Skip to main content

தமிழகத்தில் புதிதாக அகழாய்வு; பழங்காலத் தமிழர்களின் வலுவான சான்றுகள் வெளிப்படும் என நம்பிக்கை

Published on 27/11/2022 | Edited on 28/11/2022

 

New Excavation in Tamil Nadu; It is hoped that strong evidence of ancient Tamils ​​will emerge

 

புதுக்கோட்டை மாவட்டம் முழுவதும் பல்வேறு பண்பாட்டு சின்னங்களும் தொல்லியல் முக்கியத்துவம் வாய்ந்த இடங்களும் மிகுதியாகக் காணப்படுகிறது. இது தொண்டைமான்கள் காலத்திலும் அதன் தொடர்ச்சியாக புதுக்கோட்டை மாவட்டத்தின் தொல்லியல் ஆய்வாளர்கள் மூலமும் பல்வேறு பகுதிகளில் உள்ள ஆய்வாளர்கள் மூலமும் தொல்லிடங்களாகவும் கல்வெட்டுக்களாகவும் தொடர்ச்சியாக அடையாளம் காணப்பட்டு வருகிறது.

 

குறிப்பாக புதுக்கோட்டை தொல்லியல் ஆய்வு கழகம், மாவட்டத்தின் பல்வேறு பகுதிகளில் மேலாய்வுகளை மேற்கொண்டு இதுவரை கண்டறியப்படாத தொல்லியல் சின்னங்களை அடையாளப்படுத்தி வருகிறது. இந்நிலையில், நேற்று புதுக்கோட்டை தொல்லியல் ஆய்வுக் கழகத்தின் தலைவர் கரு.ராஜேந்திரன், நிறுவனர் ஆ.மணிகண்டன், துணைச்செயலாளர் பீர்முகமது ஆகியோர் விருதுநகர் தனியார் திருமண மண்டபத்தில் நடந்த பாண்டிய நாட்டு வரலாற்று ஆய்வு மையத்தின் புத்தக வெளியீட்டு விழா மற்றும் விருது வழங்கும் விழாவில் பங்கேற்றனர்.

 

தமிழ்நாடு தொல்லியல் துறை அமைச்சரிடம் பொற்பனைக்கோட்டையில் அகழாய்வு கோரிக்கை குறித்து பேசினர் . அதனைத் தொடர்ந்து தலைமையுரை ஆற்றிய அமைப்பின் நிறுவனரும் தொல்லியல் துறை அமைச்சருமான தங்கம் தென்னரசு தமிழகத்தின் பல்வேறு பகுதிகளில் அகழாய்வு மேற்கொள்வதற்கான கருத்துருக்களை நடுவண் அரசுக்கு தமிழ்நாடு தொல்லியல் துறை அனுப்பவுள்ளது குறித்து தகவல் வெளியிட்டு பேசினார்.

 

அப்போது அகழாய்வு பணிக்கு பொற்பனைக்கோட்டையை தேர்வு செய்துள்ளதாகவும், விரைவில் பொற்பனைக்கோட்டையை தமிழ்நாடு அரசின் பாதுகாக்கப்பட்ட சின்னமாக அறிவிப்பதற்கான ஏற்பாடுகளும் நடந்து வருவதாகவும், தமிழ்நாடு முதலமைச்சர் இதுகுறித்து முறைப்படி அறிவிப்பார் என்றும் தகவல் தெரிவித்தார்.

 

இந்த அறிவிப்புக்கு நன்றி தெரிவித்து பத்திரிகையாளர்களிடம் பேசிய புதுக்கோட்டை தொல்லியல் ஆய்வுக் கழகத்தலைவர் கரு.ராசேந்திரன், நிறுவனர் ஆ.மணிகண்டன் ஆகியோர், தமிழகத்தின் பண்பாட்டு சின்னங்களில் மிக முக்கியமானதும் சங்க கால கோட்டை அமைப்பு முழுவதுமாக சிதையாத நிலையிலுள்ள ஒரே சங்க கால கட்டுமானமாக பொற்பனைக்கோட்டை இருக்கிறது.

 

பொற்பனைக்கோட்டை அகழாய்வை மேற்கொள்வது குறித்து தற்போது அறிவிப்பு வெளியிட்டிருப்பது மிகுந்த மகிழ்ச்சி ஏற்படுத்தும் செய்தியாகும். பழங்கால உலோக தொழில்நுட்பம், கட்டுமான அமைப்புகள், மொழி வளர்ச்சி , கலை, பண்பாடு, வெளிநாட்டு தொடர்புகள் உள்ளிட்ட பல்வேறு சான்றுகளை பொற்பனைக்கோட்டை மேலாய்வுகள் மூலம் தொடர்ச்சியாக வெளிப்பட்டு வருகிறது. அகழாய்வுப்பணியை தமிழ்நாடு தொல்லியல் துறை மேற்கொள்ளும் பட்சத்தில் வலுவான ஆதாரங்கள் வெளிப்படும். தமிழக தொல்லியல் ஆய்வுகளில் பொற்பனைக்கோட்டை முக்கிய இடத்தை பிடிக்கும். இத்தகைய சிறப்பான அறிவிப்பை வெளியிட்ட தொல்லியல் துறை அமைச்சர் தங்கம்.தென்னரசு அவர்களுக்கு புதுக்கோட்டை தொல்லியல் ஆய்வு கழகம் நன்றி தெரிவித்துக் கொள்கிறது” என்றனர்.

 

 

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.