விஜய் ரோடு ஷோ!  பீதியில் புதுச்சேரி மக்கள்!

தமிழ்நாட்டில் கரூரில் 41 பேர் பலியான துயரத்திற்கு பிறகு பொதுவெளியில் பரப்புரை, ரோடுஷோவுக்கு ப்ரேக் விட்டார் விஜய். இந்நிலையில் நவம்பர் 26ஆம் தேதி, புதுச்சேரி த.வெ.க. நிர்வாகி புதியவன் தலைமையில் புதுச்சேரி டி.ஜி.பி. அலுவலகத்தில் அளித்த மனுவில், காலப்பட்டு, அஜந்தா சிலை, வாட்டர் டேங்க், மரப்பாலம், அரியாங்குப்பம், தவளக்குப்பம், கன்னிக்கோவில் வரை, டிசம்பர் 5ஆம் தேதி விஜய் ரோடு ஷோ நடத்த அனுமதிக்க வேண்டுமென்று கேட்கப்பட்டுள்ளது. அதோடு, உப்பளம் வாட்டர் டேங்க் பகுதியில் மக்கள் மத்தியில் பேசவும் அனுமதி கேட்டுள்ளார். அதில் எவ்வளவு பேர் வருவார்கள் என்கிற தகவல் இல்லை. அன்று மாலை முதலமைச்சர் ரங்கசாமியிடமும் மனுவை வழங்கினர்.

ரோடு ஷோ நடத்த விஜய் விரும்பும் கிழக்கு கடற்கரை சாலை மிகுந்த நெருக்கடியானது. தெரிந்தே போய் சவக்குழியில் படுப்பது போன்றது என்கிறார்கள் விவரமறிந்தவர்கள். தந்தை பெரியார் திராவிடர் கழகத்தின் புதுவை மாநில துணைத் தலைவர் இளங்கோ, ரோடு ஷோவுக்கு அனுமதி தந்தால் போராட்டம் நடத்துவோமென்று காவல்துறைக்கு கடிதம் அனுப்பியுள்ளார். சமூகஆர்வலர் அசோக்ராஜா என்பவரும் எதிர்ப்பு தெரிவித்துள்ளார். அவரிடம் நாம் பேசியபோது, "புதுச்சேரியில், காலப்பட்டு டூ கன்னிக்கோவில் 25 கி.மீ தூரம். புதுவையில் என்.எச் சாலையின் அகலமே 40 அடி தான். அதில் 10 அடி ஆக்கிரமிப்பில் போய்விடு கிறது, மீதியுள்ள 30 அடி அகலத் தில் தான் வாகனங்கள் போகின்றன. இந்த சாலையில் மூன்று மருத் துவக் கல்லூரி மருத்துவமனைகள், புதுவை பல்கலைக்கழகம் போன்றவை உள்ளன. இதனால் பெரியளவில் மக்கள் பாதிக்கப்படுவார்கள். கூட்டம் நடத்தவுள்ள வாட்டர் டேங்க் பகுதி சாலையில் மேம்பாலம் கட்டப்படுவதால் மாற்றுசாலையாக அந்த சாலை பயன்படுத்தப்படுகிறது. இதனால் கடலூர், சிதம்பரம் பகுதிகளிலிருந்து புதுவைக்கு யாரும் வரமுடியாது. 5 கி.மீ சுற்றிக்கொண்டுதான் செல்லமுடியும். இதனால்தான் அனுமதி தரவேண்டாம் எனச் சொல்கிறேன்'' என்றார்.

புதுச்சேரியின் மிகப்பெரிய வருவாயே சுற்றுலா வருவாய்தான். வெள்ளிக்கிழமை காலை முதல் மாலை வரை அனுமதி தந்தால் புதுச் சேரி கூடுதல் நெருக்கடியை சந்திக்கும். அதனால் ரோடு ஷோவுக்கு பதில் அரங்கக் கூட்டம் நடத்த அனுமதி தரலாமென்று முதல்வரிடம் காவல்துறை தெரிவித்துள்ளதாகக் கூறப்படுகிறது.

உளவுத்துறை வட்டாரங்களில் பேசியபோது, "விஜய்க்கு அரசியல் மற்றும் ஜோதிட ஆலோசகராக இருப்பவர் முதலமைச்சர் ரங்கசாமி. இவரை புஸ்ஸி ஆனந்த் ரகசியமாக சந்தித்து,  கரூர் சம்பவத்துக்கு பின்னர் சோர்ந்திருக்கும் ரசிகர்களை ஆக்டிவாக்குவதற்கு புதுச்சேரியில் ரோடு ஷோ நடத்த அனுமதி தர வேண்டுமென்று கோரிக்கை வைத்தார்.  விஜய்யோடு கூட்டணி சேரவே ரங்கசாமியும் ஓகே சொல்லியிருக்கிறாராம். விஜய்யும் இதுகுறித்து போனில் பேசியிருக்கிறார். 

புதுச்சேரியிலும்  அசம்பா விதம் நடந்துவிடுமோ என்ற பீதியில் புதுச்சேரி மக்களும் எதிர்ப்பு தெரிவித்துவரு கிறார்கள்.