Skip to main content

தேர்தலில் அவர்கள் ராமர் படத்தை காட்டினார்கள்... ஆனால் திமுக அமோக வெற்றி பெற்றது - கோவை ராமகிருஷ்ணன்

Published on 25/01/2020 | Edited on 26/01/2020

துக்ளக் ஆண்டு விழாவில் நடிகர் ரஜினிகாந்த் பேசிய சில செய்திகள் சர்ச்சையாகி உள்ள நிலையில் இதுதொடர்பாக அவர் மீது காவல்துறையினரிடம் சிலர் புகார் தெரிவித்திருக்கிறார்கள். இந்நிலையில் இதுதொடர்பாக தந்தை பெரியார் திராவிட கழத்தின் தலைவர் கோவை ராமகிருஷ்ணனிடம் பல்வேறு கேள்விகளை நாம் முன்வைத்தோம். நம்முடைய கேள்விகளுக்கு அவரின் அதிரடியான பதில் வருமாறு,

துக்ளக் விழாவில் பெரியார் பேசியது தொடர்பான பல்வேறு சர்ச்சைகள் எழுந்தது. இதுதொடர்பாக ரஜினி மன்னிப்பு கேட்க வேண்டும் என்று கோரி அவரது வீட்டை முற்றுகையிட போவதாக கூறி அதற்கான முயற்சிகளையும் செய்தீர்கள். ஆனாலும் அவர் மன்னிப்பு கேட்க மாட்டேன் என்று தெரிவித்துள்ளார்கள். உங்கள் போராட்டம் தோல்வி அடைந்துவிட்டதாக கருத முடியுமா?

பெரியார் தொடர்பான சர்ச்சை கருத்துக்களை அவர் கூறிய இந்த ஒருவார காலமாக அவர் எந்த தொலைக்காட்சியையும் சந்திக்கவில்லை. இன்று அவருடைய வீடு முற்றுகையிடப்படும் என்று அறிவிப்பு வெளியிடப்பட்டு அதற்கான முயற்சியில் நாங்கள் ஈடுபட்ட நிலையில் முதல் முறையாக தற்போது பத்திரிக்கையாளர்களை சந்தித்து பேசியுள்ளார். இதுவே எங்கள் போராட்டத்தினால் வந்த விளைவுதான் இது.  போராட்டத்திற்கு பயந்துதான் இந்த பதிலை அவர் தெரிவித்துள்ளார். கூடவே இந்த செய்தியை மறுக்க முடியாத உண்மை என்றும், மறக்க வேண்டிய சம்பவம் என்றும் கூறியுள்ளார். மறக்க வேண்டிய சம்பவம் என்று ரஜினியே இதை குறிப்பிடுகிறார். ஆனால், கடந்த 14ம் தேதி இந்த விஷயத்தை அவர் மறந்திருந்தார் என்றால் இந்த பிரச்சனைக்கே வேலை இல்லாமல் போயிருக்கும். 71ல் நடந்த விஷயத்தை அவர் இப்போது ஏன் பேசுகிறார். 
 

s



யார் சொல்லிக்கொடுத்து அவர் பேசுகிறார் என்று நாம் நினைக்க வேண்டியிருக்கிறது. 50 வருடத்துக்கு முன்பு நடந்த அந்த விஷயத்தை இப்போது ஏன் கொண்டு வர வேண்டும். இப்போது யாராவது அதை பற்றி கேட்டார்களா? இன்னும் சொல்லப்போனால் அப்போது வெளிவந்த சோ தலைமையிலான துக்ளக் பெரியார் ராமனை செருப்பால் அடிப்பது போலவும், அதனை கலைஞர் கைக்கொட்டி சிரிப்பது போலவும் துக்ளக்கில் கற்பனை படத்தை வெளியிட்டார்கள். காங்கிரஸை ஆதரிக்கிறேன் என்கிற பேரில் இத்தகைய செயல்களை அப்போதே செய்தார்கள். திமுக எதிர்ப்பு என்பதற்காக இதனை கடந்த 50 ஆண்டுகளாகவே தொடர்ந்து செய்து வருகிறார்கள். 71ம் வருடம் தேர்தலில் செயற்கையாக அவர்கள் உருவாக்கிய அந்த படத்தை காட்டி தேர்தலின் போது மக்களிடம் இவர்களுக்காக உங்கள் ஓட்டு என்று கேட்டார்கள். ஆனால் 67ல் திமுக வெற்றிபெற்ற இடங்களை விட 71ம் வருடம் நடைபெற்ற தேர்தலில் 184 தொகுதிகளில் வெற்றிபெற்று ஆட்சியை பிடித்தது. திமுகவுக்கு எதிராக அதை பயன்படுத்தலாம் என்று பார்த்தார்கள். ஆனால் அது அவர்களுக்கு எதிராகே சென்றது. எனவே இவர்களின் இந்த பேச்சை யாரும் பெரிதாக எடுத்துக்கொள்ள போவதில்லை.

 

Next Story

“அரசியல் கேள்விக்கெல்லாம் பதில் சொல்லமாட்டேன்!”- ரஜினிகாந்த்

Published on 14/03/2024 | Edited on 14/03/2024
Rajinikanth has said that he will not answer political questions

வேட்டையன் படப்பிடிப்பிற்காக சென்னையிலிருந்து ஹைதராபாத் சென்றிருந்த நடிகர் ரஜினிகாந்த், படப்பிடிப்பை முடித்துவிட்டு சென்னை திரும்பினார்.ரஜினிகாந்த் நடிப்பில் அடுத்து வெளிவரும் திரைப்படமான வேட்டையன் படப்பிடிப்பு, ஹைதராபாத் மற்றும் சுற்றுவட்டாரப் பகுதிகளில் நடந்து வருகிறது.

அடுத்தகட்ட படப்பிடிப்பில் கலந்துகொள்ள, சென்னையிலிருந்து விமானம் மூலம் கடந்த 9ஆம் தேதி ஹைதராபாத் புறப்பட்டார். 75 சதவீத படப்பிடிப்பு நிறைவுற்ற நிலையில், அங்கிருந்து விமானம் மூலம் சென்னை திரும்பினார்.

“படப்பிடிப்பு நன்றாகப் போய்க்கொண்டிருக்கிறது..” என்று மீடியாக்களிடம் ரஜினிகாந்த் தெரிவித்தபோது, நாடாளுமன்றத் தேர்தல் குறித்து கேள்வி எழுப்பினார்கள். அதற்கு  “அரசியல் கேள்விக்கெல்லாம் பதில் சொல்லமாட்டேன்..” என்று கூலாகச் சொல்லிவிட்டு கிளம்பினார். 

Next Story

“கலைஞரின் தாஜ்மஹால் என்று சொல்லலாம்” - நடிகர் ரஜினிகாந்த்!

Published on 26/02/2024 | Edited on 26/02/2024

 

சென்னை கடற்கரை காமராஜர் சாலையில் சென்னைப் பல்கலைக் கழகத்தின் எதிரில், தமிழகத்தின் முன்னாள் முதல்வரான பேரறிஞர் அண்ணா 1969 பிப்ரவரி 3 ஆம் நாள் மறைந்த பின் அவருக்கு நினைவிடம் அமைக்கப்பட்டது. மேலும் தமிழகத்தின் முன்னாள் முதல்வரும், திமுக முன்னாள் தலைவருமான கலைஞர் தனது 95வது வயதில் கடந்த 2018 ஆம் ஆண்டு ஆகஸ்ட் மாதம் 7 ஆம் நாள் மறைந்த பின்னர் அண்ணா நினைவிடம் அருகிலேயே நல்லடக்கம் செய்யப்பட்டது. இதனையடுத்து தமிழக முதல்வர் மு.க. ஸ்டாலின் கடந்த 2021 ஆம் ஆண்டு ஆகஸ்ட் மாதம் 21 ஆம் தேதி (24.8.2021) சட்டமன்றப் பேரவை விதி 110 ன்கீழ் வெளியிட்ட அறிவிப்பின் படி நினைவிடம் கட்டும் பணிகள் நடைபெற்று வந்தன. அதே சமயம் அண்ணா நினைவிடமும் புதுப்பிக்கும் பணிகள் நடைபெற்றன.

மேலும் அண்ணா, கலைஞர் ஆகியோரின் இரண்டு நினைவிடங்களும் 8.57 ஏக்கர் நிலப்பரப்பில் அமைந்துள்ளன. இந்த நினைவிடங்களின் முகப்பு வாயிலில் பேரறிஞர் அண்ணா நினைவிடம், முத்தமிழறிஞர் கலைஞர் நினைவிடம் எனும் பெயர்கள் பொறிக்கப்பட்டுள்ளன. கலைஞர் சதுக்கத்திற்கு கீழே ‘கலைஞர் உலகம்’ என்ற அருங்காட்சியகம் அமைக்கப்பட்டுள்ளன. இந்த நினைவிடங்களில் அண்ணா சிலை, திருவாரூர் - சென்னை ரயில் பயண ஒலி-ஒளிக் காட்சி, சாதனை விளக்கப் புகைப்படத் தொகுப்புகள், கலைஞர் பொன்மொழிகள் கலைஞர் சிலை ஆகியவை அமைக்கப்பட்டுள்ளன.

இந்நிலையில், அண்ணாவின் புதுப்பிக்கப்பட்ட நினைவிடத்தையும், கலைஞரின் புதிய நினைவிடத்தையும் தமிழ்நாடு முதலமைச்சர் மு.க. ஸ்டாலின் இன்று (26.11.2024) மாலை 7 மணி அளவில் திறந்து வைத்தார். பின்னர் அண்ணா மற்றும் கலைஞர் சிலைகள் மற்றும் நினைவிடங்களில் மலர் தூவி மரியாதை செலுத்தினார். இந்நிகழ்ச்சியில் சட்டமன்றப் பேரவை தலைவர் மு. அப்பாவு, நீர்வளத்துறை அமைச்சர் துரைமுருகன் உள்ளிட்ட தமிழக அமைச்சர்கள், சென்னை மாநகராட்சி மேயர் பிரியா, நாடாளுமன்ற, சட்டமன்ற உறுப்பினர்கள், திராவிடர் கழகத் தலைவர் கி. வீரமணி, ம.தி.மு.க. பொதுச் செயலாளர் வைகோ, இந்திய கம்யூனிஸ்ட் கட்சியின் மாநிலச் செயலாளர் இரா. முத்தரசன், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே. பாலகிருஷ்ணன், வி.சி.க. தலைவர் தொல். திருமாவளவன், இந்திய யூனியன் முஸ்லீம் லீக் தலைவர் கே.எம். காதர் மொகிதீன், பா.ம.க. சட்டமன்ற கட்சித் தலைவர் ஜி.கே. மணி, மனிதநேய மக்கள் கட்சியின் தலைவர் எம்.எச். ஜவாஹிருல்லா, நடிகர் ரஜினிகாந்த், கவிஞர் வைரமுத்து, தலைமைச் செயலாளர் சிவ் தாஸ் மீனா, உள்ளாட்சி அமைப்புகளின் பிரதிநிதிகள் மற்றும் அரசு உயர் அலுவலர்கள் எனப் பலரும் கலந்து கொண்டனர்.

Lets call it an kalaignar Taj Mahal says actor Rajinikanth

அதனைத் தொடர்ந்து செய்தியாளர்களிடம் பேசிய நடிகர் ரஜினிகாந்த், “கலைஞரின் நினைவிடம் மிகவும் அருமை. ரொம்ப அற்புதம். இதனை கலைஞரின் நினைவிடம் என்று சொல்வதை விட, கலைஞரின் தாஜ்மஹால் என்று சொல்லலாம். அவ்வளவு அருமையாக உள்ளது” எனத் தெரிவித்தார்.