Skip to main content

பாரத் என மாற்ற இதுதான் காரணம்; பாஜகவின் உள் நோக்கத்தை கண்ணையா மூர்த்தி விளக்குகிறார்!

Published on 11/09/2023 | Edited on 11/09/2023

 

 Kannaya Murthy Interview

 

மத்திய அரசின் பல்வேறு செயல்பாடுகள் குறித்து தன்னுடைய கருத்துக்களை திமுக ஆதரவாளர் கண்ணையா மூர்த்தி பகிர்ந்து கொள்கிறார்.

 

பெயரை மாற்றினால் அனைத்தும் மாறிவிடும் என்று நினைக்கிறது பாஜக அரசு. 'இந்து' என்கிற பெயர் கூட வெள்ளைக்காரன் கொடுத்தது தான். அதையும் மாற்றிவிடுவார்களா? பிற்போக்குத்தனங்களால் நிரம்பி வழிகிறது இந்த பாஜக அரசு. இந்தியா என்கிற அமைப்பு சட்ட ரீதியாக உருவானது. அதை மாற்ற முயல்வது தவறு. இந்தியாவின் பெயரை மாற்றும் முடிவை இப்போது ஏன் இவர்கள் எடுக்கிறார்கள்? இந்தியாவின் பெயரை 'பாரத்' என இப்போது மாற்ற வேண்டிய அவசியம் என்ன? பாஜகவின் பெயரில் பாரத் இருப்பதால் இந்த முடிவை எடுக்கிறார்கள்.

 

2G விவகாரத்தில் அரசுக்கு இழப்பு என்கிற செய்தி வந்ததற்கே, இவர்கள் அதை ஊழல் என்று பரப்பி ஆட்சிக்கு வந்தார்கள். இவர்கள் 7.5 லட்சம் கோடி ரூபாய் ஊழல் செய்துள்ள விஷயம் சிஏஜி அறிக்கையின் மூலம் இப்போது வெளிவந்துள்ளது. தேர்தல் வரும் வரை பெயர் மாற்ற விவகாரத்தை எல்லாம் வைத்து திசைதிருப்புவார்கள். அதன் பிறகு மோடி எங்கிருப்பார் என்று தெரியாது. அவர் பிரதமர் வேட்பாளராக இந்த முறை அறிவிக்கப்படுவாரா என்பதே கேள்விக்குறிதான். தங்களுக்கு சாதகமான பொய்யான கருத்துக்கணிப்புகளை பாஜக வெளியிட்டு வருகிறது. 

 

பல்வேறு வாழ்வியல் முறை, வழிபாட்டு முறை, உணவு முறை கொண்ட இந்த நாட்டில் பாஜக தன்னுடைய கருத்துக்களை திணிக்கக் கூடாது. இந்து மதத்தில் சீர்திருத்தங்கள் செய்ய விரும்பும் இயக்கம் தான் திமுக. இப்படி சீர்திருத்த இயக்கங்கள் அனைத்து மதங்களிலும் இருக்கின்றன. மாற்றம் ஒன்றே மாறாதது. ஆனால் எதுவும் மாறக்கூடாது என்கிறது சனாதனம். இது அறிவியலுக்கு எதிரானது. சேகர்பாபுவை அமைச்சர் பதவியிலிருந்து நீக்க வேண்டும் என்று ஹெச்.ராஜா சொல்வது நகைப்புக்குரிய விஷயம். ஆன்மீகத்தில் பிற்போக்கு சிந்தனைகள் இருக்கக்கூடாது என்பதற்காகத் தான் நீதிக்கட்சி காலத்திலேயே கோவில்கள் அரசுக்கு கீழே கொண்டுவரப்பட்டன. 

 

ஒரே நாடு ஒரே தேர்தல் என்கிற முறையை நம்மால் ஏற்றுக்கொள்ள முடியாது. ஒரே கட்சி ஒரே ஆட்சி என்கிற நிலைக்கு கூட இவர்கள் செல்வார்கள். இந்திரா காந்தி எமர்ஜென்சி தோல்வியில் அடிவாங்கி அதன் பிறகு ஜனநாயகப்படுத்தப்பட்டார். தங்களுக்கு சாதகமாக தேர்தல் முடிவுகள் வர வேண்டும் என்பதற்காகவே ஒரே நாடு ஒரே தேர்தல் என்கிற திட்டத்தை இப்போது இவர்கள் அறிமுகப்படுத்துகிறார்கள். ஐந்தாண்டுகளுக்கு ஒருமுறை மட்டுமே அனைத்து தேர்தல்களும் நடந்தால், மத்திய ஆட்சியாளர்கள் செய்யும் தவறுகளை நம்மால் தெரிந்துகொள்ள முடியாது. எனவே இப்போது இருக்கும் நடைமுறைதான் சரியானது. ஒரே நாடு ஒரே தேர்தல் என்பது பாசிச போக்கு.
 

முழு பேட்டியை வீடியோவாக கீழே உள்ள லிங்க்கில் காணலாம்...

 

 

 

Next Story

பிரதமர் மோடியை மறைமுகமாகத் தாக்கிப் பேசிய ஆர்எஸ்எஸ் தலைவர்!

Published on 19/07/2024 | Edited on 19/07/2024
RSS leader who indirectly attacked PM Modi!

சமீபத்தில் நடைபெற்ற மக்களவைத் தேர்தல் பிரச்சாரத்தின் போது பிரதமர் மோடி, தனியார் ஊடகத்துக்கு பேட்டி அளித்தார். அதில் அவர் பேசியதாவது, “நான் பயலாஜிகலாக பிறக்கவில்லை என்று நம்புகிறேன். என் தாயார் உயிரோடு இருக்கும்வரை, இந்த உலகிற்கு என் தாய் மூலம்தான் வந்தேன் என நம்பிக்கொண்டிருந்தேன். ஆனால், என் தாயாரின் மரணத்திற்கு பிறகு, நான் பலவற்றை சிந்தித்துப் பார்த்தேன். இப்போது நான் அதை ஏற்றுக்கொள்ளவும் செய்கிறேன். சிலர் இதற்கு எதிராக பேசலாம். ஆனால், நான் இதை முழுமனதாக நம்புகிறேன். என்னை இந்த உலகிற்கு அனுப்பியது பரமாத்மாதான். பயாலஜிக்கலாக நான் பிறந்திருக்க வாய்ப்பில்லை. நான் மனிதப்பிறவி அல்ல. ஏதோவொரு விஷயத்தை நடத்தியே ஆக வேண்டும் என்பதற்காக, கடவுள் என்னை இந்தப் பூமிக்கு அனுப்பியிருக்கிறார்” என்று தெரிவித்தார். அவரது பேச்சு, மக்களவைத் தேர்தல் பிரச்சாரத்தில் பெரும் பரபரப்பை ஏற்படுத்தியிருந்தது. இது குறித்து பிரதமர் மோடியை, மக்களவை எதிர்க்கட்சித் தலைவர் ராகுல் காந்தி, உள்பட அனைத்து எதிர்க்கட்சியினரும் கடுமையாக விமர்சனம் செய்து வந்தனர். 

இந்த நிலையில், பிரதமர் மோடியின் அந்த கருத்தை, ஆர்.எஸ்.எஸ் தலைவர் மோகன் பகவத் மறைமுகமாக விமர்சனம் செய்துள்ளார். ஜார்க்கண்ட் மாநிலம், கும்லா பகுதியில் கிராம அளவிலான தன்னார்வலர் கூட்டம் நடைபெற்றது. அந்த கூட்டத்தில், ஆர்.எஸ்.எஸ் தலைவர் மோகன் பகவத் கலந்துகொண்டு பேசினார். அப்போது அவர், “முன்னேற்றத்திற்கு எப்போதாவது ஒரு முடிவு உண்டா? நாம் நமது இலக்கை அடையும்போது, ​​இன்னும் செல்ல வேண்டியவை அதிகம் இருப்பதைக் காண்கிறோம். ஒரு மனிதன் சூப்பர்மேன் ஆக விரும்புகிறார். திரைப்படங்களில் அவர்கள் அசாதாரண சக்திகளைக் கொண்ட சூப்பர்மேனைக் காட்டுகிறார்கள். எனவே ஒரு மனிதன் அத்தகைய சக்தியைப் பெற விரும்புகிறான். 

ஆனால், அவன் அதோடு மட்டும் நிற்கவில்லை. அதன்பிறகு தேவனாக விரும்புகிறான். ஆனால் தேவதாஸ்  நம்மை விட கடவுள் பெரியவர் என்று கூறுகிறார்கள். எனவே மனிதர்கள் கடவுளாக மாற விரும்புவதாக கூறுகிறார்கள். ஆனால், பகவான் தன்னை ஒரு விஸ்வரூபம் என்கிறார். அதைவிடப் பெரியது எதுவும் இருக்கிறதா என்பது தெரியவில்லை. 

வளர்ச்சிக்கு முடிவே இல்லை. எப்பொழுதும் அதிகமானவற்றிற்கு வாய்ப்பு இருப்பதாக ஒருவர் நினைக்க வேண்டும். தொழிலாளர்கள் இதைப் புரிந்து கொள்ள வேண்டும். எப்போதும் அதிகமாக பாடுபட வேண்டும். நிறைய வேலைகள் செய்ய வேண்டும். பல குழந்தைகளுக்கு நாம் கற்றுக் கொடுத்தாலும், கல்வி தேவைப்படும் என்ற புதிய தலைமுறை உருவாகி வருகிறது. வளர்ச்சி என்பது ஒரு தொடர் பணி. ஒரு தொழிலாளிக்கு நாம் இவ்வளவு செய்தோம், ஆனால் இன்னும் நிறைய இருக்கிறது என்ற உணர்வு இருக்க வேண்டும். 

Next Story

'என் நண்பர் மீது தாக்குதல்'-பிரதமர் மோடி கண்டனம்

Published on 14/07/2024 | Edited on 14/07/2024
 'Attack on my friend'-PM Modi condemns

அமெரிக்காவில் முன்னாள் அதிபர் டிரம்ப் மீது துப்பாக்கி சூடு நடத்தப்பட்ட சம்பவம் பரபரப்பை ஏற்படுத்தி இருக்கிறது. இதற்கு பல்வேறு தரப்பினரும் தங்களது கண்டனங்களை தெரிவித்து வருகின்றனர்.

வரும் நவம்பர் மாதம் அமெரிக்க அதிபர் தேர்தல் நடைபெற இருக்கின்ற நிலையில் அங்கு தேர்தல் பரப்புரை அமெரிக்காவில் தீவிரம் அடைந்துள்ளது. அமெரிக்காவின் பென்சில்வேனியாவில் பரப்புரையில் ஈடுபட்டுக் கொண்டிருந்த முன்னாள் அதிபர் டிரம்ப் மீது திடீரென துப்பாக்கிச் சூடு நடத்தப்பட்டது பரபரப்பை ஏற்படுத்தியது. உடனடியாக அங்கிருந்து பாதுகாப்பு அதிகாரிகள் முன்னாள் அதிபர் டிரம்பை பாதுகாப்பாக அழைத்துச் சென்றனர். இந்த காட்சிகள் சமூக வலைத்தளங்களில் வெளியாகி பரபரப்பை ஏற்படுத்தியிருந்தது.

இந்நிலையில் முன்னாள் அதிபர் டிரம்ப் மீது நடத்தப்பட்ட தாக்குதலுக்கு பல்வேறு தரப்பினரும் கண்டனம் தெரிவித்துள்ளனர். இதுகுறித்து முன்னாள் அதிபர் ஒபாமா 'நமது ஜனநாயகத்தில் அரசியல் சார்ந்த வன்முறைகளுக்கு இடம் இல்லை. ட்ரம்ப் விரைவில் குணமடைய வேண்டுகிறேன்' என தெரிவித்துள்ளார். அதேபோல் பிரபல தொழிலதிபரான எலான் மஸ்க் 'டிரம்பிற்கு தனது முழு ஆதரவை அளிப்பதாகவும் தாக்குதலுக்கு பொறுப்பேற்று உளவுத்துறை தலைமை அதிகாரி பதவி விலக வேண்டும்' என்று வலியுறுத்தியுள்ளார். கூகுள் நிறுவனத்தின் சி.இ.ஒ சுந்தர் பிச்சை, அமெரிக்க அதிபர் பைடன் ஆகியோரும் இந்த சம்பவத்திற்கு கண்டனம் தெரிவித்துள்ளார். டிரம்ப் மீது நடத்தப்பட்ட இந்த துப்பாக்கிச் சூட்டின் போது அவருடைய ஆதரவாளர் ஒருவர் உயிரிழந்ததாகவும் தகவல்கள் வெளியாகி உள்ளது. அதேபோல் துப்பாக்கிச் சூட்டில் ஈடுபட்ட  ஒருவரை போலீசார் சுட்டுக் கொன்றதாகவும் தகவல்கள் வெளியாகியுள்ளது.

 'Attack on my friend'-PM Modi condemns

இந்நிலையில் அமெரிக்க அதிபர் டிரம்ப் மீது நடத்தப்பட்ட துப்பாக்கி சூடு சம்பவத்திற்கு பிரதமர் மோடி கடும் கண்டனம் தெரிவித்துள்ளார். இது தொடர்பாக எக்ஸ் வலைத்தளத்தில் வெளியிட்டுள்ள பதிவில், 'என்னுடைய நண்பர் ட்ரம்ப் மீது தாக்குதல் நடத்தப்பட்டு இருப்பது கடும் கண்டனத்திற்குரியது. அரசியலிலும்,ஜனநாயகத்திலும் வன்முறைக்கு இடமில்லை' என குறிப்பிட்டுள்ளார்.