Skip to main content

மே 23 பிரியங்கா ப்ளான்! மோடி-அமித்ஷா அப்செட்!

மே 23-ல் ஆட்சியை தக்க வைத்துக் கொள்ளவும், காங்கிரஸ் முயற்சியில் நடக்கவிருக்கும் ஆட்சி மாற்றத்தை தடுக்கவும் பகீரதப் பிரயத்தனம் செய்து வருகிறார் மோடி. காங்கிரசும் பல வகைகளில் காய்களை நகர்த்தியபடி இருக்கிறது.

pr


மேற்கு வங்கத்தில் பா.ஜ.க.வின் தேர்தல் பேரணி வன்முறைக்குப் பிறகு, பீகாரில் இருந்த மோடியிடம் அமித்ஷா பேச, அவர் கூறிய ஆலோ சனையின்படி பா.ஜ.க.வின் மூத்த தலைவர்கள் ராஜ்நாத்சிங், நிதின்கட்கரி, பியூஷ்கோயல், நிர்மலா சீதாராமன் உள்ளிட்டவர்களோடு அவசர ஆலோசனை நடத்தப்பட்டது. "பாதுகாப்புப் படை யினர் மட்டும் இல்லாது போயிருந்தால் பேரணியில் நான் கொல்லப்பட்டிருப்பேன்' என அதிர்ச்சி விலகாமல் விவரித்திருக்கிறார் அமித்ஷா. இதனையடுத்து மத்திய உள்துறை அமைச்சர் ராஜ்நாத்சிங் எடுத்த முயற்சியில், மேற்கு வங்கத்தில் மட்டும் தேர்தல் பிரச்சாரத்தை ஒரு நாள் முன்னதாகவே முடித்துக்கொள்ள உத்தரவிட்டது இந்திய தேர்தல் ஆணையம்.

பா.ஜ.க. தரப்பில் விசாரித்தபோது, ""தேர்தல் நடந்து முடிந்துள்ள தொகுதிகள் குறித்து மத்திய உளவுத்துறையும், அந்தந்த மாநில பா.ஜ.க.விடமிருந்தும் வந்த ரிப்போர்ட்டுகளுடன் நிலவரங் களை முழுமையாக இந்த கூட்டத்தில் ஆராய்ந்திருக்கிறார்கள். தனிப் பெரும்பான்மைக்கான இடங்கள் கிடைக்க வாய்ப்பில்லை என்பதை உணர்ந் துள்ளனர். தோழமை கட்சிகளின் வெற்றி குறித்தும் திருப்தி இல்லை. ஆனாலும், பா.ஜ.க. ஆட்சி என்பதில் அமித்ஷா உறுதிகாட்டிய நிலையில், "80 இடங்களுக்குள் காங்கிரஸ் சுருண்டுவிட்டால் மூன்றாவது அணியை உருவாக்க கடுமையாக போராடுவார் ராகுல்காந்தி. அதனை நாம் உடைக்க வேண்டும். காங்கிரசை தூக்கிப் பிடிக்கும் மாநில கட்சிகளில் தி.மு.க.தான் அதிக ஆர்வம் காட்டுகிறது. உளவுத்துறையின் ரிப்போர்ட்டின்படி, காங்கிரஸ் ஆதரவிலிருந்து மு.க.ஸ்டாலினை விலக வைத்தாலே காங்கிரஸ் முயற்சியை உடைப்பதில் 50 சதவீத வெற்றி நமக்கு கிடைத்து விடும்' என தெளிவுபடுத்தியிருக்கிறார் ராஜ்நாத்சிங்.
ff
சிங்கிள் லார்ஜஸ்ட் பார்ட்டி என்கிற வகையில் ஆட்சி அமைக்குமாறு பா.ஜ.க.வை அழைக்க ஜனாதிபதி முன்வர வேண்டும். அந்த வாய்ப்பு கிடைக்கும்பட்சத்தில் காங்கிரஸ் ஆதரவு கட்சி களை எளிதாக உடைத்து விடலாம் எனவும் விவாதித் துள்ளனர். இதனை யடுத்து, ஸ்டாலினை சந்தித்தது தொடர்பாக சந்திரசேகர ராவ், அமித் ஷாவிடம் தெரிவித்தவற் றையும் அலசியுள்ள னர்‘’ என்கின்றன டெல்லியிலிருந்து கிடைக்கும் தகவல்கள்.

ஸ்டாலின்-சந்திரசேகரராவ் சந்திப்பின் விபரங்களை அறிந்து கொள்வதில் சோனியாவும், ராகுலும் ஆர்வமாக இருந்தனர். சோனியாவின் ஆர்வம் சந்திரபாபு நாயுடு வழியாக ஸ்டாலினுக் குத் தெரியவர, நாயுடுவை சந்திக்க துரைமுருகனை அவர் அனுப்பி வைத்தார். இந்த சந்திப்புகள் குறித்து அறிவாலய வட்டாரங்களில் விசாரித்த போது, ""ஸ்டாலினிடம் சந்திரசேகரராவ், "புதிய பிரதமரை தேர்வு செய்வதில் மாநில கட்சிகளின் கைகள்தான் ஓங்கும். குறிப்பாக, தென் மாநிலங்க ளின் முக்கியத்துவம் அதிகமாக இருக்கும். தென் மாநிலத்தை சேர்ந்தவர்தான் பிரதமராகவோ அல்லது துணை பிரதமராகவோ வர வேண்டும். ஆந்திராவில் தனிப்பட்ட முறையில் நான் எடுத்த சர்வே கூட, சந்திரபாபு நாயுடுவுக்கு சாதகமாக இல்லை. ஜெகன்மோகன் ரெட்டிக்கு ஆதரவு உள்ளது. தெலுங்கானாவிலுள்ள 17 இடங்களையும் எனது கட்சி கைப்பற்றிவிடும். அதேபோல தமிழகத் தில் தி.மு.க. போட்டியிடும் 20 இடங்களிலும் நீங்கள்தான் ஜெயிப்பீர்கள். ஜெகன்மோகன் ரெட்டியுடன் கர்நாடகாவின் குமாரசாமியையும் நம் பக்கம் கொண்டுவந்துவிடலாம். ஆக, இந்த 4 மாநிலங்களும் சேர்ந்தால் நாம் சொல்பவர்தான் பிரதமர். காங்கிரஸ் தலைமையில் ஆட்சி அமையும் சூழல் உருவானால் அதனை நீங்கள் ஆதரிப்பதில் எனக்கு ஆட்சேபணை இல்லை. ஆனால், மூன்றாவது அணியை காங்கிரஸ் உருவாக்கினால் அதற்கு ஆதரவு தராதீர்கள். மாறாக, நான் உரு வாக்கும் மூன்றாவது அணிக்கு நீங்கள் வாருங்கள். துணை பிரதமர் பதவி தி.மு.க.வுக்கு கிடைக்கவும் வாய்ப்புண்டு' என வலை வீசினார்.
dd
அதற்கு ஸ்டாலின், "காங்கிரஸ் கூட்டணியில் இருந்துகொண்டு அதற்கு மாறாக மூன்றாவது அணி என்ற முடிவை எடுப்பது சரியாக இருக்காது' என சொல்லியிருக்கிறார். அதற்கு ராவ், "பிரதமர் ரேசில் காங்கிரசுக்கு இணையாக மம்தாவும் மாயாவதியும் இருக்கிறார்கள். அவ்வளவு எளிதாக காங்கிரசை ஜெயிக்க விடமாட்டார்கள். அந்த சம யத்தில், தென் மாநிலங்களில் நமது வெற்றி பெரிய தாக இருக்கும் போது மாயாவதி-மம்தா போன்ற வர்கள் நமது ஆதரவை பெற முயற்சிப்பார்கள். அதனால், ஆப்ஷனை இரு பக்கமும் ஓப்பனாக வைத்திருங்கள்' என தெளிவுபடுத்தியிருக்கிறார்.

சந்திப்பில் ஸ்டாலினுடன் இருந்த துரை முருகன், டி.ஆர்.பாலு இருவரும், "நீங்கள் சொல் வது சரிதான். ஆனாலும் சட்டமன்ற இடைத்தேர்த லில் அமோக வெற்றி எங்களுக்கு கிடைக்கும்பட்சத் தில் தமிழகத்தில் தி.மு.க. தலைமையில் ஆட்சி உருவாகும். அப்போது காங்கிரஸின் 8 எம்.எல்.ஏ.க் களின் ஆதரவு தி.மு.க.வுக்கு முக்கியம்' எனச் சொல்லியிருக்கிறார்கள்.

ஸ்டாலினும் ராவ்விடம், "நீங்கள் ஏன் தனித்து சில முயற்சிகளை எடுக்க வேண்டும்? காங்கிரசை ஆதரிக்கலாமே!' என சொல்ல, "மாநிலத்தில் காங்கிரசை எதிர்த்து நாங்கள் அரசியல் செய்வதால் அது முடியாது. நாயுடு இருக்கும் கூட்டணிக் குள் கொள்கை ரீதியாகவே நாங்கள் இருக்க விரும்ப வில்லை' என விளக்கமளித் திருக்கிறார் ராவ். இறுதியில், "தேர்தல் முடிவுகள் வரட்டும். அப்போது பார்க்கலாம்' என சொல்லி ராவை அனுப்பி வைத்தது தி.மு.க. பா.ஜ.க.வின் ஸ்லீப்பர் செல் என ராவ்வுக்கு முத்திரை உள்ள நிலையில், அவர் வாயிலாக முன்வைக்கப்பட்ட அமித்ஷாவின் திட்டத்தை உடைத்தெறிந்திருக் கிறார் ஸ்டாலின்'' என சந்திப்பு குறித்து சுட்டிக் காட்டுகிறார்கள் தி.மு.க. மேலிடத்துக்கு நெருக்க மானவர்கள். இதையடுத்து சந்திரபாபு நாயுடுவை சந்தித்து முழு விவரத்தையும் தெரிவித்துள்ளார் துரைமுருகன். அப்போது நாயுடு, "மோடியை வீழ்த்துவதில் காங்கிரசை விட மம்தா தீவிரமாக இருக்கிறார். அதனால், பா.ஜ.க. ஆட்சி தொடர வாய்ப்பில்லை. நாம் சுட்டிக்காட்டுபவர்தான் பிரதமராக வருவார். அதில் தி.மு.க.வுக்கு முக்கிய பங்கு உண்டு. நான், நீங்கள், மம்தா சேர்ந்தால் காங்கிரஸ் உதவியுடன் மோடியை விரட்டிவிட முடியும். இது தவிர, காங்கிரஸ் வேறு சில வியூகங்களையும் செயல்படுத்தி வருகிறது. ராவின் பேச்சில் மயங்கிவிடாதீர்கள்' என துரைமுருகனிடம் அறிவுறுத்தியிருக்கிறார்.

]iiநாயுடு மூலம் ஸ்டாலின்-சந்திரசேகரராவ் சந்திப்பு விவரங்களைத் தெரிந்துகொண்ட சோனியாவுக்கு திருப்தி என்கிறது டெல்லி வட் டாரம். அதேநேரத்தில், மே 23 -ந்தேதி டெல்லியில் நடக்கும் கூட்டத்துக்கு சந்திரசேகரராவையும் அழைத்து சோனியா எழுதிய கடிதம், சந்திரபாபு நாயுடுவுக்கு அதிருப்தியை தந்துள்ளதாம். "ராவ் அழைக்கப்படுவதில் எனக்கு உடன்பாடில்லை' என சோனியாவிடம் பஞ்சாயத்தை கூட்டியிருக்கிறார். அதற்கு சோனியாகாந்தி, காங் கிரஸ் கூட்டணி கட்சிகளை யும் ஆதரவு கட்சிகளையும் உடைக்க சந்திரசேகரராவை பா.ஜ.க. பயன்படுத்துவது போல நாமும் மாற்றுத் திட் டத்தில் இறங்க வேண்டு மென்று காங்கிரஸ் தலை வர்கள் வலியுறுத்தினர். குறிப்பாக, நம் கூட்டணி யிலுள்ள தி.மு.க.வை உடைக்க மோடி திட்டமிடு கிறார். அதேபோல பா.ஜ.க. ஆதரவாளர்களாக இருக்கும் ஒடிசா முதல்வர் நவின் பட்நாயக்கையும் ஆந்திர ஜெகன்மோகன் ரெட்டியை யும் நம் பக்கம் இழுத்து பா.ஜ.க. திட்டத்தை உடைக்கலாமென காங்கிரஸ் தலைவர்கள் யோசனை தெரிவித்தனர். இதற்கான ப்ளான் ப்ரியங்காவை வைத்து உருவாக்கப்பட்டது.

ப்ரியங்காவும் அவர்களிடம் விவாதித்திருக் கிறார். பாசிட்டிவ் பதில் இப்போது இல்லையென் றாலும் நெகட்டிவ்வாக அவர்கள் எதுவும் சொல்ல வில்லை. "உங்களுக்குத் தெரியாமல் மறைமுக அரசியல் காங்கிரசில் எதுவும் இல்லை' என சொல்லி யுள்ளார் சோனியா. இதனையடுத்து சமாதான மடைந்திருக்கிறார் நாயுடு‘’ என்கின்றனர் டெல்லி யோடு தொடர்புடைய காங்கிரஸ் தலைவர்கள்.

இதற்கிடையே காங்கிரஸ் கூட்டணியிலுள்ள கட்சிகளுடன் ஒரு ஆலோசனை கூட்டத்தை 21-ந்தேதியும், தேர்தல் முடிவுகள் வெளியான பிறகு, காங்கிரஸ் கூட்டணி கட்சிகள் மற்றும் பா.ஜ.க.வுக்கு எதிரான கட்சிகளுடன் ஒரு கூட்டத்தை 23-ந் தேதியும் கூட்டுவதற்கு காங்கிரஸ் தலைமை ஆலோ சித்திருக்கிறது. இதற்கான கடிதங்களை சம்பந்தப் பட்ட கட்சிகளுக்கு அனுப்பி வைத்திருக்கிறார் சோனியாகாந்தி. மேலும், தேர்தல் முடிவுகள் வரு வதற்கு முன்பாக, நாயுடு தலைமையில் ஒருங் கிணைக்கப்பட்ட 21 கட்சிகளுடன் ஜனாதிபதியை சந்தித்து, பெரும்பான்மைக்கு குறைவாக அதிக இடங்களில் ஜெயித்த கட்சி என்கிற முறையில் எந்த கட்சியையும் ஆட்சி அமைக்க அழைக்கக் கூடாது என்பதை வலியுறுத்தவும், அதனையும் மீறி அழைத்தால் பெரும்பான்மைக்கான ஆதரவு கடிதங்களை பெற்றுத்தர சம்பந்தப்பட்ட கட்சிக்கு அதிக நாட்கள் அவகாசம் தரப்படக் கூடாது என வலியுறுத்தவும் திட்டமிட்டுள்ளது காங் கிரஸ்.

எதிர்க்கட்சிகளின் தொடர்ச்சியான-வேகமான நகர்வுகள் மோடி-அமித்ஷா டீமை அப்செட்டாக்கி யுள்ளது.

-இரா.இளையசெல்வன்


 

உங்கள் கருத்தைப் பதிவு செய்யுங்கள்

இவ்விதழின் கட்டுரைகள்