்கு ஏற்ப பிரிட்டன் மீண்டு வரும். ஆட்சி அமைக்குமாறு மன்னர் விடுத்த அழைப்பை ஏற்றுக் கொண்டேன். நாம் ஒற்றுமையாக சேர்ந்து முன்னேற வேண்டும். எனக்கு வாக்களித்தவர்களுக்கும் வாக்களிக்காதவர்களுக்கும் சேர்த்து சேவை செய்வேன்” எனத் தெரிவித்தார். 

Next Story

“தோல்விக்கு நான் பொறுப்பேற்கிறேன்” - ராஜினாமா செய்த ரிஷி சுனக் உருக்கம்!

Published on 05/07/2024 | Edited on 05/07/2024
I take responsibility for the failure Resigned Rishi Sunak 

பிரிட்டன் நாடாளுமன்றத் தேர்தல் பெரிய எதிர்பார்ப்புகளுக்கு பின்பு நேற்று (04.07.2024) நடைபெற்றது. மொத்தம் 650 மக்களவை இடங்கள் இருக்கும் நிலையில் பெரும்பான்மை வெற்றி பெற 326 தொகுதிகள் வேண்டும் என்ற நிலை உள்ளது. இத்தகைய சூழலில் இன்று (05.07.2024) வாக்கு எண்ணிக்கை நடைபெற்றது. இதில் தொழிலாளர் கட்சி 411க்கும் மேற்பட்ட இடங்களில் வெற்றி பெற்றுள்ளது. அதேநேரம் ரிஷி சுனக்கின் கன்சர்வேட்டிவ் கட்சி வெறும் 121 இடங்களில் மட்டுமே வெற்றி பெற்று தோல்வி அடைந்துள்ளது.

இதனால் பிரிட்டன் நாடாளுமன்றத் தேர்தலில் ரிஷி சுனக்கின் ஆளும் கட்சியான கன்சர்வேட்டிவ் கட்சிக்கு பெருத்த பின்னடைவு ஏற்பட்டுள்ளது. 15 ஆண்டுகளாக ஆட்சியில் இருந்த நிலையில் கன்சர்வேட்டிவ் கட்சிக்கு ஏற்பட்டுள்ள இந்த பெரும் பின்னடைவு அக்கட்சிக்கு அதிர்ச்சியைக் கொடுத்துள்ளது. இதற்கிடையே பிரதமராக புதிதாக பதவியேற்க உள்ள கியர் ஸ்டார்மருக்கு ரிஷி சுனர் தனது வாழ்த்துகளை தெரிவித்துள்ளார். இந்நிலையில் பிரிட்டன் நாடாளுமன்ற தேர்தல் தோல்வியை அடுத்து பிரதமர் பதவியையும், கன்சர்வேடிவ் கட்சித் தலைவர் பதவியையும் ரிஷி சுனக் ராஜினாமா செய்தார். கட்சித் தலைவர் பதவியை ராஜினாமா செய்ததால் பிரதமர் பதவியையும்  ரிஷி சுனக் இழந்தார். மேலும் தேர்தல் தோல்விக்குப் பொறுப்பேற்று வாக்காளர்கள் மற்றும் கட்சி நிர்வாகிகளிடம் மன்னிப்புக் கோரியுள்ளார்.

இது தொடர்பாக இங்கிலாந்து பிரதமராக ரிஷி சுனக் தனது கடைசி உரையை டவுனிங் தெருவுக்கு வெளியே ஆற்றினார். அப்போது அவர் பேசுகையில், “நாட்டிற்கு நான் முதலில் மன்னிபபு கேட்க விரும்புகிறேன். நான் இந்த பணிக்காக என் அனைத்தையும் அர்ப்பணித்துள்ளேன். ஆனால் நீங்கள் இங்கிலாந்து அரசாங்கம் மாற வேண்டும் என நினைத்துள்ளீர்கள். இந்த தீர்ப்பு உங்களுடையது என்று தெளிவான சமிக்ஞையை அனுப்பியுள்ளீர்கள். இந்த தோல்விக்கு நான் பொறுப்பேற்கிறேன்” என உருக்கமாக பேசியுள்ளார். பிரதமர் பதவியை ராஜினாமா செய்துள்ள ரிஷி சுனக் இந்தியத் தொழிலதிபர் நாராயணமூர்த்தியின் மருமகன் என்பதும் குறிப்பிடத்தக்கது.