Skip to main content

எதிர்பார்த்த எதிர்க்கட்சிகள்! ட்விஸ்ட் வைத்த ஒன்றிய அரசு! 

Published on 22/09/2023 | Edited on 22/09/2023

 

Expected opposition parties! The Union government put a twist!

 

நாடாளுமன்றத் தேர்தலில் மோடி தலைமையிலான பா.ஜ.க. அரசை வீழ்த்த வேண்டும் என எதிர்க்கட்சிகள் கூட்டணி அமைத்து தீவிரமாகப் பணியாற்றி வரும் நிலையில், நாடாளுமன்றத்தின் சிறப்புக் கூட்டத்தைக் கூட்டினார் பிரதமர் மோடி. இந்த கூட்டம் 18-ந் தேதி தொடங்கி 22-ந் தேதி வரை நடக்க இருந்த நிலையில், ஒரு நாள் முன்னதாகவே அதாவது 21ம் தேதியே முடிவடைந்தது. 

 

நாடாளுமன்றத்தின் ஒரு கூட்டம் முடிந்து 6 மாதங்களுக்குப் பிறகே அடுத்த கூட்டம் அல்லது சிறப்புக் கூட்டம் கூட்டப்பட வேண்டும் என நாடாளுமன்ற விதிகள் சொல்லப்பட்டாலும், அசாதாரணமான சூழலில் சிறப்புக் கூட்டம் கூட்டுவதற்கு அனுமதிக்கப்படுகிறது. அந்த வகையில் நாடாளுமன்றத்தின் மழைக்கால கூட்டத் தொடர் முடிந்து ஒரு மாதமே கடந்த நிலையில், சிறப்புக் கூட்டம் நடப்பதுதான் எதிர்க்கட்சிகளை அதிர வைத்திருக்கிறது. எந்த ஒரு அசாதாரண சூழலும் நாட்டில் இல்லாதபோது சிறப்புக் கூட்டத்துக்கு அவசியம் என்ன? என்பதுதான் எதிர்க்கட்சிகளின் அதிர்ச்சிக்குக் காரணம்.

 

புதிய நாடாளுமன்றக் கட்டடத்தில் நடக்கும் இந்த சிறப்புக் கூட்டத்தில் பல்வேறு சட்ட மசோதாக்களை நிறைவேற்றத் திட்டமிட்டுள்ளது மோடி அரசு எனச் சொல்லப்பட்டது. குறிப்பாக, தலைமைத் தேர்தல் ஆணையத்தின் தலைமைத் தேர்தல் ஆணையர் மற்றும் ஆணையர்களை நியமிப்பது, பத்திரிகைகள் மற்றும் இதழ்கள் பதிவு செய்வது, வழக்கறிஞர்கள் நியமனம் உள்ளிட்ட சட்டத் திருத்த மசோதாக்கள் விவாதங்களுக்கு எடுத்துக் கொள்ளப்படவிருக்கின்றன எனப் பேசப்பட்டது.

 

இந்த சிறப்புக் கூட்டத்தில் சர்ச்சைக்குரிய மசோதாக்களைச் சத்தமின்றி நிறைவேற்ற மோடி அரசு திட்டமிட்டிருப்பதாக எதிர்க்கட்சிகள் சந்தேகிக்கும் நிலையில், சர்ச்சை மசோதாக்களைச் சூழல்களுக்கேற்ப ஒருங்கிணைந்து எதிர்க்க வேண்டும் என்று எதிர்க்கட்சிகள் தீர்மானித்தன.

 

இதுகுறித்து தி.மு.க. மற்றும் காங்கிரஸ் தரப்பில் நாம் விசாரித்தபோது, “எதிர்க்கட்சிகள் ஒன்றிணைந்து உருவாக்கியுள்ள இந்தியா கூட்டணியை எதிர்க்கத் துணிச்சல் இல்லாத பிரதமர் மோடி, ஒரே நாடு ஒரே தேர்தல் என்கிற சட்ட மசோதாவைக் கொண்டு வரலாம். ஆனால், உறுதியாக வெளிப்படையாக, நேர்மையாக இதனை பா.ஜ.க. வெளிப்படுத்தவில்லை. ஒருவேளை அதற்கான மசோதா தாக்கல் செய்யப்பட்டால் அதனைக் கடுமையாக எதிர்க்க வேண்டும் என இந்தியா கூட்டணி முடிவு செய்திருக்கிறது.

 

ஒரே நாடு ஒரே தேர்தல் குறித்த கருத்துருவை ஆராய, முன்னாள் குடியரசுத் தலைவர் ராம்நாத் கோவிந்த் தலைமையில் ஒரு குழு அமைக்கப்பட்டிருக்கிறது. அதன் ஆலோசனைக் கூட்டமே 23-ந் தேதிதான் நடக்கிறது. பல கட்ட ஆய்வுகளை நடத்திய பிறகே அந்த குழு தனது அறிக்கையைத் தாக்கல் செய்யும். குழுவின் அறிக்கை தாக்கல் செய்யப்படாதபோது, ஒரே நாடு ஒரே தேர்தல் சட்ட மசோதாவை இந்த சிறப்புக் கூட்டத்தில் கொண்டுவர மோடி துணியமாட்டார் என இந்தியா கூட்டணியின் தலைவர்கள் மத்தியில் பேச்சு இருந்தது. அதுபோலவே இந்தச் சிறப்புக் கூட்டத்தில் அந்த மசோதா தாக்கல் செய்யப்படவில்லை. 

 

அதேசமயம், தெலுங்கானா, ராஜஸ்தான், மத்தியப் பிரதேசம், சத்தீஸ்கர், மிசோரம் ஆகிய 5 மாநில சட்டப்பேரவைகளுக்கும் இந்தாண்டு டிசம்பர் மாதத்திற்குள் தேர்தலை நடத்த வேண்டும். எதிர்க்கட்சிகளின் கூட்டணி வலிமையாக இருப்பதால் இந்த 5 மாநில சட்டமன்றத் தேர்தலில் பா.ஜ.க. தோற்றுப்போக வாய்ப்புகள் அதிகம். மோடிக்கு கொடுக்கப்பட்டிருக்கும் உளவுத்துறை அறிக்கைகளும் இதனைத்தான் சொல்கிறதாம். ஐந்து மாநில சட்டமன்றத் தேர்தலில் பா.ஜ.க. அடி வாங்கினால் நாடாளுமன்றத் தேர்தலில் பாதிப்பை ஏற்படுத்தும் என உணர்ந்து, அந்த 5 மாநில தேர்தலையும் நாடாளுமன்றத் தேர்தலோடு இணைந்து நடத்துவதற்கான சட்ட மசோதாவைக் கொண்டு வர பா.ஜ.க. திட்டமிட்டுள்ளதாகப் பேசப்பட்டது. அப்படிக் கொண்டு வந்தால் அதனை எதிர்க்கட்சிகள் கடுமையாக எதிர்க்கும். மேலும், இந்தியாவின் பெயரைப் பாரதம் என மாற்றும் மசோதாவும் கொண்டு வரப்படலாம்” என திமுக மற்றும் காங்கிரஸ் எம்.பி.க்கள் வட்டாரத்தில் பேசப்பட்டது.

 

இதற்கிடையே, நாடாளுமன்றத்தின் சிறப்புக் கூட்டத்தை எதிர்கொள்வது குறித்து தி.மு.க. எம்.பி.க்களுடன் ஆலோசனை நடத்தினார் முதல்வர் மு.க. ஸ்டாலின். அப்போது, “இந்த கூட்டத்தொடரில் சனாதனம் பற்றி பா.ஜ.க. பேசினால் அதற்குச் சரியான முறையில் பதிலளிக்க வேண்டும். கவனமாகக் கையாளுங்கள்” என்று அறிவுறுத்தியிருந்தார் மு.க. ஸ்டாலின்.

 

அயோத்தியில் கட்டப்பட்டிருக்கும் ராமர் கோவிலை ஜனவரி 27-ந் தேதி மிக விமரிசையாகத் திறக்க பா.ஜ.க.வும் ஆர்.எஸ்.எஸ்.ஸும் திட்டமிட்டுள்ளன. இதில் கலந்துகொள்வதற்காக உலக நாடுகளின் முக்கிய தலைவர்கள் 125 பேரை இந்தியாவுக்கு அழைக்கத் திட்டமிட்டுள்ளனர். ராமர் கோவில் திறப்பு விழாவில் உலகத் தலைவர்களைக் கலந்துகொள்ள வைத்து இந்தியாவை ஆன்மீக பூமியாக உலகுக்கு அறிவிக்க வேண்டும் என்பதே உண்மையான நோக்கம்.

 

அதனால் ராமர் கோவில் திறப்பு குறித்தும் இந்த கூட்டத்தொடரில் பதிவு செய்யப்படலாம் என்றும் பேசப்பட்டன. நாடாளுமன்றத்தின் புதிய கட்டடத்தில் கூட்டப்படும் சிறப்புக் கூட்டத்தில் எதிர்க்கட்சிகளுக்கு பிரதமர் மோடி எந்த மாதிரியான அதிர்ச்சியைத் தரப் போகிறார் என்கிற எதிர்பார்ப்பில் இருந்தது இந்தியா கூட்டணி. 

 

ஆனால் யாரும் எதிர்பாராத விதமாக நாடாளுமன்றம் மற்றும் சட்டமன்றங்களில் பெண்களுக்கு 33% இட ஒதுக்கீட்டு மசோதாவைக் கொண்டுவந்து நிறைவேற்றியது மத்திய அரசு. இதற்கு அனைத்துக் கட்சியினரும் ஆதரவு தெரிவித்தபோதும், இது அரசியல் உள்நோக்கத்தோடு கொண்டு வந்த மசோதா. இந்த மசோதா தற்போது நிறைவேற்றப்பட்டிருந்தாலும், இதன் அடிப்படையில் வரவிருக்கும் 2024 நாடாளுமன்றத் தேர்தலுக்கோ அல்லது இந்த வருடம் இறுதியில் வரவிருக்கும் ஐந்து மாநிலத் தேர்தலுக்கோ இது பொருந்தாது எனத் தெரிவிக்கப்பட்டுள்ளது. குறிப்பாக 2024 நாடாளுமன்றத் தேர்தல் முடிந்து தொகுதி மறுவரையறை செய்த பிறகே இந்த இட ஒதுக்கீடு செயல்படுத்தப்படும் எனத் தெரிவிக்கப்பட்டுள்ளது. இதன் காரணமாக இந்தியா கூட்டணிக் கட்சியினர் இது அரசியல் உள்நோக்கத்தோடு கொண்டு வந்த மசோதா என்று தெரிவிக்கின்றனர். 

 

 

 

Next Story

இந்தியா கூட்டணி எம்.பி.க்கள் போராட்டம்!

Published on 24/06/2024 | Edited on 24/06/2024
India coalition MPs struggle

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதில் தேசிய ஜனநாயகக் கூட்டணியில் உள்ள பாஜக தனித்து 240 தொகுதிகளை மட்டுமே கைப்பற்றியிருந்தது. அதே சமயம் தொடர்ந்து 3வது முறையாக பாஜக ஆட்சி அமைத்தாலும் அடுத்த 5 ஆண்டுகளுக்குக் கூட்டணிக் கட்சிகளின் பிடியில் தான் ஆட்சி இருக்கப்போகிறது.

மேலும் பாஜக தலைமையிலான தேசிய ஜனநாயகக் கூட்டணி கூட்டணி அரசு மூன்றாவது முறையாகப் பொறுப்பேற்ற பின் முதல்முறையாக ஜுன் 24 ஆம் தேதி (24.06.2024) காலை 11 மணிக்கு நாடாளுமன்றம் கூடும் எனத் தெரிவிக்கப்பட்டிருந்து. இதனையடுத்து 18வது மக்களவையின் தற்காலிக சபாநாயகராக ஒடிசாவைச் சேர்ந்த பாஜக எம்பி பர்துஹரி மஹ்தாப்க்கு குடியரசுத் தலைவர் முர்மு பதவிப்பிரமாணம் செய்து வைத்தார். டெல்லியில் உள்ள குடியரசுத் தலைவர் மாளிகையில் குடியரசுத் தலைவர் திரௌபதி முர்மு பர்த்ருஹரி மஹ்தாபுக்கு பதவி பிரமாணம் செய்து வைத்தார். 

India coalition MPs struggle

இதற்கிடையே நாடாளுமன்ற வளாகத்தில் உள்ள பழைய நாடாளுமன்றக் கட்டடத்தின் முன் அமைந்துள்ள மகாத்மா காந்தி, டாக்டர் அம்பேத்கர் மற்றும் சத்ரபதி சிவாஜி ஆகியோரின் சிலைகள் அகற்றப்படுவதாகக் காங்கிரஸ் குற்றம் சாட்டியிருந்தது. இது குறித்து அரசு தரப்பில் தெரிவிக்கையில் நாடாளுமன்ற வளாகத்தில் தூய்மை மற்றும் புனரமைப்பு பணி மட்டுமே மேற்கொள்ளப்படுகிறது. தலைவர்களின் சிலைகள் ஏதும் அகற்றப்படவில்லை எனத் தெரிவிக்கப்பட்டிருந்தது. இந்நிலையில் 18 வது மக்களவையில் முதல் கூட்டத்தொடர் தொடங்கியது. மக்களவைக்குப் புதிதாகத் தேர்வு செய்யப்பட்ட எம்.பி.க்களுக்கு தற்காலிக சபாநாயகர் பர்த்ருஹரி மகதாப் பதவிப்பிரமாணம் செய்து வைக்கிறார். அதன்படி பிரதமர் மோடி மக்களவையில் எம்.பி.யாக உறுதிமொழி ஏற்றார்.

முன்னதாக நாடாளுமன்றத்தில் வளாகத்தில் அரசியலமைப்புச் சட்ட புத்தகத்தை ஏந்தி இந்தியா கூட்டணி கட்சியைத் சேர்ந்த எம்.பி.க்கள் போராட்டம் நடத்தினர். நாடாளுமன்ற வளாகத்தில் இருந்த காந்தி சிலையை இடம் மாற்றம் செய்ததைக் கண்டித்தும், அரசியல் அமைப்பு சட்டத்திற்கு எதிராக மத்திய அரசு செயல்படுவதாகவும் இந்தியா கூட்டணி குற்றம்சாட்டி போராட்டம் நடத்தினர். இந்தப் போராட்டத்தில் காங்கிரஸ் கட்சியின் மூத்த தலைவர் சோனியா காந்தி,  காங்கிரஸ் கட்சியின் தேசிய தலைவர் மல்லீகார்ஜூன கார்கே, ராகுல் காந்தி எம்.பி.,  திமுகவைச் சேர்ந்த கனிமொழி, டி.ஆர்.பாலு உள்ளிட்டோர் போராட்டத்தில் ஈடுபட்டனர். 

Next Story

“நாட்டின் வளர்ச்சிக்கு நிலையான ஆட்சி முக்கியம்” - பிரதமர் மோடி பேச்சு!

Published on 24/06/2024 | Edited on 24/06/2024
Stable governance is important for the development of the country  PM Modi speech

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றது. இதில் தேசிய ஜனநாயகக் கூட்டணியில் உள்ள பாஜக தனித்து 240 தொகுதிகளை மட்டுமே கைப்பற்றியிருந்தது. அதே சமயம் தொடர்ந்து 3வது முறையாக பாஜக ஆட்சி அமைத்தாலும் அடுத்த 5 ஆண்டுகளுக்குக் கூட்டணிக் கட்சிகளின் பிடியில் தான் ஆட்சி இருக்கப்போகிறது. இதற்கிடையே குடியரசுத் தலைவர் திரௌபதி முர்முவின் அறிவிப்பின்படி மக்களவையின் தற்காலிக சபாநாயகராக பர்த்ருஹரி மஹ்தப் நியமிக்கப்பட்டார். புதிதாகத் தேர்வு செய்யப்பட்ட எம்பிக்களுக்கு தற்காலிக சபாநாயகர் பதவிப் பிரமாணம் செய்து வைப்பார் எனவும், எம்பிக்கள் பதவியேற்ற பிறகு மக்களவையின் புதிய சபாநாயகருக்கான தேர்தல் நடைபெறும் எனவும் அறிவிப்பு வெளியாகி இருந்தது.

இத்தகைய சூழலில் தான் பாஜக தலைமையிலான தேசிய ஜனநாயகக் கூட்டணி கூட்டணி அரசு மூன்றாவது முறையாகப் பொறுப்பேற்ற பின் முதல்முறையாக இன்று (24.06.2024) காலை 11 மணிக்கு நாடாளுமன்றம் கூடுகிறது. இதன் மூலம் 18வது மக்களவையின் முதல் அமர்வு இன்று தொடங்குகிறது. இதனையொட்டி, புதிதாகத் தேர்ந்தெடுக்கப்பட்ட 280 எம்பிக்கள் இன்று பதவியேற்க உள்ளனர். மேலும் நாடாளுமன்ற கூட்டத் தொடரின் போது தற்காலிக சபாநாயகர் தேர்வு, நீட் தேர்வு முறைகேடு குறித்த பிரச்சனைகளை எழுப்ப எதிர்க்கட்சிகள் திட்டமிட்டுள்ளதாகவும் தகவல் வெளியாகி இருந்தது. 

Stable governance is important for the development of the country  PM Modi speech

இதனையடுத்து 18வது மக்களவையின் தற்காலிக சபாநாயகராக ஒடிசாவைச் சேர்ந்த பாஜக எம்பி பர்துஹரி மஹ்தாப்க்கு குடியரசுத் தலைவர் முர்மு பதவிப்பிரமாணம் செய்து வைத்தார். டெல்லியில் உள்ள குடியரசுத் தலைவர் மாளிகையில் குடியரசுத் தலைவர் திரௌபதி முர்மு பர்த்ருஹரி மஹ்தாபுக்கு பதவி பிரமாணம் செய்து வைத்தார். 8 முறை எம்பியாக இருக்கும் காங்கிரஸ் கட்சியின் கொடுக்குன்னில் சுரேஷ்க்கு பதிலாக 7 முறை எம்பியாக இருக்கும் பர்துஹரியை இப்பதவிக்கு நியமனம் செய்தததைக் கண்டித்து இந்தியா கூட்டணி எம்பிக்கள் பதவியேற்பு விழாவை புறக்கணித்தனர். இந்த விழாவில் குடியரசுத் துணைத் தலைவர் ஜெகதீப் தங்கர், பிரதமர் மோடி மற்றும் மத்திய அமைச்சர்கள் கலந்துகொண்டனர்.

இந்நிலையில் முதல் கூட்டத்தொடர் தொடங்குவதற்கு முன்னதாக பிரதமர் மோடி, நாடாளுமன்றத்திற்கு வந்தடைந்தார். அப்போது அவர் செய்தியாளர்களைச் சந்தித்து பேசினார். அதில், “நாடாளுமன்ற ஜனநாயகத்தில் இது ஒரு புகழ்பெற்ற நாள். சுதந்திரத்திற்குப் பிறகு முதல் முறையாக நமது சொந்த புதிய நாடாளுமன்ற கட்டடத்தில் பதவியேற்பு விழா நடக்கிறது.

Stable governance is important for the development of the country  PM Modi speech

இந்தக் குறிப்பிடத்தக்க நாளில் புதிதாக தேர்ந்தெடுக்கப்பட்ட அனைத்து எம்.பி.க்களுக்கும் நான் மனமார்ந்த வரவேற்பைத் தெரிவித்துக் கொள்கிறேன், அவர்களுக்கு நல்வாழ்த்துக்களையும் தெரிவித்துக் கொள்கிறேன். எங்களுடைய நோக்கம், செயல்பாடு ஆகியவற்றுக்காகவே 3 வது முறையாக மக்கள் வாய்ப்பளித்தனர். நாட்டுக்கு சேவை செய்யவும், 140 கோடி மக்களின் கனவை நனவாக்கவும் எம்.பி.க்கள் பாடுபட வேண்டும். நாட்டின் வளர்ச்சிக்கு நிலையான ஆட்சி முக்கியம்” எனத் தெரிவித்தார்.