Skip to main content

"ஸ்ரீபெரும்புதூர் தெரியுமான்னு கேக்கிறீங்களே... அந்த தொகுதி எம்எல்ஏவே நான்தான்.." - சீமானுக்கு காங்கிரஸ் எம்எல்ஏ எச்சரிக்கை!

Published on 13/10/2021 | Edited on 13/10/2021

 

m

 

சில நாட்கள் முன்பு கூட்டம் ஒன்றில் பேசிய சீமான் காங்கிரஸ் கட்சித் தலைவர்களைக் கிண்டல் செய்து பேசினார். இதற்கு அப்போதே அக்கட்சியினர் எதிர்ப்பு தெரிவித்தனர். இதுதொடர்பாக காங்கிரஸ் எம்எல்ஏ செல்வப்பெருந்தகை கண்டனம் தெரிவித்துள்ளார். அவர் பேசியதாவது "நாம் தமிழர் கட்சித் தலைவர் தலைவர் சீமான் காங்கிரஸ் பேரியக்கத்தின் தலைவர்களைத் தொடர்ந்து அவமானப்படுத்தும் விதமாக பேசிவருகிறார். அவர் வாங்கும் கூலிக்கு சரியாக மாரடித்துக்கொண்டிருக்கிறார். ஆனால் காங்கிரஸ் தலைவர்களைப் பற்றி அவர் பேச வேண்டிய தேவை எதற்கு வருகிறது. இது மிகத் தவறான உதாரணம். உ.பி.யில் விவசாயிகள் படுகொலை செய்யப்பட்டுள்ளனர். ஆனால் அதைப்பற்றி கேட்க அவருக்குத் துப்பில்லை, மத்திய அமைச்சர மகன் அவர்கள் மீது கார் ஏற்றிக் கொல்கிறார், அதைப் பற்றி வாய்திறக்க வழியில்லை, பாதிக்கப்பட்டவர்களின் பக்கம் நிற்காமல், காங்கிரசை திட்டுவதை ஒரு தொழிலாகவே அவர் வைத்துள்ளார். ஸ்ரீபெரும்புதூரில் நடைபெற்ற சம்பவம் ஒரு வரலாற்று துன்பம். அங்கே என்ன நடைபெற்றது என்று அவர் கேட்கிறார். அங்கே துரோகம் நடைபெற்றது. வந்தாரை வாழவைத்துக்கொண்டிருந்த தமிழகத்துக்கு 1991க்குப் பிறகு பெரிய தலைகுனிவு ஏற்பட்டுள்ளது. 

 

சீமானிடம் நான் கேட்கிறேன், நீங்கள் இதுவரை யாரைக் கடிக்கவில்லை? யாரை விட்டுவைத்துள்ளீர்கள், இயக்குநர் ரஞ்சித் விளிம்புநிலை சமூகத்திலிருந்து வந்தார் என்றால், அது உனக்குப் பிடிக்காது, அவரை கடித்து குதறுவீர்கள். பேராசிரியர் அருணனை பற்றி தவறாகப் பேசுகிறார். உங்களுடைய கருவையே ஆய்வு செய்ய வேண்டியுள்ளது. நீங்கள் என்ன பேசுகிறோம் என்று தெரிந்துதான் பேசுகிறீர்களா? இந்திரா காந்தி குடும்பம் என்பது நாட்டில் உள்ள விளிம்புநிலை மக்களின் நம்பிக்கையை தன்னகத்தே கொண்ட ஒரு குடும்பம். எனவே அவரையும் அவரது குடும்பத்தையும் அவமானப்படுத்துவது என்பது ஏற்றுக்கொள்ள முடியாத ஒன்று. நீங்கள் என்ன பேசுகிறீர்கள், வாயில் வந்ததை எல்லாம் பேசுகிறீர்கள். எங்களுக்கும் ஆர்எஸ்எஸ்க்கும் கொள்கை அளவில் பெரிய வேறுபாடு இருக்கிறது. பாஜக நாட்டிலேயே இருக்கக் கூடாது என்று விரும்புகிறோம். ஆனால் ஒருபோதும் அவர்களைப் பற்றி நாங்கள் அவதூறு, வெறுப்பு பிரச்சராம் மேற்கொள்ளவில்லை. சீமான் தொடர்ந்து இதே மாதிரி பேசிவந்தால் அவர் வீட்டுக்குப் போவதைத் தவிர வேறு வழியில்லை. 

 

நீங்களும் நியாயமாக பேசுங்கள், நாங்கள் பதில் சொல்கிறோம். சாட்டை துரைமுருகன் என்ற நபர், சீமானை மேடையில்  வைத்துக்கொண்டு ஸ்ரீபெரும்புதூர் தெரியுமா என்று கேட்கிறார். அப்படி கேட்டால் நாங்கள் என்ன பயந்துவிடுவோமா? பல ஞானிகள், புனிதர்கள் பிறந்த மண்ணை ரத்தக்கறை படிய வைத்துள்ளீர்கள். அதற்காக நீங்கள் வருத்தப்பட வேண்டும். இதில் நீங்கள் பெருமைப்பட என்ன இருக்கிறது. நான்தான் அந்த தொகுதி சட்டமன்ற உறுப்பினர், வந்துதான் பாருங்களேன், என்ன நடக்கிறது என்று பார்ப்போம். இத்தோடு காங்கிரஸ் தலைவர்களைக் கொச்சையாக பேசுவதை சீமான் நிறுத்திக்கொள்ள வேண்டும். இதற்கு மேலும் அவர் இவ்வாறு பேசினார் என்றால் விளைவுகள் வேறு மாதிரியாக இருக்கும்" என்றார்.

 

 

Next Story

'வாக்கு செலுத்தினால் லைட் எரியவில்லை' - போராட்டத்தில் ஈடுபட்ட நாம் தமிழர் கட்சி வேட்பாளர் கைது

Published on 19/04/2024 | Edited on 19/04/2024
Naam Tamilar Party candidate arrested for protesting

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெறுகிறது.

அந்த வகையில் தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்று வருகிறது. பதற்றமான வாக்குச்சாவடிகளில்  பல அடுக்கு பாதுகாப்பு போடப்பட்டுள்ளது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெறவுள்ளது.  இந்நிலையில் காலை 7 மணி முதல் வாக்காள பெருமக்கள் ஆர்வத்துடன் வாக்களித்து வருகின்றனர். அதேபோன்று அரசியல் கட்சி தலைவர்கள், வேட்பாளர்கள் என பலரும் தங்களின் வாக்குகளை வாக்குச்சாவடிகளில் செலுத்தி வருகின்றனர்.

தமிழகத்தில் பிற்பகல் 3 மணி நிலவரப்படி சராசரியாக 50 சதவீதத்திற்கும் மேலாக வாக்குப்பதிவு நடந்துள்ளது. இந்நிலையில் மத்திய சென்னையில் பல்லவன் இல்லத்தின் அருகே உள்ள 165 வது பூத்தில் நாம் தமிழர் கட்சிக்கு வாக்கு செலுத்தினால் லைட் எரியவில்லை என புகார் எழுந்தது. தொடர்ந்து நாம் தமிழர் கட்சியின் சார்பில் போட்டியிடும் வேட்பாளர் கார்த்திகேயன் வாக்குச்சாவடியில் பார்வையிட்டார். இது தொடர்பாக புகாரையும் எழுப்பினார். ஆனால் அவர் வாக்குச்சாவடியில் இருந்து வெளியேற்றப்பட்ட நிலையில் நாம் தமிழர் கட்சியினர் தர்ணா போராட்டத்தில் ஈடுபட்டனர். தற்போது தர்ணா போராட்டத்தில் ஈடுபட்ட நாம் தமிழர் கட்சி வேட்பாளர் கார்த்திகேயன் மற்றும் அவரது ஆதரவாளர்கள் கைது செய்யப்பட்டுள்ளனர். வாக்குச்சாவடியில் சர்ச்சை நீடித்த  நிலையில் திருவல்லிக்கேணி காவல் உதவி ஆய்வாளர் ஆகியோர் வாக்குச்சாவடிக்கு வருகை தந்துள்ளனர்.

Next Story

தேர்தல் பத்திரம் தொடர்பான பதிவுகள் நீக்கம்; தேர்தல் ஆணையத்துக்கு காங்கிரஸ் கேள்வி

Published on 18/04/2024 | Edited on 18/04/2024
Congress question to Election Commission for Deletion of Electoral bond related records

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அந்த வகையில் முதற்கட்டமாக தமிழகம், புதுச்சேரி உள்ளிட்ட 21 மாநிலங்களில் உள்ள 102 மக்களவைத் தொகுதிகளுக்கு நாளை (19.04.2024) வாக்குப்பதிவு நடைபெற உள்ளது. இதில் தமிழகத்தில் உள்ள 39 தொகுதிகளிலும், புதுச்சேரியில் உள்ள ஒரு தொகுதியிலும் என 40 தொகுதிகளில் ஒரே கட்டமாக நாளை வாக்குப்பதிவு நடைபெறுகிறது. இந்த வாக்குப்பதிவு காலை 7.00 மணி முதல் மாலை 6.00 மணி வரை நடைபெற உள்ளது. அதன்படி முதற்கட்டமாக வாக்குப்பதிவு நடைபெற உள்ள தொகுதிகளில் தேர்தல் பரப்புரை நேற்று (17.04.2024) மாலை 6 மணியுடன் நிறைவு பெற்றது. அதாவது தேர்தல் பிரச்சாரத்திற்கான கடைசி நாளில் அனைத்துக் கட்சிகளும் இறுதிக்கட்ட பிரச்சாரத்தில் இறங்கின.

நாளை முதல் தொடங்கும் மக்களவைத் தேர்தல் ஜூன் 1ஆம் தேதி வரை நடைபெற்று, அதில் பதிவாகும் வாக்கு எண்ணிக்கை ஜூன் 4ஆம் தேதி அன்று நடைபெற இருக்கிறது. இதனால், நாடு முழுவதும் தேர்தல் நடத்தை விதிமுறை அமலில் உள்ளது.  இதற்கிடையே, பிரபல சமூக வலைதளமான எக்ஸ் தளத்தில் அரசியல் கட்சிகள் மற்றும் தலைவர்கள் வெளியிட்ட பதிவுகளை குறிப்பிட்டு, தேர்தல் நடத்தை மீறியுள்ளதால் அதனை நீக்குமாறு எக்ஸ் தளத்துக்கு இந்திய தேர்தல் ஆணையம் உத்தரவிட்டது.

இது குறித்து இந்திய தேர்தல் ஆணையம் கூறியிருப்பதாவது, ‘தேர்தல் நடத்தை விதிகளை மீறியதற்காக ஆம் ஆத்மி கட்சி மற்றும் ஒய்.எஸ்.ஆர். காங்கிரஸ் ஆகிய கட்சிகளின் அதிகாரப்பூர்வ எக்ஸ் தளத்தில் வெளியிட்ட 2 பதிவுகளையும், ஆந்திரப் பிரதேச முன்னாள் முதல்வர் சந்திரபாபு நாயுடு, பீகார் துணை முதல்வர் சம்ராத் செளத்ரி ஆகியோரின் 2 பதிவுகளையும் நீக்க வேண்டும். இந்த பதிவுகளை நீக்கவில்லை என்றால் எக்ஸ் தளத்தின் மீது தன்னார்வ நெறிமுறைகளை மீறியதாக நடவடிக்கை எடுக்கப்படும்’ என்று எக்ஸ் நிர்வாகத்துக்கு தேர்தல் ஆணையம் மின்னஞ்சல் மூலம் கடிதம் அனுப்பியது . மேலும், சில பதிவுகளையும் குறிப்பிட்டு, அதனை நீக்க வேண்டும் என்றும் எக்ஸ் நிர்வாகத்துக்கு இந்திய தேர்தல் ஆணையம் எச்சரிக்கை விடுக்கப்பட்டது.

Congress question to Election Commission for Deletion of Electoral bond related records

இது குறித்து எக்ஸ் நிர்வாகம், இந்திய தேர்தல் ஆணையத்தின் இந்த உத்தரவில் உடன்பாடு இல்லை என்றும் தேர்தல் ஆணையம் குறிப்பிட்டுள்ள பதிவுகளை தேர்தல் முடியும் வரை இடைநிறுத்தம் செய்வதாக அறிவித்தது. மேலும், வெளிப்படைத்தன்மை கருதி ஆணையத்தின் உத்தரவுகளை பொதுவெளியி்ல் வெளியிடுவதாகவும் எக்ஸ் நிர்வாகம் தெரிவித்தது.

இந்த நிலையில், தேர்தல் நன்கொடை பத்திரங்கள் தொடர்பான சில பதிவுகளை நீக்குமாறு எக்ஸ் நிர்வாகத்துக்கு தேர்தல் ஆணையம் உத்தரவிட்டுள்ளதாக காங்கிரஸ் செய்தி தொடர்பாளர் சுப்ரியா ஸ்ரீநாத் குற்றச்சாட்டு வைத்துள்ளார். இது குறித்து காங்கிரஸ் அலுவலகத்தில் நடைபெற்ற செய்தியாளர்களைச் சந்தித்து பேசிய சுப்ரியா ஸ்ரீநாத், “சுதந்திரமான மற்றும் நியாயமான தேர்தல்கள் நடைபெறுவதை உறுதி செய்வது தேர்தல் கண்காணிப்புக் குழுவின் கடமையாகும். நடத்தை விதிகளை மீறும் போதும், வெறுப்பூட்டும் பேச்சுகள், மதக் குறிப்புகள் மற்றும் மோசமான மற்றும் மோசமான அறிக்கைகளை வெளியிடுபவர்கள் உட்பட, அவர்கள் தூக்கி எறியப்படுவதை உறுதி செய்ய வேண்டும்.

ஆனால், தேர்தல் பத்திரம் தொடர்பான பிரச்சனையை எழுப்பிய ஒரு ட்வீட்டை நீக்க தேர்தல் ஆணையம் தேர்வு செய்தது மிகவும் ஆச்சரியமாக இருக்கிறது. தேர்தல் பத்திரங்கள் என்பது அரசாங்கத்தை மிகவும் சங்கடப்படுத்தும் ஒரு பிரச்சனை. மத்திய அரசுக்கு அசெளகரியத்தை ஏற்படுத்தும் விவகாரத்தை, இவ்வாறு ஏன் உத்தரவு பிறப்பிக்க வேண்டும்” என்று கூறினார்.