Skip to main content

பார்வை! - ஆர்.பி.முருகானந்தம்

parvai

நிலையான லட்சியம் கொண்ட தெளிவான புலனாய்வு இதழ் என்பதை முப்பத்தியொரு ஆண்டாக உறுதிப்படுத்திக் கொண்டிருக்கும் இதழ் நக்கீரன்.

பரபரப்பான செய்திகளை உண்மைதானா என ஐயத்தோடு மக்கள் எதிர்கொள்வார்கள். அந்த ஐயத்தை உடைத்து என்றென்றைக்குமான நம்பிக்கையை தமிழக மக்களிடம் பெற்ற இதழும் நக்கீரனே!

முன்அட்டையிலிருந்து கடைசிப்பக்கம் வரை யோசித்து யோசித்து செதுக்கியமைக்கப்படும் லே-அவுட். தலைப்பிலிருந்து விலகாத அந்த லே-அவுட் நக்கீரனுக்கே மணிமுடியென்று சொல்லலாம்.

எல்லாத் தரப்புச் செய்திகளையும் எல்லாருக்குமாக்கும் சாதனை நக்கீரனின் வலிமை.

2018 ஆகஸ்ட் 04-07 இதழ்:

"அ.தி.மு.க. ஆட்சி கவுண்ட் டவுன்', "ராங்-கால்' செய்திகள்... "கலைஞரின் உடல்நிலை', "பன்னீரின் எதையும் தாங்கும் இதயம்', "மதிப்பெண் மறுகூட்டலுக்கான 10 ஆயிரம் கலெக்ஷன்' ...என களைகட்டியிருக்கிறது.

"தி.மு.க.வுக்குள் ஊடுருவும் பா.ஜ.க.' தலைப்பு ஆர்வத்தோடு அப்பக்கங்களில் அதிக கவனம் செலுத்தத் தூண்டியது. "போராளி கலைஞர்' செய்தித் தொகுப்பு இதழுக்கு முத்துப் பதிப்பு.

சசிகலா உறவுகளை பொன்.மாணிக்கவேல் நெருங்கிய நிலையில், அவர்களைக் காப்பாற்றும் டீலிங்குடன்தான் சி.பி.ஐ. விசாரணை என ஸீனை மாற்றியிருக்கிறது எடப்பாடி அரசு. செய்தியைப் படித்த பிறகுதான் சிலைக்கடத்தல் தடுப்புப் பிரிவில் நடக்கும் முட்டுக்கட்டைகள் தெளிவாயின. இந்த இதழும் சூப்பரோ சூப்பர்.

_________________________
வாசகர் கடிதங்கள்!

நெத்தியடி சவால்!

"அவுக கூப்பிட்டாக, இவுக கூப்பிட்டாக'னு செக்ஸ் புகார் வாசித்த ஸ்ரீரெட்டிக்கு நடிப்புத் திறமையைப் பகிரங்கப்படுத்தச் சொல்லி நெத்தியடி சவால்விட்ட ராகவா லாரன்சுக்காக "ஓ' போடலாம். ஸ்ரீரெட்டியின் ஆக்டிங் வீடியோ இப்போ, "ஆடத் தெரியாதவருக்கு தெருக்கோணல்'ங்கிற கதையாகிப்போச்சு.

-ஆ.கோதண்டராமன், திருப்பத்தூர்.

முக்கோண விவாதம்!

புதுச்சேரி மாநில அந்தஸ்து குறித்து ஆளுநர், முதல்வர், எம்.எல்.ஏ. ஆகியோரின் முக்கோண விவாதங்கள் மக்களின் மனநிலை வெளிப்படுவதற்கான ஒரு சந்தர்ப்பத்தை உருவாக்குவதாக அமைந்துள்ளன.

-அ.பெ.மணிமாறன், துறையூர்.
 

உங்கள் கருத்தைப் பதிவு செய்யுங்கள்

இவ்விதழின் கட்டுரைகள்