Skip to main content

நாவலாசிரியர், பலகுரல் வித்தகர்; செய்தி வாசிப்பாளர் நிஜந்தன் மறுபக்கம்

Published on 12/05/2023 | Edited on 12/05/2023

 

News Reader Nijanthan interview

 

நீண்ட நெடிய அனுபவம் கொண்ட செய்தி வாசிப்பாளர், ஊடகவியலாளர் நிஜந்தன் அவர்களுடன் ஒரு சிறப்பு நேர்காணல்...

 

1989 ஆம் ஆண்டு நான் என்னுடைய செய்தி வாசிப்பாளர் பணியைத் தொடங்கினேன். அப்போது பிரதமராக வி.பி.சிங் தேர்ந்தெடுக்கப்பட்டார். அந்த நேரத்தில் பல எக்ஸ்க்ளூசிவ் செய்திகளை வழங்கும் வாய்ப்பு கிடைத்தது. இப்போது ஊடகங்கள் பெருகிவிட்டன. செய்திகள் மக்களை உடனுக்குடன் சென்றடைகின்றன. அந்தக் காலத்தில் குறைந்த செய்திகள் இருந்தாலும் அவற்றை உள்வாங்கும் தன்மை மக்களுக்கு இருந்தது. இன்று பல செய்திகள் காதில் விழுவதால் மக்களால் அவற்றை உள்வாங்க முடியவில்லை என்று நினைக்கிறேன்.

 

ராஜீவ் காந்தி படுகொலையின்போது செய்தியாளர்களின் பணி கடுமையாக இருந்தது. சுனாமி போன்ற பேரிடர் யாரும் எதிர்பார்க்காத ஒன்று. இவை அனைத்துமே சவாலான அனுபவங்கள் தான். என்னுடைய கடுமையான பணிகளை வீட்டிலும் புரிந்து கொண்டார்கள். அனைத்து காலகட்டங்களிலுமே செய்தியாளர்களுடைய பணி என்பது கடுமையான ஒன்றுதான். செய்தியாளர்கள் தங்களுடைய பணியை முழுமையான புரிதலுடன் செய்ய வேண்டும் என்பது என்னுடைய கருத்து. 

 

மக்களை எது அதிகம் கவர்கிறதோ அதை இன்னும் அழகுபடுத்தி செய்தியாக மக்களிடம் வழங்க வேண்டும் என்பதே அனைத்து காலங்களிலும் செய்தி நிறுவனங்களின் மனநிலையாக இருந்து வருகிறது. என்னுடைய பெற்றோர் மரணத்தின்போது கூட ஒருநாள் விடுப்பு எடுத்துவிட்டு என்னுடைய பணியைத் தொடர்ந்தேன். எழுத்தின் மீது எப்போதுமே எனக்கு ஆர்வம் இருந்தது. இதுவரை நான் 11 நாவல்களும் ஒரு கவிதைத் தொகுப்பும் எழுதியிருக்கிறேன். நாடகங்களிலும் நான் நடித்திருக்கிறேன். செய்தி வாசிப்பிற்கே சில முகபாவனைகள் நமக்குத் தேவை. ஒவ்வொரு செய்தியையும் அதன் தன்மைக்கேற்ப சொல்ல வேண்டும்.

 

கல்வி தொடர்பாக சில குறும்படங்களையும் இயக்கியிருக்கிறேன். அண்ணா பல்கலைக்கழகத்திற்காக நான் செய்த குறும்படம் தேசிய அளவில் அங்கீகாரம் பெற்றது. தங்கர் பச்சான் சாருடைய இயக்கத்தில் ஒரு சிறு வேடத்தில் சினிமாவிலும் நடித்திருக்கிறேன். இந்தப் பயணம் சவால் நிறைந்தது. மகிழ்ச்சியாகவும் இருக்கிறது. தினமும் சில விஷயங்களை மக்களிடம் கொண்டு சேர்க்கிறோம் என்கிற மனநிறைவு இருக்கிறது.

 

 

 

Next Story

“பெரிய இயக்குநர்கள் நேரடியாக அணுகுவார்கள்” - சரண்யா ரவிச்சந்திரன் பேட்டி!

Published on 18/07/2024 | Edited on 18/07/2024
 Saranya Ravichandran | Indian2 | Kamal Haasan | Shankar |

தமிழ்த் திரைப்படங்களில் குணச்சித்திர கதாபாத்திரத்தில் நடித்து வரும் சரண்யா ரவிச்சந்திரன் அண்மையில் வெளியான  இந்தியன் 2 படத்திலும் முக்கிய கதாபாத்திரத்தில் நடித்துள்ளார் . இந்நிலையில்  நக்கீரன் ஸ்டூடியோ வாயிலாக அவரை சந்தித்தபோது, அவரின் சினிமா வாழ்க்கை பற்றிய சுவாரசியமான தகவல்களையும் அனுபவங்களையும் பகிர்ந்துள்ளார். 

தொடக்கத்தில் வந்த பட வாய்ப்புகள் அணுகுமுறைகள் பற்றியும், தற்போது  வரும் பட வாய்ப்புகளின் அணுகுமுறையிலும் எந்த அளவிற்கு மாற்றம் உள்ளது என்ற கேள்வி குறித்து அவர் பதிலளிக்கையில் "மரியாதையில்தான் எல்லாம் உள்ளது, அவர்கள் மதிக்கவில்லை என்பதால்தான் நமக்கு திரைத்துறையில் நல்ல இடத்திற்குப் போக வேண்டும் என்ற வெறி வரும். அப்படிதான் அவர்கள் நம்மை புஷ் பண்ணிக் கொண்டு செல்வார்கள். சில சமயங்களில் இயக்குநர் அவரே வந்து அணுகாமல், ஏன்  உதவியாளரை அனுப்புகிறார் என்று தோன்றும், இயக்குநருக்குப் பல வழிகளில் அழுத்தம் இருக்கும், அடுத்த காட்சி குறித்த சிந்திப்பார்கள், ஆனால் சில பெரிய இயக்குநர் அவர்களாகவே வந்து நம்மிடம் அணுகுவார்கள், அது சில இயக்குநர்களின் ஸ்டைலாக இருக்கும் 

நான் முதல் படத்தில் நடிக்கும்போது படப்பிடிப்பில் என்னிடம் இயக்குநர் பேசவே இல்லை. நானே அவரை அழைத்து என்னுடைய சீன் எப்போது வரும், நான் இங்குதான் உட்கார்ந்திருப்பேன் என்னைத் தேடாதீர்கள் என்று சொல்லுவேன், ஆனால் நான் நடித்து முடித்தபோது  படப்பிடிப்பின் இடைவேளையில் அவரே என்னிடம் வந்து சாப்டிங்களா? என்றெல்லாம் பேசினார். நம்ம வேலையைச் சரியாக செய்யும்போது அவர்களே மரியாதை தருவார்கள்" என்று கூறினார்.

Next Story

தேர்தல் முடிவுகள் வெளியாகும் நாளில் மனநிலை எப்படி இருக்கும்?; பிரதமர் மோடி பகிர்ந்த ருசிகர தகவல்!

Published on 29/05/2024 | Edited on 29/05/2024
information shared by Prime Minister Modi on What will the mood be like on the day of the election results

இந்தியாவில் மக்களவைத் தேர்தல் ஏழு கட்டங்களாக அறிவிக்கப்பட்ட நிலையில் அதில், 6 கட்ட தேர்தல்கள் நடைபெற்று முடிந்துள்ளது. இதையடுத்து, இறுதிக்கட்டத் தேர்தல் ஜூன் 1 ஆம் தேதி அன்று நடைபெறும். ஜூன் நான்காம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளது. இறுதிக் கட்ட வாக்குப்பதிவு நடைபெற ஒன்றிரண்டு நாட்கள் மட்டுமே உள்ள நிலையில், அரசியல் கட்சித் தலைவர்கள் தீவிர தேர்தல் பிரச்சாரத்தில் ஈடுபட்டு வருகின்றனர்.

இந்த நிலையில், பிரதமர் மோடி ஏபிபி என்ற தனியார் செய்து நிறுவனத்திற்கு பேட்டி அளித்தார். அப்போது அவரிடம், தேர்தல் முடிவுகள் அறிவிக்கப்படும் நாள் அன்று உங்கள் மனநிலை எப்படி இருக்கும் என செய்தியாளர் கேள்வி எழுப்பினார். அதற்கு பதிலளித்த அவர், “தேர்தல் முடிவு வெளியாகும் நாளில் நான் கூடுதல் கவனமாக இருப்பேன். தேர்தலில் கிடைக்கும் தொகுதிகளின் எண்ணிக்கை என்ற விவரத்தில் இருந்து நான் தள்ளியே இருப்பேன்.

வாக்குகள் எண்ணும் நாளில், நான் தியானம் செய்வதை அதிகரிப்பேன். பிற தினசரி வேலைகளின் நேரத்தை அதிகரிப்பேன். வாக்கு எண்ணும் நாளில், யாரும் என் அறைக்குள் அனுமதிக்கமாட்டேன். என்னைத் தொலைப்பேசியில் தொடர்புகொள்ள யாரையும் அனுமதிக்கமாட்டேன். முடிவு நாளில், வெற்றி உறுதியாகும் வரை நான் விலகியே இருப்பேன். 

குஜராத் மாநிலத்தில் முதலமைச்சர் பதவிக்குப் போட்டியிடும் போது, தேர்தல் ஆணையம் என்னை மிகவும் தொந்தரவு செய்து, எனக்கு இடையூறுகளை ஏற்படுத்தி வந்தது. நான் வெற்றி பெறுவது கடினம் என்று மக்கள் என்னிடம் கூறினார்கள். கடந்த 2001 டிசம்பர் 15ஆம் தேதி அன்று குஜராத் சட்டமன்றத் தேர்தல் முடிவு வெளியானது. முதல்வர் இல்லத்தில் என் அறையில் அமர்ந்தேன். நான் எந்த அழைப்புகளையும் எடுக்கவில்லை. மதியம் 1.30 மணியளவில், வெளியே டிரம்ஸ் வாசிக்கும் சத்தம் கேட்டது. அதனால் என்ன விஷயம் என்று கேட்க ஒருவரை அழைத்தேன். கட்சித் தொண்டர்கள் என்னை வாழ்த்த விரும்புவதாகக் கடிதம் ஒன்றைக் கொண்டு வந்தார். முடிவுகளின் குறிப்பை நான் முதன்முறையாகப் பெற்றேன். நல்ல மாலையும், இனிப்புப் பெட்டியும் வாங்கி வரச் சொன்னேன். எங்கள் வெற்றியைக் கொண்டாடும் முன் கேசுபாய் படேலுக்கு முதலில் மாலை அணிவித்தேன்” என்று கூறினார்.