திமுக அமைச்சரவையில் எட்டு முன்னாள் அதிமுக பிரமுகர்கள்...

நடந்து முடிந்த தமிழகச் சட்டமன்றத் தேர்தலில் திமுக கூட்டணி 159 சட்டமன்றத் தொகுதிகளைக் கைப்பற்றி அபார வெற்றிபெற்றது. இதில் திமுக 133 சட்டமன்றத் தொகுதிகளைக் கைப்பற்றியது. அதைத் தொடர்ந்து, நேற்று (05/05/2021) மாலை அண்ணா அறிவாலயத்தில் நடைபெற்ற திமுக சட்டமன்ற உறுப்பினர்களின் கூட்டத்தில் ஆட்சிமன்றக் குழு தலைவராக திமுக தலைவர் மு.க. ஸ்டாலின் ஒருமனதாகத் தேர்வு செய்யப்பட்டார்.

அதன் தொடர்ச்சியாக, நாளை (07/05/2021) காலை 09.00 மணியளவில் ஆளுநர் மாளிகையில் எளிமையாக நடைபெறும் பதவியேற்பு விழாவில், தமிழகத்தின் முதலமைச்சராக முதன்முறையாக மு.க. ஸ்டாலின் பதவியேற்கிறார். இந்நிலையில் திமுக அமைச்சரவை பட்டியலைத் தமிழக ஆளுநர் மாளிகை வெளியிட்டுள்ளது.

அதன்படி, முதல்வராகப் பொறுப்பேற்கும் ஸ்டாலின் தலைமையில் கீழ்- பொது, இந்திய ஆட்சிப்பணி, காவல்பணி, பொதுநிர்வாகம், உள்துறை, மாற்றுத்திறனாளிகள் நலன், சிறப்புத் திட்டச் செயலாக்கம், மாவட்ட வருவாய் அலுவலர்கள் இலாகா,

நீர்பாசனத்துறை - துரைமுருகன்,

நிதித்துறை - பழனிவேல் தியாகராஜன்,

உள்ளாட்சித்துறை - கே.என்.நேரு,

மின்சாரத்துறை - செந்தில் பாலாஜி.

சுகாதாரத்துறை - மா.சுப்ரமணியன்,

பொதுப்பணித்துறை - ஏ.வ.வேலு,

பள்ளிக்கல்வித்துறை - அன்பில் மகேஷ் பொய்யாமொழி,

கூட்டுறவுத்துறை - ஐ.பெரியசாமி,

உயர்கல்வித்துறை - பொன்முடி,

வீட்டுவசதித்துறை - முத்துசாமி,

சட்டத்துறை - ரகுபதி,

ஊரகத் தொழில்துறை - தா .மோ.அன்பரசன்,

செய்தி,விளம்பரத்துறை - மு.பெ.சாமிநாதன்,

மீன்வளத்துறை - அனிதா ராதாகிருஷ்ணன்,

போக்குவரத்துத்துறை - ராஜகண்ணப்பன்,

வனத்துறை - க.ராமச்சந்திரன்,

உணவுத்துறை - சக்ரபாணி,

தகவல் தொழில்நுட்பத்துறை - மனோ தங்கராஜன்,

சுற்றுலாத் துறை - மதிவேந்தன்,

ஆதிதிராவிடர் நலத்துறை - கயல்விழி செல்வராஜ்,

வருவாய்த்துறை - கே.கே.எஸ்.எஸ்.ஆர்.ராமச்சந்திரன்,

சுற்றுச்சூழல் துறை - வி.மெய்யநாதன்,

பால்வளம் - சா.மு.நாசர்,

அறநிலையத்துறை - சேகர்பாபு,

தொழில்துறை-தங்கம் தென்னரசு,

பிற்படுத்தப்பட்டோர் நலத்துறை - எஸ்.எஸ். சிவசங்கர்

வேளாண்துறை - எம்.ஆர்.கே.பன்னீர்செல்வம்,

ஊரகவளர்ச்சித்துறை - கே.ஆர்.பெரியகருப்பன்,

சமூக நலத்துறை - கீதாஜீவன்,

கைத்தறித்துறை - ஆர்.காந்தி,

வணிகவரித்துறை - பி.மூர்த்தி,

சிறுபான்மை நலத்துறை - கே.எஸ்.மஸ்தான்,

தொழிலாளர் நலத்துறை - சி.வி.கணேசன்.

இதில் எ.வ.வேலு, கே.கே.எஸ்.எஸ்.ஆர் ராமச்சந்திரன், எஸ்.ரகுபதி, முத்துசாமி, அனிதா ராதாகிருஷ்ணன், ராஜகண்ணப்பன், செந்தில் பாலாஜி, சேகர் பாபு ஆகியோர் இதற்கு முன்பு அதிமுகவை இருந்து பல்வேறு காலகட்டங்களில் திமுகவிற்கு வந்தவர்கள் என்பது குறிப்பிடத்தக்கது.