முதல் மரியாதை பார்க்கும் ஜெயலலிதா?

மருத்துவமனை போன்ற அமைப்பில் கட்டிலில் சாய்ந்து படுத்திருக்கும் ஜெயலலிதா, திரவ உணவை ஸ்ட்ரா வழியாக அருந்துகிறார். குறுகிய அளவில், ஓரிரு நொடிகளே நீளும் வீடியோ, மீண்டும் மீண்டும் வரும் வகையில் அமைக்கப்பட்டுள்ளது. வீடியோவில் இளைத்து காணப்படுகிறார் ஜெயலலிதா. அருகில் ஒரு சாதாரண கட்டில் இருக்கிறது. கட்டிலுக்கு பின்புறம் இரண்டு கடவுள் படங்கள் இருக்கின்றன. பின்னணியில் ஜன்னலுக்கு வெளியே மரங்கள் இருக்கின்றன. பின்னணியில் சிவாஜி கணேசன் - ராதா நடித்த 'முதல் மரியாதை' திரைப்படத்தின் பின்னணி இசை (நீ தானா அந்தக் குயில்) ஒலிக்கிறது. ஜெயலலிதா, முதல் மரியாதை திரைப்படம் பார்த்துக்கொண்டிருந்திருக்கலாம்.