Breaking

ஊரடங்கை 3 வகையில் நீட்டிக்க தமிழக அரசின் புதிய திட்டம் ?

Photographer

Published on 12/04/2020 | Edited on 12/04/2020

தமிழகத்தில் 34 மாவட்டங்கள் கரானோ தொற்றால் பாதிக்கப்பட்டுள்ளன. பாதிக்கப்பட்டுள்ள மாவட்டங்களை 3 மண்டலங்களாகப் பிரித்திருக்கிறது எடப்பாடி பழனிச்சாமி தலைமையிலான தமிழக அரசு. 20 நபர்களுக்கும் அதிகமான எண்ணிக்கையில் உள்ள மாவட்டங்களை முதல் நிலையிலும், 10 முதல் 20 எண்ணிக்கையில் உள்ள மாவட்டங்களை இரண்டாவது நிலையிலும், 1 முதல் 10 வரை எண்ணிக்கையிலுள்ள மாவட்டங்களை மூன்றாம் நிலையிலும் என 3 பிரிவுகளாகப் பிரித்துள்ளனர்.

இதில் முதல் நிலை மாவட்டங்களுக்கு சிவப்பு நிறம், இரண்டாம் நிலை மாவட்டங்களுக்கு அடர் மஞ்சள் நிறம், மூன்றாம் நிலை மாவட்டங்களுக்கு மஞ்சள் நிறம் என 3 வகையான நிறங்களில் பாதிக்கப்பட்ட மண்டலங்களை வகைப்படுத்தியிருக்கிறார்கள்.

சிவப்பு நிற மண்டலத்தில் சென்னை, கோவை, ஈரோடு, நெல்லை, திண்டுக்கல், நாமக்கல், செங்கல்பட்டு, தேனி, திருச்சி, ராணிப்பேட்டை, திருவள்ளூர், திருப்பூர், மதுரை, தூத்துக்குடி, நாகை, கரூர், விழுப்புரம் ஆகிய 17 மாவட்டங்கள் அடங்கியுள்ளன. அடர் மஞ்சள் நிற மண்டலத்தில் திருப்பத்தூர், கடலூர், கன்யாகுமரி, சேலம், திருவாரூர், விருதுநகர், தஞ்சாவூர், திருவண்ணாமலை, வேலூர் ஆகிய 9 மாவட்டங்களும், மஞ்சள் நிற மண்டலத்தில் நீலகிரி, காஞ்சிபுரம், சிவகங்கை, தென்காசி, கள்ளக்குறிச்சி, ராமநாதபுரம், அரியலூர், பெரம்பலூர் ஆகிய 8 மாவட்டங்களும் அடங்கும்.

ஏப்ரல் 14-ந்தேதியோடு முடிவடையும் ஊரடங்கையும் 144 தடை உத்தரவையும் நீட்டிக்கும் முடிவில் இருக்கிறது எடப்பாடி அரசு. அதேசமயம், மத்திய அரசின் முடிவுகளுக்கேற்ப அதனை அமைத்துக்கொள்ள அமைச்சரவையின் ஒப்புதலையும் பெற்றிருக்கிறார் முதல்வர் எடப்பாடி! இந்த நிலையில், கரோனா தொற்று பாதிக்கப்பட்டுள்ள மாவட்டங்களை 3 மண்டலங்களாக பிரித்திருக்கும் எடப்பாடி அரசுக்கு, முதல் நிலையில் உள்ள மாவட்டங்களில் முழுமையான ஊரடங்கை மேலும் 3 வாரங்களுக்கு நீட்டிக்கவும், இரண்டாம் நிலையிலுள்ள மாவட்டங்களில் முழுமையான ஊரடங்கில் கொஞ்சம் தளர்வு செய்து அத்யாவசிய தொழில் நிறுவனங்களை துவங்குவதற்கான அனுமதியையும், மூன்றாம் நிலையிலுள்ள மாவட்டங்களில் கொரோனா வைரஸ் பாதிக்கப்பட்ட பகுதிகளில் மட்டும் முழுமையான ஊரடங்கையும் மற்ற பகுதிகளில் ஊரடங்கை விலக்கிக் கொள்ளவும் என 3 வகையான நிலைப்பாட்டினை எடுக்க அரசுக்கு சுகாதாரத்துறை பரிந்துரைத்திருக்கிறது. இதனை எடப்பாடி அரசு ஏற்றுக்கொண்டாலும், மத்திய அரசிடமிருந்து வருகிற உத்தரவுகளுக்கேற்பவே முடிவுகள் எடுக்கப்படும் என்கிறார்கள் தமிழக சுகாதாரத் துறையினர்.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 02/01/2024 | Edited on 02/01/2024

Slightly less corona spread; Information from Union Ministry of Health

கடந்த 2019 ஆம் ஆண்டு சீனாவிலிருந்து பரவிய கொரோனா நோய்த் தொற்று உலகமெங்கும் பெருந்தொற்றாக மாறி பெரும் பாதிப்பை ஏற்படுத்தியிருந்தது. இந்த நோய்த் தொற்றால் உலகமெங்கும் ஏராளமானோர் பலியானார்கள். அதன் பின்பு, கடுமையான கொரோனா கட்டுப்பாடுகள், மாஸ்க், தடுப்பூசி போன்ற முயற்சிகளால் கொரோனா பாதிப்பு கட்டுக்குள் வந்தது.

இந்த நிலையில், இந்தியாவில் மீண்டும் கொரோனா பரவல் அதிகரித்துள்ளது. குறிப்பாக புதிய வகை கொரோனாவான ஜேஎன் 1 கொரோனா தொற்று பாதிப்பு நாளுக்கு நாள் அதிகரிக்கத் தொடங்கியுள்ளன. அதில் இந்தியாவில் மட்டும் கடந்த மாதம் 479 பேர் கொரோனா தொற்றால் பாதிக்கப்பட்டிருந்தனர். இந்நிலையில், கடந்த மாதத்தின் (டிசம்பர்) முதல் 8 நாட்களில் மட்டும் 825 பேருக்கு கொரோனா தொற்று உறுதி செய்யப்பட்டுள்ளது. மேலும், கொரோனா தொற்றால் பாதிக்கப்படுபவர்களில் 90% பேர் கேரளா மாநிலத்தைச் சேர்ந்தவர்கள் எனத் தகவல்கள் வெளியாகியுள்ளன. தொற்று பரவலைக் கட்டுப்படுத்த கேரளா மட்டுமல்லாது மற்ற மாநில அரசுகளும் பல்வேறு நடவடிக்கைகளை எடுத்து வருகிறது.

இதனைத் தொடர்ந்து, இந்தியாவில் 423ஆக இருந்த கொரோனா பாதிப்பு கடந்த 23 ஆம் தேதி 752ஆக அதிகரித்திருந்தது. அதன்படி, இந்தியாவில் மட்டும் மொத்த பாதிப்பு எண்ணிக்கை 2,997இல் இருந்து 3,240ஆக அதிகரித்தது. இதில் கேரளாவில் மட்டும் கடந்த 24 மணி நேரத்தில் அதிகபட்சமாக 565 பேர் கொரோனா தொற்றால் பாதிப்படைந்துள்ளதாக மத்திய சுகாதாரத்துறை அமைச்சகம் தெரிவித்திருந்தது. மேலும், இந்தியாவில் மட்டும் ஒரே நாளில் 7 பேர் உயிரிழந்துள்ளதாக அதிர்ச்சி தகவல் வெளியாகியிருந்தது.

இதையடுத்து, கடந்த டிசம்பர் மாதம் 29 ஆம் தேதி, இந்தியாவில் ஒரே நாளில் புதிதாக 797 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்தது. அதே சமயம், ஒரே நாளில் கேரளாவில் 2 பேர், மகாராஷ்டிரா, தமிழகம் மற்றும் புதுச்சேரியில் தலா ஒருவர் என மொத்தம் 5 பேர் கொரோனா பாதிப்பால் உயிரிழந்துள்ளனர் என அதிர்ச்சி தகவல் வெளியாகியிருந்தது. அதேபோல், கடந்த டிசம்பர் மாதம் 31 ஆம் தேதி வரையிலான 24 மணி நேரத்தில் 841 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதார அமைச்சகம் தெரிவித்தது. மேலும், ஒரே நாளில் கொரோனா பாதிப்பு காரணமாக கேரளா, கர்நாடகா, பீகார் ஆகிய மாநிலங்களில் தலா ஒருவர் என மொத்தம் 3 பேர் உயிரிழந்துள்ளதாகவும் தெரிவித்தது.

இந்த நிலையில், நாடு முழுவதும் கொரோனா பாதிப்பு சற்று குறைந்துள்ளதாக மத்திய சுகாதார அமைச்சகம் தெரிவித்துள்ளது. அதில் நேற்று முன்தினம் (31-12-23) 841 ஆக இருந்த கொரோனா தொற்று நேற்று (01-01-24) 636 ஆக குறைந்திருக்கிறது என்று தெரிவித்துள்ளது. இந்தியாவில் இதுவரை கொரோனாவால் பாதிக்கப்பட்டவர்களின் எண்ணிக்கை 4.5 கோடியை தாண்டியுள்ளதாகவும், நாடு முழுவதும் இதுவரை 5.33 லட்சம் பேர் கொரோனாவால் உயிரிழந்துள்ளனர் என்பது குறிப்பிடத்தக்கது.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 01/01/2024 | Edited on 01/01/2024

கடந்த 2019 ஆம் ஆண்டு சீனாவிலிருந்து பரவிய கொரோனா நோய்த் தொற்று உலகமெங்கும் பெருந்தொற்றாக மாறி பெரும் பாதிப்பை ஏற்படுத்தியிருந்தது. இந்த நோய்த் தொற்றால் உலகமெங்கும் ஏராளமானோர் பலியானார்கள். அதன் பின்பு, கடுமையான கொரோனா கட்டுப்பாடுகள், மாஸ்க், தடுப்பூசி போன்ற முயற்சிகளால் கொரோனா பாதிப்பு தற்போது கட்டுக்குள் வந்தது.

இந்த நிலையில், இந்தியாவில் மீண்டும் கொரோனா பரவல் அதிகரித்துள்ளது. குறிப்பாக புதிய வகையான கொரோனாவான ஜேஎன் 1 வகை கொரோனா தொற்று பாதிப்பு நாளுக்கு நாள் அதிகரிக்கத் தொடங்கியுள்ளன. அதில் இந்தியாவில் மட்டும் கடந்த மாதம் 479 பேர் கொரோனா தொற்றால் பாதிக்கப்பட்டிருந்தனர். இந்நிலையில், இந்த மாதத்தின் (டிசம்பர்) முதல் 8 நாட்களில் மட்டும் 825 பேருக்கு கொரோனா தொற்று உறுதி செய்யப்பட்டுள்ளது. மேலும், கொரோனா தொற்றால் பாதிக்கப்படுபவர்களில் 90% பேர் கேரளா மாநிலத்தைச் சேர்ந்தவர்கள் எனத் தகவல்கள் வெளியாகியுள்ளன. தொற்று பரவலைக் கட்டுப்படுத்த கேரளா மட்டுமல்லாது மற்ற மாநில அரசுகளும் பல்வேறு நடவடிக்கைகளை எடுத்து வருகிறது.

இந்த நிலையில், நேற்று (31-12-23) வரையிலான 24 மணி நேரத்தில் 841 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதார அமைச்சகம் தெரிவித்துள்ளது. மேலும், கடந்த 24 மணி நேரத்தில் கொரோனா பாதிப்பு காரணமாக கேரளா, கர்நாடகா, பீகார் ஆகிய மாநிலங்களில் தலா ஒருவர் என மொத்தம் 3 பேர் உயிரிழந்துள்ளதாகவும் தெரிவித்துள்ளது.