Skip to main content

ஊரடங்கால் மன அழுத்தமா? கட்டணமில்லா ஆலோசனை வழங்க மருத்துவர்கள் தயார்! 

Published on 12/04/2020 | Edited on 12/04/2020

கரோனா வைரஸ் தொற்றுக்கு தடுப்பு மருந்துகள் இன்னும் கண்டுபிடிக்கப்படாத நிலையில், தனித்திருத்தலும், சமூக விலகலும் மட்டுமே இப்போதைக்கு வைரஸ் பரவலில் இருந்து காத்துக் கொள்வதற்கான வழிமுறைகளாக சொல்லப்பட்டு உள்ளன. இன்றைய நிலையில், மலேரியா பாதிப்பில் இருந்து மீள்வதற்கு வழங்கப்படும் ஹைட்ராக்ஸிகுளோரோகுயின் மாத்திரை, கரோனா வைரஸ் தொற்றில் இருந்து ஓரளவு மீட்க உதவுகிறது என்பது மட்டும்தான், இப்போதைக்கு நமக்குக் கிடைத்திருக்கும் ஒரே ஆறுதல் செய்தி.

இது ஒருபுறம் இருக்க, திரையரங்குகள், வணிக வளாகங்கள், பூங்கா, கடற்கரைகள் என பொழுதுபோக்கிய மக்களுக்கு தற்போதைய ஊரடங்கு உத்தரவு, அவர்களை சொந்த வீட்டுக்குள்ளேயே கைதி போன்ற மனநிலையை ஏற்படுத்தி இருக்கிறது. 'ஒர்கஹாலிக்' எனப்படும் பணியிடங்களிலேயே மூழ்கியவர்களுக்கு இந்த வீடடங்கல், கடும் மன உளைச்சலையும் ஏற்படுத்தி வருகிறது.

 Is curfew stress? Doctors are ready to provide free consultation!

ஊரடங்கு உத்தரவினால் பெரிதும் மனச்சோர்வுக்கு ஆளாகி இருப்பது உலகளவில் ஆண்களைக் காட்டிலும் பெண்கள்தான் என சில நாள்களுக்கு முன்பு, கவலை தெரிவித்து இருக்கிறார் ஐ.நா. பொதுச்செயலாளர் அன்டோனியா கட்டரெஸ். சீனா, அமெரிக்கா, ஆஸ்திரேலியோ நாடுகளில் குடும்ப வன்முறைகள் பெருகி இருக்கின்றன. 

இந்தியாவில், நம்ம ஊரிலும்கூட, 'எப்போது சார்... இந்த கரோனா ஊரடங்கு முடிவுக்கு வரும்? வீட்டில் அவரோடு மல்லுக்கட்ட முடியல. குழந்தைகளைக் கூட பார்த்துக்கலாம் போலருக்கு. அவரை வைத்து சமாளிக்க முடியல,' என கணவர்களால் ஏற்பட்ட மன உளைச்சலைப் பற்றி பேசி வருகிறார்கள் பெண்கள். 

இது இப்படி இருக்க, ஏப். 11ம் தேதி நிலவரப்படி, தமிழகத்தில் கரோனா பாதிப்பினால் உயிரிழந்தவர்கள் எண்ணிக்கை 9 ஆக இருக்க, டாஸ்மாக் மதுக்கடைகள் மூடப்பட்டதால் குடிக்கு அடிமையாகி தற்கொலை செய்து கொண்டவர்கள், ஆல்கஹாலுக்கு பதிலாக வார்னீஷ், சானிடைஸர் லோஷன் ஆகியவற்றை நீரில் கலந்து குடித்து உயிரிழந்தவர்கள் பத்துக்கும் மேற்பட்டவர்கள் என்கிறது காவல்துறை புள்ளிவிவரம். 

மதுரையில், ஊரடங்கால் வீட்டுக்குள்ளேயே முடங்கிய இளைஞர் ஒருவர் விரக்தியில் சாலையில் நடந்து சென்ற மூதாட்டி ஒருவரை கடித்தே கொன்ற சம்பவமும், வீட்டுக்குள் முடங்கிக் கிடந்த மற்றொருவர் மன அழுத்தத்தால் தூக்கிட்டு தற்கொலை செய்து கொண்ட சம்பவமும் நடந்துள்ளது. 

சமூகத்தில் பலருடைய மன அழுத்தத்திற்கு பல்வேறு காரணங்கள் இருப்பினும் அவர்கள் அங்கீகாரத்திற்காக ஏங்குவதும்; அல்லது, அவர்களுடைய பிரச்னைகளை கேட்பதற்கு ஆள் இல்லாமல் போவதும்கூட முக்கிய காரணங்களாக சொல்லலாம். பாதிக்கப்பட்டவர்கள் தங்கள் மனக்குமுறல்களை ஒருவரிடம் கொட்டித் தீர்த்து விட்டாலே அவர்களின மனச்சுமை பாதியாக குறைந்து விடுகிறது. 

இந்நிலையில்தான், ஊரடங்கினால் மன அழுத்தத்திற்கு ஆளானவர்களுக்கு மற்றும் மதுவினால் தடம் புரண்டவர்களுக்கு இலவச ஆலோசனை வழங்குவதற்கான முன்னெடுப்புகளை 'நக்கீரன்' சார்பில் மேற்கொண்டோம். சேலத்தில், இலவசமாக மொபைல் போன் மூலமாக மனநல ஆலோசனை வழங்க சில மருத்துவர்கள், மன ஆலோசகர்களிடம் கேட்டோம். இதையறிந்த தோல் மருத்துவர் மேஜர் கனகராஜ், அவருடைய நண்பர்கள் இருவரை நம்மிடம் பரிந்துரை செய்தார். ஒருவர், மருத்துவர் பிரதீப். மற்றொருவர், மருத்துவர் தனராஜ் சேகர்.

சேலம் அஸ்தம்பட்டியைச் சேர்ந்த மருத்துவர் தனராஜ் சேகர், ஈரோடு அரசு மருத்துவமனையில் பணியாற்றி வருகிறார். அவரை தினமும் பகல் 12 மணி முதல் இரவு 8 மணி வரை தொடர்பு கொண்டு மன அழுத்தம், மனச்சோர்வு உள்ளிட்ட பிரச்னைகளுக்கு இலவசமாக ஆலோசனை பெறலாம். அவரை, 97517 83771 என்ற செல்போன் எண்ணில் தொடர்பு கொள்ளலாம்.

சேலம் தரண் மருத்துவமனையில் பணியாற்றி வரும் மருத்துவர் பிரதீப்பிடம் ஆலோசனை பெற விரும்புவோர், காலை 10 மணி முதல் மதியம் 1 மணி வரை தொடர்பு கொள்ளலாம். அவரை 88723 77927 என்ற செல்போன் எண்ணில் அழைக்கலாம்.

இவர்களுடன், சேலம் பெத்தநாயக்கன்பாளையத்தைச் சேர்ந்த மனநல ஆலோசகர் விஜயும் இணைந்திருக்கிறார். இவர், தற்போது ஈரோடு அரசு மருத்துவமனையில் மனநல ஆலோசகராக பணியாற்றி வருகிறார். விஜயை, தினமும் இரவு 8 மணி முதல் 9 மணி வரை, 95002 12178 தொடர்பு கொள்ளலாம். 

மன அழுத்தத்திற்கு ஆளானவர்கள், குடிபோதையில் இருந்து மீள விரும்புவோர் ஊரடங்கு உத்தரவு அமலில் உள்ள வரை மேற்குறிப்பிட்ட தன்னார்வ மருத்துவர்கள், மனநல ஆலோசகர்களை அவர்களுடைய செல்போன் எண்களில் தொடர்பு கொண்டு ஆலோசனைகளை பெறலாம். தடை உத்தரவு அமலில் இருக்கும் காலம் வரை மட்டுமே இந்த இலவச சேவை தொடரும் என்றும் அவர்கள் தெரிவித்து உள்ளனர். 
 

 

Next Story

புனே சொகுசு கார் விபத்து; சிறுவனைக் காப்பாற்ற அடுத்தடுத்து அரங்கேறும் தில்லுமுல்லு!

Published on 27/05/2024 | Edited on 27/05/2024
Incident happened to save the boy at Pune luxury car accident

மகாராஷ்டிரா மாநிலம், புனேவில் உள்ள கல்யாணி நகர் பகுதியைச் சேர்ந்த வேந்தாந்த் அகர்வால் என்ற 17 வயது சிறுவன், கடந்த 19ஆம் தேதி அதிகாலை 3 மணியளவில் தனது நண்பர்களுடன், தனியார் ஹோட்டலில் மது அருந்திவிட்டு தனது தந்தையின் சொகுசு வாகனத்தில் அதிவேகமாக வந்து முன்னே சென்ற பைக் மீது மோதினார். இந்த கோர விபத்தில், பைக்கில் பயணித்த ஐ.டி ஊழியர்களான அனுஷ் மற்றும் கோஷ்டா ஆகிய 2 பேரும் ரத்த வெள்ளத்தில் சம்பவ இடத்திலேயே பரிதாபமாக உயிரிழந்தனர். இதனைக் கண்ட அங்கிருந்தவர்கள், விபத்தை ஏற்படுத்திய சிறுவன் வேந்தாந்த் அகர்வாலைப் பிடித்து வைத்து போலீசாருக்கு தகவல் கொடுத்தனர். தகவல் அறிந்து விரைந்து வந்த போலீசார், வேந்தாந்த் அகர்வாலைக் கைது செய்து விசாரணை நடத்தினர்.

இதனையடுத்து, கைது செய்யப்பட்ட வேந்தாந்த் அகர்வாலைக் காவல் நிலையத்திற்கு அழைத்துச் சென்று பீட்சா, பிரியாணி வழங்கப்பட்டதாகக் கூறப்படுகிறது. இது தொடர்பான புகைப்படங்கள் சமூக வலைத்தளங்களில் வெளியாகி பெரும் சர்ச்சையை ஏற்படுத்தியது. இதனையடுத்து, 20ஆம் தேதி சிறார் தொடர்பான குற்றங்களை விசாரிக்கும் சிறப்பு  நீதிமன்றத்தில் வேதாந்த் அகர்வால் ஆஜர்படுத்தப்பட்டார். அங்கு அவரை விசாரித்த நீதிமன்றம், அவருக்குச் சம்பவம் நடந்த 15 மணி நேரத்தில் ஜாமீன் வழங்கியது. விபத்தை ஏற்படுத்தி ஐ.டி ஊழியர்கள் உயிரிழந்த சம்பவத்திற்கு, சிறுவனுக்கு உடனடியாக ஜாமீன் வழங்கியது கடும் விமர்சனங்கள் எழுந்தது.

தொடர் விமர்சனங்களின் விளைவாக, அந்தச் சிறுவனுக்கு அளிக்கப்பட்ட ஜாமீன் ரத்து செய்யப்பட்டு சிறார் முகாமில் அடைக்கப்பட்டார். இதனையடுத்து, இந்தச் சம்பவம் தொடர்பாக, போலீசார் சிறுவனின் தந்தையும் ரியல் எஸ்டேட் தொழிலதிபரான விஷால் அகர்வாலைக் கைது செய்து சிறையில் அடைத்தனர். இதற்கிடையே, சிறுவன் வேந்தாந்த் அகர்வாலுக்கு மது வழங்கியதற்காக ஹோட்டல் உரிமையாளர் மற்றும் மேலாளர்கள் உட்பட 3 பேரை போலீசார் கைது செய்து விசாரணை நடத்தி வருகின்றனர். மேலும், குடும்ப கார் ஓட்டுநரான கங்காராமை மிரட்டி, கார் விபத்து பழியை ஏற்குமாறு வற்புறுத்தியதாக கூறப்பட்ட குற்றச்சாட்டின் அடிப்படையில், சிறுவன் வேந்தாந்த் அகர்வாலின் தாத்தா சுரேந்திரா அகர்வாலை போலீசார் கைது செய்தனர். 

இந்த நிலையில், சிறுவனை காப்பாற்ற அவனது ரத்த பரிசோதனை அறிக்கையை மாற்றி கொடுக்க தொழிலதிபர் குடும்பம் தங்களது பணபலத்தை பயன்படுத்தி உள்ளதாக தகவல் வெளியாகியுள்ளது. விபத்து தொடர்பான விசாரணையில், சிறுவன் மது அருந்தியதை உறுதி செய்ய புனேவில் உள்ள அரசு மருத்துவமனையான சசூன் மருத்துவமனைக்கு சிறுவன் ரத்த பரிசோதனைக்கு அழைத்துச் செல்லப்பட்டான். ஆனால், அந்த அறிக்கையில், சிறுவன் மது அருந்தவில்லை என அதிர்ச்சியூட்டும் விவரங்கள் வெளியானது. 

இது தொடர்பாக போலீசார் நடத்திய விசாரணையில், சிறுவனை காப்பாற்ற அவனது குடும்பம், தங்களது பணபலத்தை பயன்படுத்தி, தடயவியல் மருத்துவர்களான அஜய் தவாடே மற்றும் ஹரி ஹர்னூர் ஆகியோரிடம் அறிக்கையை மாற்றி கொடுக்கும்படி கூறியதாக தகவல் வெளியாகியுள்ளது. அதன் அடிப்படையில், அறிக்கையை மாற்றி கொடுத்து மோசடி செய்த இரண்டு மருத்துவர்களையும் குற்றப்பிரிவு போலீசார் கைது செய்துள்ளனர்.  

Next Story

மியாவாக்கி முறையில் மரக்கன்றுகள் நடவு; சிவகாசி மருத்துவர்கள் நல்கிய உடலுழைப்பு!

Published on 11/11/2023 | Edited on 11/11/2023

 

Doctors planting saplings in the Miyawaki method

 

இந்த உலகம் எதனால் யாரால் வாழ்கிறது என்றால், தனக்கென வாழாது பிறருக்கென வாழும் ஒரு சிலரால்தான் என மூதோர் கூறியுள்ளனர். தனக்கென வாழாமல் பிறருக்கென வாழ்தலே பிறப்பின் இன்பம் என்பதை அவ்வப்போது யாரோ செய்யும் சேவைகளின் மூலம் பார்த்திருப்போம். சிவகாசியிலும் அப்படியொரு சேவையில் பல மருத்துவர்கள் தங்களை ஈடுபடுத்திக் கொண்டனர். ஆனால், அது மருத்துவ சேவையல்ல. சேற்றிலும் சகதியிலும் இறங்கி இரண்டரை மணி நேரத்துக்கும் மேலாக உடலுழைப்பை நல்கிய சேவை அது.  

 

சிவகாசி பெரியகுளம் கண்மாயின் வடமேற்கு கரையில், கழிவுநீர் தேக்கக்குட்டை கரையில், மியாவாக்கி முறையில் சுமார் ஆயிரம் மரக்கன்றுகள் நடுவது, சிவகாசி மருத்துவர்கள் அனைவரது பங்களிப்போடு நடந்தது. அவசர சிகிச்சை, அறுவை சிகிச்சை என எப்போதும் பரபரப்பாக இயங்கும் மருத்துவர்கள், ஆர்வத்துடன் மரக்கன்றுகளை  நடவு செய்து வியப்பில் ஆழ்த்தினர்.   

 

Doctors planting saplings in the Miyawaki method

 

இச்சேவையில் டாக்டர்களான சுப்புராஜ், ரகுநாதன், கதிரவன், பாலசுப்பிரமணியன், சோலைக்குமார், ரத்தினம், சண்முகராஜ், ராஜேஷ் தர்க்கர், மணிகண்டன், பரத், சுதா மற்றும் பல பெண் மருத்துவர்கள் முனைப்புடன் ஈடுபட்டனர்.  பொதுவாக, இதுபோன்ற நிகழ்வுகளின்போது போட்டோவுக்கு போஸ் கொடுத்துவிட்டுச் சென்றுவிடுவார்கள். சிவகாசி மருத்துவர்களோ, பெரிய அளவில் பணியாளர்களே இல்லாமல் தாங்களே பணியாளர்களாக மாறி செயல்பட்டனர். நமது சமுதாயத்தில் சமூக சேவையின் அவசியம் பலவழிகளிலும் வலியுறுத்தப்படுகிறது. 

 

மியாவாக்கி: நகரங்களில் காலியாக இருக்கும் பகுதிகளில் அல்லது வீடுகளின் பின்புறங்களில் உள்ளூர் மரங்களையும் அவற்றின் விதைகளையும் கொண்டு குறுங்காடுகளை உருவாக்குவதே மியாவாக்கி முறையாகும். குறைந்த அளவுள்ள இடத்தில் அதிக மரங்களை நடுவதன் மூலம், சூரிய ஒளியைத் தேடி அவை உயரமாக வளரும் என்பதே இதன் அடிப்படை ஆகும்.