Skip to main content

உள்ளாட்சி உரிமையை முடக்கிய எடப்பாடி அரசு... – திமுக நிர்வாகிகளை மிரட்டிய போலீஸ்...

Published on 03/10/2020 | Edited on 03/10/2020

 

 

Gramasaba meeting admk and dmk issue

 

 

உள்ளாட்சி பிரதிநிதித்துவ சட்டம் என்பது வலிமையானது. கிராம மக்கள் தங்கள் பிரதிநிதிகளை நேரடியாக தேர்வு செய்து தங்கள் கிராமத்தை நிர்வாகம் செய்ய வைக்கின்றனர். அந்த கிராம மக்கள் ஒரு திட்டத்தால் பாதிக்கப்படும் சூழ்நிலை ஏற்பட்டால் அந்த திட்டத்தை எதிர்த்து கிராம சபைக்கூட்டத்தில் அக்கிராம மக்கள் தீர்மானம் இயற்றினால், அதனை குடியரசு தலைவரால் கூட மீற முடியாது.

 

இந்த கிராம சபைக்கூட்டத்தை ஜனவரி 26, மே1, ஆகஸ்ட்15, அக்டோபர் 2 ஆகிய தேதிகளில் ஆண்டுக்கு நான்கு முறை இந்தியாவில் கூட்டப்படுகிறது. இந்த கூட்டத்தில் ஒவ்வொரு தேவைகளை முன்வைத்து விவாதிக்கப்படும். மக்கள் தங்கள் கருத்துக்களை கூறி தீர்மானம் நிறைவேற்றலாம்.

 

கரோனா பரவலை கட்டுப்படுத்த நாடு முழுவதும் மார்ச் மாதம் முதல் முழு ஊரடங்கு அமல்படுத்தப்பட்டுள்ளது. மக்கள் வீட்டை விட்டு வெளியே வரக்கூட கட்டுப்பாடு விதிக்கப்பட்டது. இதனால் மே 1ஆம் தேதி நடைபெற வேண்டிய, கிராம சபைக்கூட்டம் நடத்தவில்லை. அதேபோல் ஆகஸ்ட் 15ஆம் தேதி நடத்தப்பட வேண்டிய கிராமசபைக்கூட்டமும் நடத்தப்படவில்லை.

 

இந்நிலையில் அதே கரோனாவை காரணம் காட்டி அக்டோபர் 2ஆம் தேதி நடைபெற வேண்டிய கிராமசபை கூட்டத்தை நிறுத்திவிடுவார்கள் என ஒரு தரப்பும், இல்லை நடக்கும் என அதிகாரிகள் மட்டத்திலேயே விவாதம் நடைபெற்றுவந்தது. இந்நிலையில் அக்டோபர் 2ஆம் தேதி கிராம சபைக்கூட்டம் நடத்தப்பட வேண்டும் என ஊரக வளர்ச்சித்துறையின் இயக்குநர், மாவட்ட ஆட்சித்தலைவர்களுக்கு கடிதம் அனுப்பினார். அதன்படி கிராம பஞ்சாயத்து தலைவர் மற்றும் நிர்வாகங்களுக்கு ஒன்றிய குழு அலுவலர்கள் தகவல் தெரிவித்து கடிதம் அனுப்பினர்.

 

மத்திய அரசு விவசாயிகள், பொதுமக்கள், அரசியல் கட்சிகளின் எதிர்ப்புகளை மீறி 3 வேளாண்மை மசோதாக்கள் பாராளுமன்றத்தின் இரு அவைகளிலும் நிறைவேற்றி குடியரசு தலைவருக்கு அனுப்பியது மத்தியில் ஆளும் பாஜக. குடியரசு தலைவரை சந்தித்து அந்த மசோதாவில் கையெழுத்திட்டு சட்டமாக்கக்கூடாது என தி.மு.கவினர் வேண்டுகோள் விடுத்தனர். அதனையும் மீறி குடியரசு தலைவர் அதில் கையெழுத்திட்டு சட்டமாக்கினார். இது மத்திய, மாநில அரசியல் கட்சிகளை அதிர்ச்சியடைய செய்தது. இதனை கண்டித்து திமுக மாநிலம் தழுவிய அளவில் கண்டன ஆர்ப்பாட்டம் நடத்தியது.

 

Gramasaba meeting admk and dmk issue

 

 

அதனை தொடர்ந்து கிராம சபைக்கூட்டத்தில், இந்த சட்டத்தை கண்டித்து தீர்மானம் இயற்ற வேண்டும் என திமுக தலைவர் ஸ்டாலின், பஞ்சாயத்து தலைவர்களுக்கு வேண்டுகோள் விடுத்தார். இது மத்தியில் ஆளும் பாஜகவையும் – மாநிலத்தை ஆளும் அதிமுகவை அதிர்ச்சியடைய செய்தது.

 

தமிழகத்தில் கிராம பஞ்சாயத்து தலைவர்களாக பெரும்பான்மையாக திமுகவினர் உள்ளனர். விவசாய சட்டத்துக்கு எதிராக தீர்மானம் இயற்றினால், அது பெரும் சட்ட சிக்கலில் கொண்டுபோய்விடும் என்பதால் அதிர்ச்சியடைந்தனர். மத்திய அரசு கொடுத்த அழுத்தத்தின் அடிப்படையில் எடப்பாடி அரசு, தமிழகம் முழுவதும் நடக்கயிருந்த கிராமசபை கூட்டத்தினை ரத்துசெய்ய சொல்லி உத்தரவிட, தலைமை செயலாளர் சண்முகம், கரோனாவை காரணம் காட்டி அக்டோபர் 1ஆம் தேதி கிராம சபைக்கூட்டம் நடத்தக்கூடாது ரத்து என மாவட்ட ஆட்சியர்களுக்கு தகவல் அனுப்பினார். இது ஊராட்சி மன்ற தலைவர்களுக்கு அறிவிக்கப்பட்டது.

 

இதனையறிந்து திமுக தலைவர் ஸ்டாலின் கடும் கோபமடைந்தார். கரோனாவை காரணம் காட்டி ஜனநாயகத்தை, கிராம ஊராட்சிகளின் உரிமைகளை பறிப்பது ஜனநாயக விரோதம். கிராம சபைக்கூட்டம் நடைபெறவில்லை என்றாலும், அக்டோபர் 2ஆம் தேதி மக்களை திமுக எம்.எல்.ஏக்கள், எம்.பிக்கள், நிர்வாகிகள் சந்திப்பார்கள் என அறிவித்தார்.

 

அதன்படி காந்தி பிறந்தநாளான அக்டோபர் 2ஆம் தேதி திமுக எம்.எல்.ஏக்கள், எம்.பிக்கள், முன்னாள் அமைச்சர்கள், மாவட்ட செயலாளர்கள், ஒவ்வொரு கிராமத்தை தேர்வு செய்து அங்கே கிராம சபைக்கூட்டம் நடத்தினர். அந்த கிராம சபைக்கூட்டத்தில், மத்தியில் ஆளும் மோடி அரசின் வேளாண் சட்டங்களை கண்டித்தும், அதற்கு ஆதரவு அளித்துவரும் எடப்பாடி அரசை கண்டித்தும் பேசினர்.

 

அரசின் தடையை மீறி கிராமசபை கூட்டம் நடந்துள்ளது பற்றி ஊரக வளர்ச்சித்துறை அதிகாரிகளிடம் கேட்டபோது, கிராமசபை கூட்டம் என்பது ஆண்டுக்கு நான்கு முறையும், மாதம்தோறும் ஊராட்சி மன்ற கூட்டமும் நடைபெறும். கிராம சபைக்கூட்டம் என்பது மிக முக்கியமானது. அங்கு இயற்றப்படும் தீர்மானங்கள் முக்கியமானது. அந்த கூட்டத்தில் ஊராட்சி மன்ற தலைவர் தலைமையில் நடந்தாலும், ஊராட்சி ஒன்றிய அலுவலக பணியாளர் ஒருவர் பார்வையாளராக சென்று கலந்து கொள்வார். ஊராட்சி செயலர் முன்னிலையில் நடைபெறும். அவர்கள் முன்னிலையில் இயற்றப்படும் தீர்மானம்மே முக்கியத்துவம் வாய்ந்தது.

 

ஆனால் அதேநேரத்தில் அக்டோபர் 2ஆம் தேதி நடைபெறவிருந்த கூட்டத்தை அரசாங்கம் ரத்து செய்துவிட்டது. அதனால் அந்த கூட்டங்களுக்கு ஊராட்சி செயலர், அதிகாரி என யாரும் செல்லவில்லை. ஆக கூட்டத்தில் தீர்மானம் எதுவும் நிறைவேற்ற முடியவில்லை. சில பஞ்சாயத்துகளில் தீர்மான நோட்களில் தீர்மானம் இயற்றி கையெழுத்திட்டுள்ளனர், ஆனாலும் அது செல்லாது என்றார்கள்.

 

மேலும் திமுக பிரமுகர்கள் கலந்துகொள்ளும் கிராமசபை கூட்டங்களுக்கு காவல்துறை அதிகாரிகள் சென்று கூட்டம் நடத்தக்கூடாது என மிரட்டியுள்ளனர். திருப்பத்தூர் மாவட்டம், ஆலங்காயம் ஒன்றியத்துக்கு உட்பட்ட கொத்தக்கோட்டை மற்றும் நிம்மியம்பட்டு கிராமத்தில் திமுக மாவட்ட செயலாளர் தேவராஜ் தலைமையில் கிராமசபை கூட்டம் நடந்துள்ளது. தடையை மீறி கூட்டம் நடத்தினால் கைது செய்வோம் என ஆலங்காயம் போலீஸார் சென்று மிரட்டியுள்ளனர். கைதுதானே செய்யப்போகிறீர்கள் செய்துக்கொள்ளுங்கள். ஆனால் எங்கள் தலைவர் ஸ்டாலின் உத்தரவிட்டதைப்போல், நாங்கள் மக்களை சந்திப்போம், நீங்கள் கைது செய்துக்கொள்ளுங்கள் எனக்கூறிவிட்டு, கூட்டத்தை தொடங்கி மத்திய, மாநில அரசுகளின் மக்கள் விரோத போக்கு, விவசாய சட்டம் எதிர்ப்பு குறித்து பேசத்தொடங்கினார் தேவராஜ். வந்துயிருந்த காவல்துறை அதிகாரிகள், கூட்டத்தை நடத்தியவர்கள், கலந்துகொண்டவர்கள் யார், யார் என பட்டியல் எடுத்துக்கொண்டு அங்கிருந்து சென்றனர்.

 

அக்டோபர் 1ஆம் தேதி காலை ஊராட்சி மன்ற தலைவர்களை போனில் தொடர்பு கொண்டு அந்தந்த காவல்நிலையத்தில் இருந்து போன் செய்து கூட்டம் நடத்தக்கூடாது, மீறி நடத்தினால் வழக்கு போடுவோம் என தெரிவித்துள்ளனர். அதனையும் மீறி திமுகவை சேர்ந்த ஊராட்சி மன்ற தலைவர்கள் கூட்டத்தை நடத்தியுள்ளனர் என்பது குறிப்பிடத்தக்கது.

 

 

 

Next Story

“மக்கள் எங்களோடு இருக்கிறார்கள்” - முதல்வர் மு.க.ஸ்டாலின் பெருமிதம்!

Published on 13/07/2024 | Edited on 13/07/2024
People are with us  Chief Minister M.K. Stalin  Pride

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்ததைத் தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். இந்தத் தேர்தலில் பதிவான வாக்குகள் இன்று (13.07.2024) எண்ணப்பட்டன. அதன்படி காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்டது. இதனையடுத்து 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாக தேர்தல் ஆணையம் அதிகாரப்பூர்வமாக அறிவித்தது. அதே வேளையில் பாமக வேட்பாளர் சி.அன்புமணி 56 ஆயிரத்து 26 வாக்குகளும், நாதக வேட்பாளர் அபிநயா 10 ஆயிரத்து 479 வாக்குகளும் பெற்றனர்.

இந்நிலையில் விக்கரவாண்டி தேர்தலில் திமுக வெற்றி பெற்றது தொடர்பாக முதல்வர் மு.க. ஸ்டாலின் வெளியிட்டுள்ள அறிக்கையில், “விக்கிரவாண்டி தொகுதி இடைத்தேர்தலில் திமுகவிற்கு மகத்தான மாபெரும் வெற்றியை வழங்கிய விக்கிரவாண்டி வாக்காளர்கள் அனைவருக்கும் எனது மனமார்ந்த நன்றியைத் தெரிவித்துக் கொள்கிறேன். நடைபெற்று முடிந்த நாடாளுமன்றத் தேர்தலில் புதுவை உள்ளிட்ட தமிழ்நாட்டின் நாற்பது தொகுதியிலும் நாற்பதுக்கு நாற்பது என்ற நூறு விழுக்காடு வெற்றியை திமுக தலைமையிலான இந்தியா கூட்டணி பெற்றது. சாதாரண வெற்றியல்ல, பல லட்சம் வாக்குகள் வித்தியாசத்தில் ஒவ்வொரு தொகுதியிலும் வெற்றியைப் பெற்றோம். அதிமுக கூட்டணி படுதோல்வியை அடைந்தது. பாஜக கூட்டணி, பாதாளத்தில் விழுந்தது. இதைத் தொடர்ந்து, விக்கிரவாண்டி இடைத்தேர்தலை எதிர்கொண்டோம். 

People are with us  Chief Minister M.K. Stalin  Pride

விக்கிரவாண்டித் தொகுதியின் சட்டமன்ற உறுப்பினராகப் பணியாற்றிய புகழேந்தி உடல்நிலை காரணமாக மறைவெய்தியதைத் தொடர்ந்து இடைத்தேர்தலை எதிர்கொள்ள வேண்டிய சூழல் ஏற்பட்டது. தேர்தல் தேதி அறிவிக்கப்பட்டதும், திமுகவின் வெற்றி வேட்பாளராக அன்னியூர் சிவாவை வேட்பாளராக அறிவித்தோம். நாடாளுமன்றத் தேர்தல் படுதோல்வியில் எழ முடியாமல் இருந்த அதிமுக, விக்கிரவாண்டி இடைத்தேர்தலிலும் அதே படுதோல்வியைச் சந்திக்கத்தான் போகிறோம் என்பதை உணர்ந்து போட்டியில் இருந்து பின்வாங்கியது. பாஜக, தனது அணியில் இருக்கும் பாமகவை நிறுத்தியது. இடைத்தேர்தலிலேயே நிற்பது இல்லை என்று வைராக்கியமாக இருந்த பாமக விக்கிரவாண்டி இடைத்தேர்தலில் போட்டியிட முன் வந்த மர்மம் இன்னமும் விலகவில்லை.

தோற்கப் போகிறோம் என்று தெரிந்தே போட்டியிட்டது பாஜக அணி. அவதூறுகளையும், பொய்களையும் திமுக மீதும் குறிப்பாக என் மீதும் விதைத்து. தங்களது 100 விழுக்காடு தோல்வியை மறைப்பதற்காக மிகக் கீழ்த்தரமான பரப்புரையை பாஜக அணி செய்தது. பொய்வேஷக்காரர்களின் பகல் வேஷப் பரப்புரையை மக்கள் மதிக்கவே இல்லை. இந்த வீணர்களை விக்கிரவாண்டி மக்கள் விரட்டியடித்து விட்டார்கள். தமிழ்நாட்டின் வளர்ச்சிக்கும், மக்களின் முன்னேற்றத்துக்கும் திமுகழகவே என்றும் எப்போதும் தேவை என்பதை இந்த இடைத்தேர்தலின் மூலமாக எடைபோட்டுச் சொன்ன விக்கிரவாண்டி வாக்காளர்கள் அனைவருக்கும் எனது மனமார்ந்த நன்றியைத் தெரிவித்துக் கொள்கிறேன். நேரகாலம் பார்க்காமல் உழைத்த உழைப்புக்கும், தினந்தோறும் உருவாக்கிக் கொடுத்த திட்டங்களுக்கும் மக்கள் தெரிவித்த நன்றியின் அடையாளமாகவே இந்த வெற்றியை நான் பார்க்கிறேன். 

People are with us  Chief Minister M.K. Stalin  Pride

திமுக வேட்பாளர் அன்னியூர் சிவாவை வெற்றி பெற வைக்க பொறுப்பேற்றுக் கொண்ட திமுக துணைப் பொதுச்செயலாளரும், அமைச்சருமான க.பொன்முடி, கழக கொள்கைப் பரப்புச் செயலாளரும், நாடாளுமன்ற உறுப்பினருமான எஸ்.ஜெகத்ரட்சகன் ஆகியோர் தலைமையில் அமைச்சர்கள், மாவட்டக் கழகச் செயலாளர்கள் உள்ளிட்ட அனைவரும் களம் கண்டார்கள். நாடாளுமன்ற உறுப்பினர்கள் - சட்டமன்ற உறுப்பினர்கள் மற்றும் பல்வேறு அமைப்புகளைச் சேர்ந்த கழக நிர்வாகிகள் என பலரும் களப்பணி ஆற்றினார்கள். பொதுச்செயலாளர் துரைமுருகன், இளைஞரணிச் செயலாளர் உதயநிதி உள்ளிட்ட முன்னணியினர் பலரும் தேர்தல் பரப்புரை செய்தார்கள். நமது இந்தியா கூட்டணிக் கட்சித் தலைவர்கள், தொடர்ந்து பரப்புரையில் ஈடுபட்டார்கள். இந்தியா கூட்டணிக் கட்சித் தலைவர்களுக்கும் உடன்பிறப்புகளும் தோழமைக் கட்சித் தோழர்களும், உதயசூரியனின் வெற்றிக்கு இரவு பகல் பாராது கண்துஞ்சாது உழைத்த அனைவருக்கும் எத்தனை முறை நன்றி சொன்னாலும் தகும். விழுப்புரம் தெற்கு மாவட்டக் கழகச் செயலாளர் பொன் கௌதமசிகாமணி உள்ளிட்ட ஒன்றுபட்ட விழுப்புரம் மாவட்டக் கழக நிர்வாகிகள் அனைவருக்கும் எனது பாராட்டைத் தெரிவித்துக் கொள்கிறேன்.

இதேநேரத்தில் இந்தியா முழுமைக்கும் பல்வேறு மாநிலங்களில் நடைபெற்ற 13 சட்டமன்றத் தொகுதிகளுக்கான இடைத்தேர்தலில் இந்தியா கூட்டணி கட்சிகள் 11 இடங்களில் முன்னணியில் இருக்கிறது. பாஜக தோல்வியைத் தழுவி இருக்கிறது. நாடாளுமன்றத் தேர்தலில் ஆட்சி அமைக்கும் பெரும்பான்மையைப் பெறாத கட்சி தான் பாஜக. இறங்கி வந்து சில கட்சிகளின் தயவால் மத்தியில் ஆட்சி அமைத்துள்ளது பாஜக. அத்தகைய தோல்வி முகமே பாஜகவுக்கு இந்த இடைத்தேர்தலிலும் தொடர்கிறது. தோல்விகளில் இருந்து பாஜக பாடம் கற்றுக் கொள்ளவேண்டும். மாநில உணர்வுகளை மதிக்காமல் ஆட்சியையும் கட்சியையும் நடத்த முடியாது என்பதை பாஜக இனியாவது உணர வேண்டும். தமிழ்நாட்டைப் பொறுத்தவரை 2019 ஆம் ஆண்டு முதல் திமுக தலைமையிலான இந்தியா கூட்டணியின் வெற்றி தொடர்கிறது. 

People are with us  Chief Minister M.K. Stalin  Pride

திமுக வரலாற்றின் பொன்னெழுத்துக்களால் பொறிக்கத்தக்க வெற்றியாக விக்கிரவாண்டி இடைத்தேர்தல் வெற்றியும் அமைந்துள்ளது. இந்த வெற்றியானது எங்களுக்கு மாபெரும் உற்சாகத்தையும், எழுச்சியையும், அதேசமயத்தில் கூடுதல் பொறுப்பையும் கொடுத்திருக்கிறது. நாள்தோறும் நல்ல பல திட்டங்கள் எனச் சாதனைகள் செய்து வரும் திமுக அரசின் சாதனைகளுக்கு மகுடம் சூட்டுவதாகவும் சாதனை வெற்றியாகவும் இது அமைந்துள்ளது. நாங்கள் எங்களது சாதனைப் பயணத்தையும் வெற்றிப் பயணத்தையும் தொடர்கிறோம். மக்களோடு இருக்கிறோம். மக்கள் எங்களோடு இருக்கிறார்கள்” எனத் தெரிவித்துள்ளார். 

Next Story

“இடைத்தேர்தல் முடிவுகளை ஏற்றுக்கொள்கிறோம்” - அன்புமணி!

Published on 13/07/2024 | Edited on 13/07/2024
We accept the by election results Anbumani 

விக்கிரவாண்டி சட்டமன்றத் தொகுதி திமுக எம்.எல்.ஏ புகழேந்தி உயிரிழந்ததைத் தொடர்ந்து அந்தத் தொகுதிக்குக் கடந்த 10 ஆம் தேதி இடைத்தேர்தல் நடைபெற்றது. இந்த இடைத்தேர்தலில் திமுக சார்பில் அன்னியூர் சிவா, நாம் தமிழர் கட்சி சார்பில் அபிநயா, பாஜக கூட்டணியில் உள்ள பாமக சார்பில் அக்கட்சியின் மாநிலத் துணைத் தலைவர் சி.அன்புமணி ஆகியோர் போட்டியிட்டனர். அதே சமயம் அதிமுக, தேமுதிக ஆகிய இருகட்சிகளும் இந்த இடைத்தேர்தலைப் புறக்கணித்திருந்தது. இந்தத் தேர்தலில் பதிவான வாக்குகள் இன்று (13.07.2024) எண்ணப்பட்டன. அதன்படி காலை 8 மணிக்கு வாக்கு எண்ணிக்கை தொடங்கிய நிலையில் முதலில் தபால் வாக்குகள் எண்ணப்பட்டது.

அதனைத் தொடர்ந்து மின்னணு வாக்குப்பதிவு இயந்திரத்தில் பதிவான வாக்குகள் எண்ணப்பட்டது. இந்நிலையில் 20 சுற்றுகள் முடிவில் திமுக வேட்பாளர் அன்னியூர் சிவா 1 லட்சத்து 24 ஆயிரத்து 53 வாக்குகள் பெற்று 67 ஆயிரத்து 757 வாக்குகள் வித்தியாசத்தில் வெற்றி பெற்றதாக தேர்தல் ஆணையம் அதிகாரப்பூர்வமாக அறிவித்தது. அதே வேளையில் பாமக வேட்பாளர் சி.அன்புமணி 56 ஆயிரத்து 26 வாக்குகளும், நாதக வேட்பாளர் அபிநயா 10 ஆயிரத்து 479 வாக்குகளும் பெற்றனர். இந்தத் தேர்தலில் நாம் தமிழர் கட்சி சார்பாக போட்டியிட்ட அபிநயா டெப்பாசிட்டை இழந்தார். இதனையடுத்து விக்கிரவாண்டி சட்டப்பேரவை தொகுதி இடைத்தேர்தலில் வெற்றி பெற்ற திமுக வேட்பாளர் அன்னியூர் சிவா வெற்றி பெற்றதற்கான சான்றிதழை தேர்தல் நடத்தும் அலுவலரிடம் இருந்து பெற்றுக்கொண்டார். 

We accept the by election results Anbumani 

இந்நிலையில் சென்னையில் பாமக தலைவர் அன்புமணி ராமதாஸ் செய்தியாளர்களை சந்தித்து பேட்டியளித்தார். அப்போது அவர் பேசுகையில், “அனைத்துக் கூட்டணிக் கட்சித்தலைவர்கள், குறிப்பாக பாமக நிர்வாகிகள் மற்றும் தொண்டர்களுக்கு நன்றியைத் தெரிவித்துக் கொள்கிறேன். பாமகவுக்கு வாக்களித்த அனைத்து வாக்காளர்களுக்கும் நன்றிகளை தெரிவித்துக்கொள்கிறோம். இந்த இடைத்தேர்தல் முடிவுகளை முழுமையாக ஏற்றுக்கொள்கிறோம். பணம் மற்றும் அதிகாரத்தை வைத்து திமுக பெற்ற வெற்றி உண்மையான வெற்றி அல்ல. இடைத்தேர்தலுக்காக சுமார் 200 கோடி ரூபாய்க்கும் அதிகமாக திமுக செலவிட்டுள்ளது.

பணம், பொருளை கொடுத்து பெறுவது வெற்றி அல்ல; ரூ.6 ஆயிரம் பணமும், ரூ.4 ஆயிரத்திற்கு பொருளும் திமுக கொடுத்திருக்கிறது. குறிப்பாக 3 தவணைகளாக வாக்காளர்களுக்கு திமுக பணத்தை கொடுத்துள்ளது. இத்தனை பொருட்கள் கொடுத்தது, பொதுமக்கள் அனைவருக்கும் தெரியும். ஆனால் தேர்தல் ஆணையத்திற்கு தெரியவில்லையா?. திமுகவுக்கும் சமூக நீதிக்கும் சம்பந்தம் கிடையாது. விக்கிரவாண்டி இடைத்தேர்தல் நேர்மையான முறையில் நடந்திருந்தால் திமுக டெபாசிட் இழந்திருக்கும். இந்த வெற்றி குறித்து தமிழக முதலமைச்சர் மு.க.ஸ்டாலின் பெருமைப்படுவதற்கு என்ன இருக்கிறது?” எனப் பேசினார்.