Skip to main content

பாலில் தங்கம் இருக்கிறதா..? மருத்துவர் ஷாலினி பதில்!

Published on 07/11/2019 | Edited on 08/11/2019

பாலில் தங்கம் இருப்பதாக சில தினங்களுக்கு முன் மேற்கு வங்கத்தை சேர்ந்த பாஜக தலைவர் திலீப் கோஷ் கருத்து தெரிவித்திருந்தார். மேலும் சில சர்ச்சையான கருத்துக்கள் சிலவற்றையும் அவர் தெரிவித்திருந்தார். இதுதொடர்பாக மனநல மருத்துவர் ஷாலினியிடம் நாம் கேள்விகளை முன்வைத்தோம். இதோ அவரின் அதிரடியான பதில்கள் வருமாறு,

மேற்கு வங்கத்தை சேர்ந்த பாஜக தலைவர் திலீப் கோஷ் என்பவர் மாட்டுக்கறி சாப்பிடுபவர்கள் ஏன் நாய் கறி சாப்பிட வேண்டிய தானே? என்று சில தினங்களுக்கு முன் தெரிவித்திருந்தார். இதுதொடர்பாக நீங்களும் கருத்து தெரிவித்திருந்தீர்கள். அவரின் இந்த கருத்தை எப்படி பார்க்கிறீர்கள்?

நிச்சயமாக அவர்கள் சொல்வதை அறிவியல் ரீதியாக ஏற்றுக்கொள்ள முடியாது. உயிர்கள் மீது பற்று இருப்பவர்களாக தங்களை வெளிகாட்டி கொள்பவர்கள் எல்லா உயிரினங்களையும் அப்படிதான் நினைக்க வேண்டும். ஆனால், மாட்டை உயர்வாகவும், நாயை தரம் குறைந்ததாக அவர்கள் பிரித்து பார்ப்பதை நாம் எளிதாக அறிந்து கொள்ள முடிகிறது. ஒவ்வொரு உயிருக்கும் ஒரு உணவுப்பழக்க வழக்கங்கள் இருக்கிறது. அதன்படிதான் அவைகளின் செயல்பாடுகள் இருக்கும். வாழ்க்கை முறைகள் அமைந்திருக்கும். புலி, மானை தான் வேட்டையாடி சாப்பிடும். புலி சிங்கத்தை வேட்டையாடி சாப்பிடாது. ஒரு மாமிச பட்சி மற்றொரு மாமிச பட்சியை சாப்பிடுவது மிகக்குறைவு. இதற்கான ஆய்வு கூட செய்திருக்கிறார்கள். ஒருவர் காட்டிற்கு சென்று அங்குள்ள மாமிச பட்சியின் உடலை சாப்பிட்டுள்ளார். சாப்பிட்டுவிட்டு மீண்டும் நகரத்திற்கு வந்துள்ளார். ஆனால், சில நாட்களிலேயே அவர் மரணமடைந்தார். அவர் மரணத்திற்கான காரணம் என்ன என்று ஆராய்ந்த போது, அவர் உடலில் வைட்டமின்கள் அளவு அளவுக்கு மிஞ்சிய நிலையில் இருந்ததே காரணம் என்று கண்டுப்பிடித்துள்ளார்கள். ஆக, மனித இனம் ஏற்றுக்கொள்ளும் வகையில், அவர்களின் உடலை பாதிக்காத உணவு வகைகளையே மனிதன் சாப்பிட வேண்டும்.

 

c



ஆனால், மேலை நாடுகளில் ஒன்றான சீனா போன்ற நாடுகளில் நாய், பூனை, பல்லி போன்ற உணவுகளை சாப்பிடுகிறார்களே?

அதற்கான காரணம் வேறு. அந்த நாடுகளில் அந்த காலகட்டங்களில் பசி பஞ்சம் உச்சத்தில் இருந்தது. ஆகையால் எந்த உணவு கிடைத்தாலும் போது என்ற மனநிலையில் அவர்கள் சாப்பிட்டார்கள். ஆகையால், இதுதான் அவர்களின் உணவு பழக்க வழக்கங்களுக்கான உண்மையான காரணம்.

அதே பாஜக தலைவர் பாலில் தங்கம் இருப்பாதாக கூறியிருப்பதை பற்றி உங்களின் கருத்து என்ன?

பாலில் தங்கம் இருப்பதாக ஒருவர் கூறுகிறார் என்றால் அவர் எவ்வளவு அறிவானவராக இருப்பார் என்பது நமக்கு புரிய வரும். பால் மஞ்சள் நிறமாக இருப்பதற்கு அதில் உள்ள அதிகப்படியான கொழுப்புதான் காரணம். அதைவிட அதிகமாக மனித பால் மஞ்சள் நிறமாக இருக்கும். ஆகையால் இது முட்டாள் தனமான வாதமாகவே இதனை பார்க்க வேண்டிய கட்டாயம் உள்ளது.

 

 

 

 

 

Next Story

“படித்து பட்டம் பெறுவதை விட பஞ்சர் கடை வைக்கலாம்” - பா.ஜ.க எம்.எல்.ஏவின் சர்ச்சை பேச்சு!

Published on 17/07/2024 | Edited on 17/07/2024
BJP MLA's controversial speech in madhya pradesh

நாட்டில் உயர்கல்வியை மேம்படுத்தும் வகையில் ‘பிரதமர் சிறப்புக் கல்லூரி’ என்ற திட்டம் செயல்பட்டு வருகிறது. ஒவ்வொரு மாநிலத்தில் நடைபெறும் இந்த திட்டத்தின் கீழ் நடைபெறும் நிகழ்ச்சியில் கலந்துகொண்ட பா.ஜ.க எம்.எல் ஏ ஒருவர், மாணவர்களிடம் பேசியது பெரும் சர்ச்சையை ஏற்படுத்தியுள்ளது. 

மத்தியப் பிரதேசம் மாநிலம், குணா மாவட்டத்தில் இந்த புதிய கல்லூரியில் திறப்பு விழா நடைபெற்றது. இந்த நிகழ்ச்சியில், அந்த தொகுதி பா.ஜ.க எம்.எல்.ஏ பன்னாலால் ஷக்யா கலந்துகொண்டு பேசினார். அப்போது அவர், “நாம் இன்று பிரதமர் சிறப்பு கல்லூரியைத் திறக்கிறோம். இந்தக் கல்லூரிப் பட்டங்களால் எதுவும் நடக்கப் போவதில்லை என்பதை மனதில் வைத்துக்கொள்ளுமாறு அனைவரையும் கேட்டுக்கொள்கிறேன்.

அதற்குப் பதிலாக, குறைந்த பட்சம் மோட்டார் சைக்கிளுக்கு பஞ்சர் பார்க்கும் கடையை வைத்தால் உங்கள் வாழ்வாதாரத்தை மேம்படுத்த உதவும்” என்று கூறினார். பா.ஜ.க எம்.எல்.ஏவின் இந்தச் சர்ச்சை பேச்சுக்கு காங்கிரஸ் உள்ளிட்ட பலரும் கண்டனம் தெரிவித்து வருகின்றனர். 

Next Story

'தமிழகம் உத்தரபிரதேசத்தை விட கீழே உள்ளது'- வானதி ஸ்ரீனிவாசன் விமர்சனம்

Published on 16/07/2024 | Edited on 16/07/2024
'Tamilnadu is below Uttar Pradesh'- Vanathi Srinivasan reviews

தமிழகத்தில் மின் கட்டண உயர்வு அறிவிக்கப்பட்டுள்ள நிலையில் இதற்கு எதிர்கட்சிகள் பலரும் தங்களது எதிர்ப்புகளையும், கண்டனங்களையும் தெரிவித்து வருகின்றனர்.

இந்நிலையில் செய்தியாளர்களைச் சந்தித்த பாஜக மூத்த நிர்வாகியும், கோவை சட்டமன்ற உறுப்பினருமான வானதி சீனிவாசன் பேசுகையில், ''சொத்து வரி உயர்வு, பத்திரப்பதிவு கட்டணம் உயர்வு, மின்சார கட்டணம் உயர்வு என்பது திரும்பத் திரும்ப குறிப்பாக நடுத்தர ஏழை மக்கள் மீது மிகப்பெரிய சுமையை தமிழகத்தை ஆட்சி செய்யும்  திமுக அரசு செய்து கொண்டிருக்கிறது. இந்த கட்டண உயர்வால் மின்சாரத் துறைக்கு 6000 கோடி ரூபாய் கூடுதல் வாரியாக கிடைக்கும் என சொல்கிறார்கள். ஆனால் இது முழுக்க முழுக்க எந்த விதத்தில் பாதிப்பை ஏற்படுத்துகிறது என்றால் குறிப்பாக போக்குவரத்தில் பாதிப்பை ஏற்படுத்தும். அத்தியாவசிய பொருட்களை கொண்டு வந்து சேர்க்கின்ற போக்குவரத்து கட்டணம் என்பது கடுமையாக உயரப்போகிறது. இவை மட்டுமல்லாமல் தொழில் நிறுவனங்களுக்கு ஏற்கனவே இருக்கின்ற சுமை போதாதென்று இப்போது இந்த மின் கட்டண உயர்வால் அவர்கள் உற்பத்தி செய்யக்கூடிய பொருட்களுடைய விளையும் உயரப்போகிறது.

பல்வேறு விதங்களில் மக்களை பாதிக்கக்கூடிய இந்த மின் கட்டண உயர்வை திரும்பப் பெற வேண்டும் என்பது பாஜகவின் கோரிக்கை. நிதிச் சுமை என சொல்லும் தமிழக அரசு, ஜிஎஸ்டி வரிவசூலில் உத்தரபிரதேசத்தை விட கீழே உள்ளது. தமிழகத்தின் நிதி நிலைமை உயர்த்த சர்வதேச அளவில் இருக்கக்கூடிய நிதி விற்பனர்களை எல்லாம் வைத்து கமிட்டி போடுகிறோம் என்று முதல் பட்ஜெட்டில் அறிவித்தார்கள். இதுவரைக்கும் சர்வதேச முக்கியஸ்தர்கள், விற்பனர்கள் என்ன இந்த அரசுக்கு வழிகாட்டுதல் கொடுத்திருக்கிறார்கள் என்று தெரியவில்லை. தமிழக அரசு தான் இந்தியாவிலேயே அதிகமாக கடன் வாங்கி இருக்கின்ற அரசு'' என்றார்.