Skip to main content

எங்களை விட உங்களுக்கே வலிக்கும்! 

Published on 11/07/2020 | Edited on 11/07/2020
chennai

 

நாங்கள் 
உயிருக்கு அஞ்சி 
ஓடிக்கொண்டிருக்கிறோம்;
நீங்களும் 
இரவு பகல் பார்க்காமல்
ஓடிக்கொண்டிருக்கிறீர்கள்
எங்கள் ஆபத்திலிருந்தும் 
லாபம் திரட்ட
விதவிதப் புன்னகைகளோடு!


வைரஸ்களோடு 
வாழப் பழகும் படி
எங்களுக்குப் போதிக்கும்
மானுடக்காவலர்களே..(?)
உயரத்தில் இருந்து கொண்டு 
உபதேசிக்கும் நீங்கள்
ஒன்றைப் புரிந்துகொள்ளுங்கள்.

வைரஸின் சுயம்வரத்தில் 
அது தேர்ந்தெடுக்கும் 
மணமகன்களாக
நாங்கள் மட்டுமல்ல; 
நீங்களும் இருக்கலாம்.

வாழ்க்கை மேடையின்
நீள அகலம் தெரியாமல்
கண்முடித்தனமாக  ஆடும் 
நீங்கள்;
உங்கள் காலிடறும் இடம் 
எதுவென
அடையாளம் காண்பீரா? 


உறவுகளின் பேரில் 
ஒப்பந்தம் எடுத்து 
நீங்கள் கட்டும் கட்டிடங்களில் 
இப்போது வேண்டுமானால்
நதிகள் மூச்சுத்திணறலாம்.
ஊழல் நதிகளுக்கும்
இதுவரும் என்பதை 
இதயம் இருந்தால் 
எண்ணிப் பாருங்கள்.

துயரமாகத்தான் இருக்கிறது;
தூர் வாருவதாக எண்ணிப் 
புதைகுழிகளைத் 
தோண்டாதீர்கள்.

அணைகள் கட்டுவதற்கு முன்
முதலில் மனித உயிர்களுக்கு
அணைகட்ட வழி தேடுங்கள்.

உங்கள் திறப்பு விழா மோகம்
கல்லறைகளுக்கு 
ரிப்பன் வெட்டுவதில் போய் 
முடிவதாக இருக்கவேண்டாம்.


வாழ்க்கை வேண்டுமானால்
வேறு வேறாக இருக்கலாம்
உங்களுக்கும் எங்களுக்கும்
மரணம் ஒன்றுதான்.

நம்புங்கள்
கடைசி வாகனம்
எல்லோருக்கும்
ஒரே சாயலில்தான்.

நீங்கள் பறந்து பறந்து தேடும் 
உங்கள் கரன்ஸிக்கட்டுகள்
உங்கள் கடைசி நேரத்துக்கான
ஆக்சிஜனை 
சுரக்கப் போவதில்லை.

நீங்கள் இருக்கும் போது 
எங்கள் வியர்வை 
உங்களுக்கு இனிக்கலாம்.
படுத்துவிட்டால்
உங்களுக்கு ஊற்றப்படும்
பாலும் கசப்புதான்.

மறந்துவிடாதீர்கள்;
கிருமிகளின் முன்
உங்கள் பதவியும்
 படாடோபமும் 
செல்லாக் காசைவிடவும் 
செல்லாக் காசுதான்.

நீங்கள் உங்கள் சந்ததிகளுக்கு 
ஆஸ்தி சேர்ப்பதாக நினைத்து
அஸ்த்தி சேர்க்கும் நிலைக்குச் 
சென்றுவிடாதீர்கள்.


புரிந்துகொள்ளுங்கள்
மரணத்தின் வலி
அன்றாடம் செத்துப்பிழைக்கும்
எங்களை விட
உங்களுக்குத்தான் அதிகமாக 
இருக்கும்.

*

 

 

 

 

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.