சில்மிஷ மேயர்... சீறிய கமிஷனர்.. மேயரை மிரட்டிய அமைச்சர்!

"இங்கேயே இப்பவே அவங்ககிட்ட மன்னிப்புக் கேளு. இவ்வளவு பெரிய பொறுப்புல இருக்க.. சில்மிஷம் கேட்குதோ? பதவிய பிடுங்கி நடுரோட்டில் நிறுத்திடுவேன்... தொலைச்சுப் புடுவேன் தொலைச்சு'' என இரு அமைச்சர் பெருமக்களும் ஒருசேர உறும... சப்தநாடியும் அடங்க ஒடுங்கியுள்ளார் சில்மிஷ மேயர் ஒருவர். இந்த விவகாரம் விசாகா கமிட்டி வரை சென்றிருப்பதுதான் மாநகரை ஆட்டம் காண வைத்துள்ளது.

தென்மாவட்டத்திலிருக்கின்ற மாநகராட்சி அது. இன்னார்தான் தலைவர் என ஒருவர் இலவு காத்த கிளியாய் காத்திருக்க, உள்ளூரில் இருக்கும் முன்னாளை மட்டுமே சுற்றி மன்றத் தலைவரானார் தற்பொழுது சர்ச்சைக்குள்ளான அந்த மேயர்.

"மன்றத் தலைவராக பொறுப்பேற்றதிலிருந்து, கவுன்சிலர்களுக்கு மாதம் இவ்வளவு, அனைத்து கவுன்சிலர்களுக்கும் 8 கிராம் தங்கக்காசு என ஆச்சரியப்படுத்தியவர். "இந்த கார் இங்க நிக்கக்கூடாது. என்னுடைய கார் மட்டுமே நிக்கணும்' என துணைத்தலைவரின் காரை காம்ப வுண்ட் கேட்டைவிட்டே வெளியேற்றி சர்ச்சை யைத் துவக்கினார். பின்னாளில் அரசு வழக்கறிஞர் துவங்கி அடிதடியை ஆரம்பித்தவர், அ.தி.மு.க. வைச் சேர்ந்த பெண் கவுன்சிலர், தான் சார்ந்த கட்சியின் பெண் கவுன்சிலர்கள் இருவர் என அனைவரையும் "அரைகுறையாய்' சகட்டு மேனிக்கு திட்டி அலப்பறை காட்டி அடக்கிவைத்தார். தொடர்ந்து, "எனக்கு ஆதரவாய் செய்தி போடுவ தாக இருந்தால் உள்ளே இரு, இல்லையெனில் வெளியேறு' என பத்திரிகையாளர்களையும் பிறாண்டி வைக்க... அடிதடி, அரைகுறை அர்ச்சனை அனைத்தும் "மேயர்' பிராண்டானது'' என்றார் மேயரின் கட்சி நிர்வாகி ஒருவர்..

மாநகரைச் சேர்ந்த உளவு அதிகாரி ஒருவரோ, "இந்த மாநகரில் பல பெண் அதிகாரிகள் பின்னங் கால் பிடறி தெறிக்க ஆளைவிட்டால் போதும் சாமி என வலிய டிரான்ஸ்பர் கேட்டு மாற்று இடங்களுக்குச் சென்ற வேளையில், சில மாதங் களுக்கு முன்பு கொங்கு நாட்டை சேர்ந்த பெண் ஒருவர் மாநகராட்சியின் ஆணையராக பதவியேற் றார். அழகு கொங்கு தமிழில் அனைவரையும் மரியாதையாக, இனிமையாக பேசுவதுதான் கொங்கு மக்களின் இயல்பு. இந்த ஆணையரும், மேயரிடம் "ஏனுங்க... இல்லைங்க...' என எதேச் சையாக பேசி வைக்க, அதுதான் வினையாகியுள் ளது. வயதில் வராத காதல் இந்த வயதில் வந்திருக்கின்றது மேயருக்கு. விளைவு... அடிக்கடி அந்த ஆணையருக்கு போனை போட்டு, "சாப்பிட் டீகளா... தூங்கினீர்களா..?' என தினசரி பேசுவதை வாடிக்கையாகக்கொண்டிருக்கின்றார் அவர்.

முத்தாய்ப்பாக ஆணையரின் பங்களாவை மராமத்து செய்து, அதன் வாசல்பகுதியான தேசிய நெடுஞ்சாலையில் இருபக்கமும் தோட்டம் வைத்து ஆணையரை குஷிப்படுத்தியிருக்கின்றார். சமீபத்தில் மன்றக் கூட்டத்தின்போது ஒரு வெள்ளை சட்டை யை உடுத்தி வந்திருக்கிறார் மேயர். மன்றக் கூட்டம் முடிந்ததும் தன்னுடைய அறையில் மகளிரணி மற்றும் கவுன்சிலர்களிடம் அளவளாவிக்கொண்டி ருக்கும்போது, "அண்ணே... சட்டை நல்லாயிருக் குண்ணே' என பெண் கவுன்சிலர் ஒருவர் கூற, "எல்லோரும் சொல்லிட்டீங்க, ஆனால் சொல்ல வேண்டியவக சொல்லலையே' என ஏக்கமாக ஆணையர் மீதான தன்னுடைய காதலை (..!) வெளிப்படுத்திருக்கின்றார் மேயர். ஒருகட்டத்தில் நேரடியாக தூதுவிட... கோபத்தில் கத்தியிருக்கின் றார் ஆணையர். விடாமல் மேயர் காதல் ரசங்களை பொழிய, வேறு வழியில்லாமல் தன்னுடைய கணவ ரிடம் கூறியிருக்கிறார் ஆணையர். எப்படியாவது ஆணையரை தன்பக்கம் கொண்டுவர, தன்னுடைய கைத்தடிகளைக் கொண்டு "வார்டிற்கு ஒன்றுமே செய்யாத ஆணையரே பதவி விலகு!' என போஸ் டர் அடிக்கவைத்தார் மேயர். கொதித்துப்போன ஆணையர் அந்த கைத்தடி கவுன்சிலரை கூப்பிட்டு, "இதுவரை உன்னுடைய வார்டிற்கு மட்டும் ரூ.80 லட்சம் செலவு செய்திருக்கின்றது அரசு. "மேற்கொண்டு பேசுவதாக இருந்தால், நான் புகார் கொடுத்துவிடுவேன்' எனக்கூற, சைலண்டாகி விட்டார் அந்த கவுன்சிலர். அதன் பின் விவகாரம் பெரிதானது' என்றார் அவர்.

"டிசம்பர் 2ம் தேதி, கணவருடன் ஆணையர் தனது குடியிருப்பில் இருக்கும்பொழுது மேயரிட மிருந்து போன் வந்துள்ளது. எடுத்த எடுப்பிலேயே, "நான் இருக்கையில் உம் புருஷன் எதுக்கு?' என மேயர் துவங்க... போனை வாங்கிய ஆணையரின் கணவர் அர்ச்சனையை ஆரம்பித்திருக்கின்றார். ஒருகட்டத்தில் ஆணையரின் வீட்டு வாசலுக்கே அரிவாளுடன் வந்து மேயர் ஆட்டம் ஆடியது வீடியோவில் பதிவானது. அப்பொழுதே... போனில் பேசிய ஆடியோ, வாசலில் அரிவாளுடன் நின்ற வீடியோ என அனைத்தையும் தன் துறை சார்ந்த மேலதிகாரிக்கு அனுப்பியிருக்கிறார் ஆணையர். அங்கிருந்து மாவட்ட ஆட்சியருக்கு பார்வர்டு ஆக, எஸ்.பி.க்கு உத்தரவு சென்றுள்ளது.

"இங்க பாரு... அரிவாளுடன் நிற்கின்ற வீடியோ வந்திருக்கு, அங்கிருந்து கிளம்பு. இல்லை கைது செய்ய நேரிடும்'னு எஸ்.பி., மேயரை மிரட்ட தலைதெறித்து ஓடியிருக்கின்றார் மேயர்.

இது அப்படியே உள்ளூர் அமைச்சருக்கு செல்ல, ஆணையரையும், மேயரையும் வரவழைத் திருக்கின்றார் அவர். "பாவம்னு விட்டா ஆடுறே... காதல் கேட்குதோ? உடனடியாக அந்தம்மாவிட மும், அவருடைய கணவரிடமும் மன்னிப்புக் கேள்' என உறும... சாஷ்டங்கமாக மன்னிப்பு கேட்டுள் ளார் மேயர். இதேவேளையில், "மாநகரத் தந்தை பொறுப்பில் இருக்கிற உனக்கு சில்மிஷம் கேட்குதோ. பதவியப் பிடுங்கி ரோட்டில் நிறுத்திடு வேன்' என மூத்த அமைச்சரும் மிரட்ட... சரண்ட ரானர் மேயர்' என்கின்றது உளவுக் குறிப்பு.

இது இப்படியிருக்க, "சார்.... நான் மட்டு மில்லை, இதற்கு முன்னால் இங்கு பணியாற்றிய அத்தனை பெண் அதிகாரிகளுக்கும் இந்த கதிதான். அவங்களுடைய டிரான்ஸ்பர் இதனை உறுதிப் படுத்தும். இப்பொழுதுகூட இங்கு பணியாற்றும் பெண் அதிகாரி ஒருவர் (நடிகையின் பெயர் கொண் டவர்) தனக்கு நேர்ந்த கொடுமையை விசாகா கமிட்டிக்கு அனுப்பியிருக்கின்றார்'' என்று அமைச்சரிடம் போட்டுவைத்தார் அந்த ஆணையர். ஆனால், இவரும் தன்னுடைய புகாரை விசாகா கமிட்டிக்கு அனுப்பியது குறித்து தெரிவிக்கவில்லை.