Skip to main content

குமரவேல் சார் நேர்காணல் நடந்துகொண்டிருக்கும்போதே... முரளி அப்பாஸ்

Published on 19/03/2019 | Edited on 19/03/2019

மக்கள் நீதி மய்யத்திலிருந்து நேற்று மூவர் விலகியது, மற்றும் தேர்தல் பணி ஆகியவை குறித்து அக்கட்சியின் செய்தித் தொடர்பாளர் முரளி அப்பாஸ் நக்கீரனுக்கு அளித்த பேட்டி.
 

makkal neethi maiam


தேர்தல் அறிக்கை எந்த அளவில் தயாராகிக்கொண்டிருக்கிறது?

நாளை வேட்பாளரை அறிவிக்கின்றோம். அதைத்தொடர்ந்து தேர்தல் அறிக்கை வரும். 
 

வேட்பாளர் அறிவிப்பில் புதிய விஷயங்களாக எதை எதிர்பார்க்கலாம்?
 

எங்களிடம் பிரபலமானவர்கள் மிகவும் குறைவு. அதனால் மற்ற தகுதி சார்ந்து சொல்லிக்கொள்ளும்படி அருமையான வேட்பாளர்களாக இருப்பார்கள். மக்கள் விரும்பக்கூடிய, மக்களுக்கு சரியான வேட்பாளர்களை அறிமுகப்படுத்துவோம். 
 

நேற்று மூவர் கட்சியிலிருந்து விலகியிருக்கிறார்களே என்ன காரணம்?
 

குமரவேல் சார் நேர்காணல் நடந்துகொண்டிருக்கும்போதே சமூக வலைதளத்தில் தேர்தலில் நிற்கிறேன், என பதிவிட்டுவிட்டார். கட்சி அறிவிக்கும் முன்னரே நீங்கள் வெளியிடுவது தவறாயிற்றே. எனக் கேட்டனர். அந்த விசாரணையில் ஏதும் வருத்தமிருக்கும் என நினைக்கிறேன். அவரை இன்று கேட்கவில்லையென்றால், நாளை ஏதோ ஒரு சின்ன பதவியில் இருப்பவர்களும் அப்படி நடந்துகொள்ள வாய்ப்பிருக்கிறது. அப்படி நடந்தால் கட்சியின் கட்டுக்கோப்பு கலைந்துவிடும்.


அப்படி கேட்டால் அவரை கேட்டிங்களா என்ற கேள்வியும் வரும். அதிலும் அவர் தெளிவான ஒரு பிசினஸ் மேன், எதையும் முறைப்படுத்திக்கொள்ள தெரிந்தவர். ஆனால் என்னவென்று தெரியவில்லை, உடனே விலகிக்கொள்கிறேன் என தெரிவித்தார். அப்போதும் அது கிடப்பில்தான் இருந்தது. அது அடுத்தநாள் தொலைக்காட்சியில் பெரிய விவாதமானது. அதன்பிறகுதான் ராஜினாமா ஏற்றுக்கொள்ளப்பட்டது. மற்றவர் குமரவேலின் நெருங்கிய நண்பர், அவரோடுதான் கட்சிக்குள் வந்தார். அவரில்லாததால் இவரும் போய்விட்டார் என நினைக்கின்றேன். 
 

கட்சியில் புதிதாய் சேர்ந்தவர்களுக்கு பதவி கொடுத்துவிடுகிறார்கள் என்று ஒரு குற்றச்சாட்டு உள்ளதே? 
 

பொறுத்தமானவர் கிடைக்கும்போது அவருக்கு பதவி கொடுப்பது வழக்கமான நடைமுறைதான். திறமையை பயன்படுத்துங்கள் என பொறுப்பை கொடுக்கிறோம். சீனியர், ஜூனியர் என்பதை நாங்கள் முக்கியமானதாக கருதவில்லை. கோவை சரளாவை நாம் காமெடி நடிகையாக மட்டும் பார்க்கக்கூடாது. பிரகாஷ் ராஜ் வில்லன் நடிகர்தான். அதற்காக அவரின் அறிக்கைகளையெல்லாம் வில்லன் அறிக்கைகளாக நாம் பார்க்க முடியுமா. அந்தக் குழுவில் கார்ட்டூனிஸ்ட் மதன், ராவ், வக்கீல் விஜயன் விஷயம் தெரிந்த பிரபலங்களும் இருந்தார்கள். அப்படி இருக்கும் பட்சத்தில் கோவை சரளாவிற்கு மட்டும் விஷயம் தெரியாது என நினைக்கக்கூடாது.


 

makkal neethi maiam


 

வேட்பாளர் தேர்வில் எதை முக்கியமாக கருத்தில் கொண்டீர்கள்?
 

அவர்களுடைய தகுதிதான். டெல்லியில் போய் நமது மாநிலத்திற்காக, உரிமைக்காக குரல் கொடுப்பார்களா என்பது, அவரவர் தொகுதி குறித்த அறிவு, மாநில தேவைகள், இருக்கிற பிரச்சனைகள் இது குறித்த ஞானம், அர்பணிப்பு, மக்கள் சேவையில் ஆர்வம் இவற்றிற்குதான் முக்கியத்துவம் கொடுத்துள்ளார்கள். மற்றபடி ஜாதி, மதம் இவற்றையெல்லாம் பெரிதாக நினைக்கவில்லை. ஒரு பிரபலமான வேட்பாளர் என்பது கடினமாக இருந்தாலும், ஒரு சிறந்த வேட்பாளராக அவர்கள் இருப்பார்கள். 
 

நேற்று குமரவேல் கூறியிருந்தார், கோவை சரளா தொகுதிக்கு எவ்வளவு செலவு செய்வீர்கள் என்பதை மட்டுமே கேட்டார் என்று. மக்கள் நீதி மய்யமும் பணத்திற்குதான் முக்கியத்துவம் தருகிறதா?
 

இதற்கு கோவை சரளாவும் குழுவில் இருந்தவர்களும் மட்டும்தான் பதில் சொல்ல வேண்டும், ஏனெனில் இது அவர்களுக்குள் நடந்த கருத்துரையாடல். வெளியில் அப்படி கேட்கப்படவில்லை என்பதுதான் பெரிய விஷயமாக பேசப்பட்டது. நேர்காணலுக்கு வந்தவர்கள் அனைவரும் மிக மகிழ்ச்சியாக கூறினார்கள், ஜாதியைப் பற்றி கேட்கவில்லை, பணத்தைப்பற்றி கேட்கவில்லை என்று.

 

 

 

Next Story

பக்ரீத் பண்டிகை; தலைவர்கள் வாழ்த்து!

Published on 17/06/2024 | Edited on 17/06/2024
Bakrit festival Greetings leaders

பக்ரீத் பண்டிகை இன்று(17.06.2024) கொண்டாடப்பட்டு வருகிறது. இதனையொட்டி அரசியல் கட்சித் தலைவர்கள் பலரும் தங்களது வாழ்த்துகளைத் தெரிவித்து வருகின்றனர். அந்த வகையில் தமிழ்நாடு முதலமைச்சர் மு.க.ஸ்டாலின், புதுச்சேரி முதலமைச்சர் ரங்கசாமி, அதிமுக பொதுச் செயலாளர் எடப்பாடி பழனிசாமி, தமிழக காங்கிரஸ் கமிட்டியின் தலைவரும், சட்டமன்ற உறுப்பினருமான கு. செல்வப்பெருந்தகை, அமமுக பொதுச் செயலளார் டி.டி.வி. தினகரன் எனப் பலரும் பக்ரீத் பண்டிகை திருநாளுக்கான வாழ்த்துகளை தெரிவித்திருந்தனர்.

மேலும் பக்ரீத் பண்டிகையை ஒட்டி, தமிழகம் முழுவதும் பல்வேறு இடங்களில் அதிகாலை முதலே இஸ்லாமியர்கள் பள்ளிவாசல்களின் சிறப்புத் தொழுகை நடத்தி வழிபட்டனர். இந்நிலையில் நடிகரும், மக்கள் நீதி மய்யத்தின் கட்சியின் தலைவருமான கமல்ஹாசன் எக்ஸ் சமூக வலைத்தளத்தில் வெளியிட்டுள்ள பதிவில், “பக்ரீத் கொண்டாடும் சகோதரர்களுக்கு என் அன்பான வாழ்த்துகள். உங்கள் உள்ளம் மகிழ்வால் நிரம்புவதாக; உங்கள் இதயம் நேசத்தால் நிரம்புவதாக; உங்கள் சிந்தை ஞானத்தால் நிரம்புவதாக. தியாகத் திருநாள் சிறக்கட்டும்” எனக் குறிப்பிட்டுள்ளார். 

Bakrit festival Greetings leaders

அதே சமயம் நடிகரும், தமிழக வெற்றிக் கழகத்தின் தலைவருமான விஜய், “அன்பு, தியாகம், அர்ப்பணிப்பு, ஒற்றுமை ஆகிய நற்குணங்களை எடுத்துரைக்கும் வகையில் உலகெங்கும் உள்ள இசுலாமிய சகோதர சகோதரிகளால் பக்ரீத் பண்டிகை, தியாகத் திருநாளாகக் கொண்டாடப்படுகிறது. இந்த நன்னாளில் இசுலாமிய சொந்தங்கள் அனைவருக்கும் என் இனிய பக்ரீத் நல்வாழ்த்துகளைத் தெரிவித்துக்கொள்கிறேன்” எனக் குறிப்பிட்டுள்ளார். 

Next Story

'இந்தியாவிலேயே இவரைப் போன்ற எம்பி யாரும் இருப்பதாக எனக்கு தெரியவில்லை' -கமல்ஹாசன் பேச்சு

Published on 11/04/2024 | Edited on 11/04/2024
Kamal Haasan campaign in madurai

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது.

இந்நிலையில் இந்தியா கூட்டணி சார்பில் மதுரையில் போட்டியிடும் மார்க்சிஸ்ட் கம்யூனிஸ்ட் கட்சியின் வேட்பாளர் சு.வெங்கடேசனை ஆதரித்து  மக்கள் நீதி மய்யம் கட்சியின் தலைவர் கமல்ஹாசன் பிரச்சாரத்தில் ஈடுபட்டார். கூட்டத்தில் பேசிய அவர், ''இவரைப் பற்றி சொல்ல வேண்டுமென்றால் வழக்கமாக என்னை கேட்பார்கள் அரசியலுக்கு ஏன் வந்தீர்கள்? நீங்கள் எப்படி கையெழுத்து போட போகிறீர்கள் என்று. வித்தியாசமான அரசியல் செய்ய வந்திருக்கிறேன் என்று பெருமையாக மார் தட்டிக் கொண்டேன். இனி நாம் செய்ய போவதையும் செய்து இருப்பதைதான் சொல்ல வேண்டுமே தவிர, செய்யத் தவறியவர்களின் குற்றங்களை பட்டியலிடுவது என்பது நேர விரையம். அது உங்களுக்கே தெரியும். எங்கெங்கு தப்பு நடந்திருக்கிறது என்பதை சொல்லி உங்க நேரத்தையும் எங்க நேரத்தையும் வீணடிக்க கூடாது.

நவீன அரசியல் ஒருவரை ஒருவர் திட்டிக் கொள்ளும் அரசியலாக இருக்கக்கூடாது. ஒருவரை ஒருவர் திருத்திக் கொள்ளும் அரசியலாக இருக்க வேண்டும். அதனால் நான் சொல்கிறேன் இவர் செய்ததை சொல்கிறேன். கோவிட் என்ற காலகட்டத்தில் ஒரு சாதாரணமாக எம்பிக்கு  கொடுக்க வேண்டிய ஐந்து கோடி ரூபாய் ஒதுக்கீடு கூட இல்லாத நேரத்தில், பல நற்பணிகளை செய்து இருக்கிறார். அவருக்கு இன்னொரு வாய்ப்பு கொடுக்க வேண்டியது உங்களுடைய கடமை. இந்த வட்டாரத்திற்கு நீங்கள் செய்யும் நல்லது.

இவர் நல்ல எழுத்தாளர், பெரிய பெரிய நாவல்களை எழுதி இருக்கிறார் என்பதெல்லாம் சொல்வதை விட ஒரு இடத்திற்கு பம்ப் செட் போட்டு கொடுத்திருக்கிறார். ஒரு விவசாய ஊருக்கு ரயில் பாதை அமைத்துக் கொடுத்திருக்கிறார். இவர் செய்த நற்பணிகளை எல்லாம் திரட்டி ஒரு வீடியோ ஆவணம் செய்திருந்தார்கள். அதை வெளியிடும் பெருமை எனக்கு கிடைத்தது. நான் சொல்லுவது மிகை என்றால் திருத்திக் கொள்கிறேன். ஆனால் இந்தியாவிலேயே இப்படி, தான் செய்த விஷயங்களை பட்டியல் போடும் அளவிற்கு வேலை செய்த எம்பிக்கள் என்று யாரும் இருப்பதாக எனக்கு தெரியவில்லை'' என்றார்.