Skip to main content

சங்கச் சண்டையில் சிக்கிய ஸ்டண்ட் மாஸ்டர்!

சினிமாக்களில் டூப்ளிகேட் ஸ்டண்ட் காட்சிகள் இருப்பதைப் பார்த்திருப்போம். ஆனால் இப்போதெல்லாம் சினிமா சங்கங்களில் நிஜ ஸ்டண்ட் காட்சிகள் அரங்கேறி வருவதுதான் லேட்டஸ்ட் டிரண்டாக இருக்கிறது.

நடிகர்கள் சங்கம், தயாரிப்பாளர்கள் சங்கம், இயக்குனர்கள் சங்கம், எழுத்தாளர்கள் சங்கம் என எல்லா சங்கங்களிலும் ஒரே ஸ்டண்ட் மயம்தான்.
ja
அந்த வகையில் லேட்டஸ்டாக தென்னிந்திய திரைப்பட மற்றும் தொலைக்காட்சி தயாரிப்பாளர்கள் சங்கமான "கில்டு'’அமைப்பில் சண்டைக் காட்சிகள் அரங்கேறி ஒரு ஸ்டண்ட் மாஸ்டரையே கதிகலங்க வைத்துள்ளது.

அந்த சண்டைக் காட்சிகள் கம்போஸ் பண்ணிய விதத்தை நம்மிடம் விவரித்தார் "கில்டு'’ தலைவரும் ஸ்டண்ட் மாஸ்டருமான ஜாக்குவார் தங்கம்.

""3500 உறுப்பினர்களைக் கொண்ட இந்த சங்கத்துக்கு கடந்த இருபது வருடங்களாக தலைவராக இருக்கும் கிரிதாரிலால் நாக்பால் செயலாளர் தேவராஜ் குணசேகரன் மற்றும் ஏ.எம்.ராஜா, இவர்களுக்கு உடைந்தையாக அலுவலக ஊழியர்களான அமுதா, வடிவுக்கரசி, பிர்லா ஆகியோர் கூட்டுக் கொள்ளையால் பல கோடி ஊழலில் ஊறித்திளைத்தது சங்கம்.

இவர்களின் ஊழல் குறித்து சென்னை போலீஸ் கமிஷனரிடம் புகார் கொடுத்தும் நடவடிக்கை இல்லை. இந்த நிலையில் தான் 10-06-2018 அன்று சங்கத் தேர்தலில் நான் தலைவராகவும் எனது தரப்பில் எட்டு பேரும் வெற்றி பெற்றோம். அவர்கள் தரப்பில் எட்டு பேர் வெற்றி பெற்றனர். தொலைக்காட்சிப் பிரிவில் அழகப்பன் தரப்பில் ஒன்பது பேர் வெற்றி பெற்றனர்.

ஊழல் புகார் கொடுத்த கோபத்தில் கோடம்பாக்கத்தில் உள்ள ஒரு பிரிவியூ தியேட்டரில் ரகசியக் கூட்டத்தைக் கூட்டி, என்னை பதவியிலிருந்து நீக்கிவிட்டதாகவும் ஏ.எம்.ராஜாவை கௌரவத் தலைவராக நியமித்திருப்பதாகவும் டூப்ளிகேட் லெட்டர் பேடில் வங்கிக்கும் சென்சார் போர்டுக்கும் கடிதம் எழுதியிருக்கிறார்கள்.
j
என்னைத் தூக்கிய கையோடு வங்கியிலிருந்து ஏழு லட்ச ரூபாயை எடுக்க முயற்சித்துள்ளனர். எனக்கு தொடர்ந்து கொலை மிரட்டல் விடுவதுடன் ஏப்ரல் 29-ஆம் தேதி ஏ.எம்.ராஜாவின் தூண்டுதலின் பேரில் ரவுடிப் படை ஒன்று சங்க அலுவலகத்திற்குள் புகுந்து, அங்கிருந்த பெண் ஊழியர்களை சட்டவிரோத மாக அடைத்து வைத்திருந்ததுடன் ஆபாசமாக நடந்துள்ளனர். நான்கு கோடி ரூபாய் வைப்பு நிதியைச் சுருட்டத்தான் இவ்வளவு வேலைகளும் நடக்கிறது''’என ஸ்டண்ட் சீக்வென்சுகளை விவரித்தார் ஜாக்குவார் தங்கம்.

""101-க்கு போன் பண்ணித்தான் தப்பிச்சு வெளியே வந்தோம்''’எனச் சொல்லும் சங்க ஊழியரான சுஜிதா, ""எஸ்.ஐ. திருமாலிடம் புகார் கொடுத்தும் புண்ணியமில்லை'' என்கிறார்.

இது குறித்தான கருத்தை அறிய சங்க நிர்வாகிகளைத் தொடர்பு கொண்ட போது பதில் கூற மறுத்துவிட்டனர்.

-அரவிந்த்


 

உங்கள் கருத்தைப் பதிவு செய்யுங்கள்

இவ்விதழின் கட்டுரைகள்

Loading...
 
×