Skip to main content

"தமிழகத்தில் இருந்து துரத்தப்படுவார்கள்.." - வள்ளுவர் விவகாரத்தில் நெல்லை கண்ணன் அதிரடி பேச்சு!

Published on 09/11/2019 | Edited on 09/11/2019


திருக்குறள் தொடர்பான சர்ச்சைகள் தொடர்ந்து நடைபெற்று வரும் நிலையில் அதுதொடர்பாக பல்வேறு தகவல்களை தமிழ்கடல் என்று அழைக்கப்படும் நெல்லை கண்ணன் அவர்களிடம் கேள்விகளாக முன்வைத்தோம். நம் கேள்விகளுக்கு அவரின் அதிரடியான பதில்கள் வருமாறு,

தஞ்சாவூரில் உள்ள திருவள்ளுவர் சிலைக்கு இந்து மக்கள் கட்சி தலைவர் அர்ஜூன் சம்பத் மாலை, ருத்ராட்சம் அணிவித்து, பாரத் மாதா கீ ஜே என்று முழக்கமிட்டுள்ளார். இந்த நிகழ்வை எப்படி பார்க்கிறீர்கள்?

திருவள்ளுவருக்கும் பாரத மாதாவுக்கு என்ன சம்பந்தம்? இதற்கு முதலில் அர்ஜூன் சம்பத் பதில் சொல்ல வேண்டும். திருவள்ளுவர் இந்து மதம் என்று கூறுவதே முதலில் தவறான ஒன்று. இந்த மதத்தை பற்றி விவேகானந்தரே சொல்லியிருக்கிறார். திருவள்ளுவர் இந்துமத வாழ்வியலை பற்றி எங்கேயாவது சொல்லியிருக்கிறாரா? அவர் பேசியது எல்லாம் மனித வாழ்வியல். திருவள்ளுவர் கடவுள் வாழ்த்து பாடியிருக்கிறார் என்று தற்போது சிலர் முன்னிலைப்படுத்தி கூறுகிறார்கள். அந்த கடவுள் வாழ்த்தே பிறகு வந்தவர்கள் சேர்ந்தது என்று வ.உ.சி சொல்லியிருக்கிறார். அவர் சொன்னால் தவறாக இருக்காது. திருக்குறள் முழுவதும் தமிழர்களின் வாழ்வியல். அதனால் தான் பாரதியார் யாம் கம்பனை போல், வள்ளுவனை போல் உலகில் இல்லை என்கிறார். வள்ளுவரும், இளங்கோவடிகளும் சமணர்கள்கள். 

 

hg



உங்கள் கூற்றுப்படியே திருவள்ளுவரை சமணர் என்று கூறுவதில் என்ன பிரச்சனை இருக்க போகிறது? அவரை மத சார்ப்பற்றவராக கொண்டு வருவதன் நோக்கம் என்ன?

மதசார்ப்பற்றவராகத்தான் அவர் இருந்திருக்கிறார். அவரை நீங்கள் இந்து என்று சொன்னால்? திருநீறு பூசினால், அங்க அப்பாவை அவன் அவர்களுடைய அப்பா என்று சொல்வதை எப்படி ஏற்றுக்கொள்ள முடியும். திருவள்ளுர் தமிழர்களின் தலைவர். அவரை எங்கள் அப்பா என்று சொல்வதை எவ்வாறு ஏற்றுக்கொள்வது. அது ரொம்ப கேவலமானது.

கிருஸ்துவர்கள், முஸ்லிம் தவிர மீதி இருப்பவர்கள் எல்லாம் இந்துக்களை என்பதுதான் அவர்கள் வைக்கும் வாதம். அந்த வகையில் திருவள்ளுவரை அவர்கள் இந்து என்கிறார்கள். இதை எப்படி பார்ப்பது?

சமணர்கள் இந்து மதத்தில் வரமாட்டார்கள்.  இங்கே மார்வாடி, ஜெயின் மதத்தினர் இருக்கிறார்களே, அவர்கள் ஒரு போதும் தங்களை இந்துக்கள் என்று ஏற்றுக்கொள்ள மாட்டார்கள். அவர்கள் அசைவம் சாப்பிட மாட்டார்கள். புலால் உண்ணாமையை லட்சியமாக வைத்திருப்பவர்கள். ஆகையால் அதே சமயத்தை பின்பற்றிய வள்ளுவரும் அதனை பின்பற்றினார். ஆகையால் இதனை வைத்து அவரை இந்து என்று அடையாளப்படுத்துவது முட்டாள் தனமான ஒன்று. பிராமணர்களுக்கு பிறப்பின் அடிப்படையில் மற்றவர்களை விட அதிகமான அறிவு இருப்பதாக சிலர் கூறுகிறார்களே! அவ்வளவு தான் அவர்களின் அறிவு.

கடவுள் நம்பிக்கை உடைய திருவள்ளுவரை நாத்திகவாதிகளும், திராவிட இயக்கவாதிகளும் கொண்டாடும் போது நாங்கள் கொண்டாட கூடாதா? என்று அவர்கள் கேட்கிறார்களே?

நாங்கள்தான் நீண்ட காலமாக கொண்டாடி வருகின்றோமே, இப்போது திருவள்ளுவரை பற்றிபேசும் அவர்கள் பத்து ஆண்டுகளுக்கு முன்பு எங்கே இருந்தார்கள். நாங்கள் வள்ளுவர் கோட்டம் அமைத்தோம், வள்ளுவனுக்கு சிலை அமைத்தோம். இவர்கள் என்ன செய்தார்கள். அப்போதெல்லாம் சும்மா இருவிட்டு தற்போது உரிமை கொண்டாடுவதற்கு அவர்களின் நோக்கம் என்ன. எல்லாம் தேர்தல் அரசியல்தான். இவர்களை யாரும் நம்மபோவதில்லை. தமிழகத்தில் இருந்து நிரைவில் இவர்கள் துரத்தப்படுவார்கள்.

 

 

 

 

 

 

 

 

Next Story

'ஒரு குறள் கூட தெரியாத ஆளுநரின் அறியாமை இது'-டி.கே.எஸ்.இளங்கோவன் பேட்டி

Published on 24/05/2024 | Edited on 24/05/2024
'This is the ignorance of the governor who doesn't know a single kural'-TKS Elangovan interview

தமிழக ஆளுநர் மாளிகை சார்பில் இன்று (24.05.2024) மாலை 5 மணிக்கு திருவள்ளுவர் திருநாள் விழா நடைபெறும் என அறிவிக்கப்பட்டிருந்தது. இதற்காக அச்சிடப்பட்ட திருவள்ளுவர் திருநாள் விழா அழைப்பிதழ் ஒன்று வெளியாகி இருந்தது. அதன் முகப்பு பக்கத்தில் காவி உடையில் திருவள்ளுவர் உள்ளது போன்று அச்சிடப்பட்டிருந்தது. ஆளுநரின் செயலாளர் கிர்லோஷ்குமார் பெயரில் இந்த அழைப்பிதழ் வெளியிடப்பட்டது. இதனால் சர்ச்சை ஏற்பட்டது.

மேலும் காவி உடையுடன் கூடிய திருவள்ளுவர் படத்தை வெளியிட்டதைக் கண்டித்து தமிழ் அமைப்புகள் போராட்டம் நடத்தவும் முடிவு செய்துள்ளன எனத் தகவல் வெளியாகி இருந்தது. திருவள்ளுவர் திருநாள் விழா எனக் காவி உடையில் திருவள்ளுவர் படத்துடன் ஆளுநர் மாளிகை வெளியிட்ட அழைப்பிதழில் மக்கள் மத்தியில் மீண்டும் சர்ச்சையை ஏற்படுத்தியது. இதையடுத்து சென்னை கிண்டியில் உள்ள தமிழக ஆளுநர் மாளிகைக்குக் கூடுதல் போலீஸ் பாதுகாப்பு போடப்பட்டது.

ஆளுநரின் இந்த செயலுக்கு பல்வேறு தரப்புகளில் இருந்து கண்டனங்களும், எதிர்ப்புகளும் கிளம்பியுள்ளது. இந்தநிலையில் சென்னையில் செய்தியாளர்களை சந்தித்த திமுகவின் டி.கே.எஸ்.இளங்கோவன் பேசுகையில், ''இந்த ஆளுநருக்கு தமிழ்நாட்டு பண்பாடும் தெரியாது, தமிழ்நாட்டின் பழக்கவழக்கமும் தெரியாது, திருவள்ளுவரையும் தெரியாது. உலகம் முழுவதும் உள்ள தமிழர்கள் அனைவரையும் அவமானப்படுத்தும் செயலாகவே இதை நான் பார்க்கிறேன். 'பிறப்பொக்கும் எல்லா உயிர்க்கும்' என்று சொன்ன திருவள்ளுவருக்கு காவி உடை அணிவித்து இன்றைய தினம் திருவள்ளுவர் தினம் என்று கொண்டாடுவது உலகம் முழுவதும் உள்ள தமிழர்கள் அனைவரையும் அவமானப்படுத்தும் செயலாக நான் பார்க்கிறேன்.

திருவள்ளுவருக்கும் இந்த ஆளுநருக்கும் எந்தவித தொடர்பும் கிடையாது. அவருக்கு திருக்குறளும் தெரியாது. ஏனென்றால் திருக்குறளில் 'பிறப்பொக்கும் எல்லா உயிர்க்கும்' என்று சொல்லப்பட்டு இருக்கிறது. அதுவே அவருக்கு புரியாது. அதை ஏற்றுக் கொள்ளாதவர் அவர். வேண்டுமென்றே திட்டமிட்டு பிரதமர் மோடி தொடங்கி அமித்ஷா தொடர்ந்ததை ஆளுநர் இன்று தொடர்ந்து செய்து வருகிறார் என்றுதான் தோன்றுகிறது. கடந்த முறை ஆளுநர் ஒரு கருத்தை சொல்லி இருந்தார். ஜி.யு.போப் திருக்குறளை தவறாக மொழிபெயர்த்துள்ளார் என்று சொன்னார். இவர் திருக்குறளில் தேர்ச்சி பெற்றிருந்தால்தான் மொழிபெயர்ப்பு சரியா தவறா என்று சொல்ல முடியும். இவருக்கு திருக்குறளில் ஒரு குறள் கூட தெரியாத நிலையிலும் ஜி யு போப் தவறாக திருக்குறளை மொழிபெயர்த்துள்ளார் என்று சொல்லும் அளவுக்கு தன்னுடைய அறியாமையை வெளிப்படுத்திக் கொண்டிருக்கிறார் இந்த ஆளுநர்'' என்றார்.

Next Story

காவி உடையில் திருவள்ளுவர் படம்; அமைச்சர் ரகுபதி தெரிவித்த கருத்து என்ன?

Published on 24/05/2024 | Edited on 24/05/2024
Picture of Thiruvalluvar in saffron; What was the comment made by Minister Raghupathi?

தமிழக ஆளுநர் மாளிகை சார்பில் இன்று (24.05.2024) மாலை 5 மணிக்குத் திருவள்ளுவர் திருநாள் விழா நடைபெறும் என அறிவிக்கப்பட்டிருந்தது. இதற்காக அச்சிடப்பட்ட திருவள்ளுவர் திருநாள் விழா அழைப்பிதழ் ஒன்று வெளியாகி இருந்தது. அதன் முகப்பு பக்கத்தில் காவி உடையில் திருவள்ளுவர் உள்ளது போன்று அச்சிடப்பட்டிருந்தது.ஆளுநரின் செயலாளர் கிர்லோஷ்குமார் பெயரில் இந்த அழைப்பிதழ் வெளியிடப்பட்டது. இதனால் சர்ச்சை ஏற்பட்டது.

மேலும் காவி உடையுடன் கூடிய திருவள்ளுவர் படத்தை வெளியிட்டதைக் கண்டித்து தமிழ் அமைப்புகள் போராட்டம் நடத்தவும் முடிவு செய்துள்ளன எனத் தகவல் வெளியாகி இருந்தது. திருவள்ளுவர் திருநாள் விழா எனக் காவி உடையில் திருவள்ளுவர் படத்துடன் ஆளுநர் மாளிகை வெளியிட்ட அழைப்பிதழில் மக்கள் மத்தியில் மீண்டும் சர்ச்சையை ஏற்படுத்தியது. இதனையடுத்து சென்னை கிண்டியில் உள்ள தமிழக ஆளுநர் மாளிகைக்குக் கூடுதல் போலீஸ் பாதுகாப்பு போடப்பட்டுள்ளது. திருவள்ளுவர் காவி உடை சர்ச்சை எழுந்த நிலையில் முன்னெச்சரிக்கை நடவடிக்கையாக ஆளுநர் மாளிகைக்குப் பாதுகாப்பு பலப்படுத்தப்பட்டதாகக் கூறப்படுகிறது. 

Picture of Thiruvalluvar in saffron; What was the comment made by Minister Raghupathi?

அதே சமயம் காவி உடையுடன் இருக்கும் திருவள்ளுவர் படத்திற்குத் தமிழக ஆளுநர் ஆர்.என். ரவி இன்று (24.05.2024) மலர் தூவி மரியாதை செலுத்தினார். இது குறித்து ஆளுநர் மாளிகையின் எக்ஸ் சமூக வலைத்தளத்தில் வெளியிட்டிருந்த பதிவில், “திருவள்ளுவர் திருநாள் (வைகாசி அனுஷம் வள்ளுவர் திருநாள்) எனும் புனிதமான தருணத்தில், ஆளுநர் ஆர்.என். ரவி மயிலாப்பூர் திருவள்ளுவர் கோயிலில் திருவள்ளுவரைத் தரிசனம் செய்தார். பின்னர், ஆளுநர் மாளிகையில் தெய்வப் புலவர் திருவள்ளுவருக்கு ஆளுநர் மலர் தூவி மரியாதை செலுத்தினார்” எனத் தெரிவிக்கப்பட்டிருந்தது.

முன்னதாக தமிழக ஆளுநர் ஆர்.என்.ரவி கடந்த ஜனவரி மாதம் 16 தேதி (16.01.2024) திருவள்ளுவர் காவி உடை அணிந்தபடி இருக்கும் புகைப்படத்தை எக்ஸ் சமூக வலைத்தளப் பக்கத்தில் வெளியிட்டு திருவள்ளுவர் தினத்துக்கு வாழ்த்துகளைத் தெரிவித்திருந்தார். அதில், “திருவள்ளுவர் தினத்தில், ஆன்மிக பூமியான நமது தமிழ்நாட்டில் பிறந்த பெரும் புலவரும், சிறந்த தத்துவ ஞானியும் பாரதிய சனாதன பாரம்பரியத்தின் பிரகாசமான துறவியுமான திருவள்ளுவருக்கு எனது பணிவான மரியாதையைச் செலுத்துகிறேன். அவரது ஞானம் நமது தேசத்தின் சிந்தனை மற்றும் அடையாளத்தை வடிவமைத்து, வளப்படுத்தி ஒட்டுமொத்த மனிதக் குலத்துக்கு வழிகாட்டியாகவும் உத்வேகத்தின் ஆதாரமாகவும் நீடிக்கிறது. இந்தப் புனிதமான நாளில் அனைவருக்கும் எனது அன்பான நல்வாழ்த்துகளைத் தெரிவித்துக் கொள்கிறேன்” என்று குறிப்பிட்டிருந்தார். இதற்கு பல்வேறு தரப்பினரும் கடும் கண்டனத்தைத் தெரிவித்திருந்தது குறிப்பிடத்தக்கது. 

Picture of Thiruvalluvar in saffron; What was the comment made by Minister Raghupathi?
கோப்புப்படம்

இந்நிலையில் தமிழக சட்டத்துறை அமைச்சர் ரகுபதி புதுக்கோட்டையில் செய்தியாளர்களைச் சந்தித்துப் பேசினார். அப்போது அவர் பேசுகையில், “குரங்கு கையில் பூமாலை கிடைத்தால் அதனைப் பிய்த்துக்கொண்டே தான் இருக்கும். அதுபோல என்னவோ நம்முடைய கெட்ட நேரம் அது போன்று நமக்கு ஆளுநர் வந்து வாய்த்துள்ளார். ஏற்கனவே திருவள்ளுவருக்குக் காவி உடை அணிவித்தது சர்ச்சை கிளம்பியது. திருப்பி காவி உடை அணிவித்தால் ஆளுநரை என்னதான் செய்ய முடியும். வாதத்துக்கு மருந்து உண்டு. பிடிவாதத்துக்கு மருந்து கிடையாது” எனத் தெரிவித்தார்.