மாவலி பதில்கள் 29.11.25

க.அருச்சுனன், செங்கல்பட்டு 

வாக்காளர் வலிமை என்ற புத்தகத்தை தம்பி விஜய்க்கு அனுப்புவதாக தமிழிசை அக்கா கூறியுள்ளாரே?

நிச்சயம் வாக்காளர் வலிமை தமிழிசை அவர் களுக்குத் தெரிந்திருக் கும். அதனால்தானே வாக்காளர்களின் வலிமையைக் குறைக்க எஸ்.ஐ.ஆரைக் கொண்டுவந்து லட்சக் கணக்கில்  பட்டியலி லிருந்து அகற்றுகிறார் கள். ஆனால் அந்த ரக சியத்தையெல்லாம் விஜய்க்கு ஏன் கற்றுத்தர விரும்புகிறார் என்பதுதான் விளங்கவில்லை.

அன்னூரார், பொன்விழி அன்னூர்

தங்கம் விலையேற்றத்தைக் கண்டித்து ஏன் எந்த அரசியல்வாதியும், அரசியல் கட்சியும் அறிக்கை வெளியிட வில்லை?

தங்கம் தொழிற்சாலையில் உற்பத்தி செய்யப்படும் பொருள் இல்லை. இந்தியா வின் தங்கத் தேவையில் பெருமளவு இறக்குமதிதான் செய்யப்படுகிறது. இறக்குமதித் தங்கத்துக்கு 15% வரிவிதிக்கப்பட்டது. பிறகு 2024-ல் அது 6% ஆகக் குறைக்கப்பட்டது. அதுபோக தங்க நகைக் கடைக்காரர்கள் செய்கூலி, சேதாரம் விதிப்பார்கள். தங்கம் விலையேற்றத்தைக் கண்டித்தாலும் போராட் டம் நடத்தினாலும் விலை குறையப் போவதில்லை. பிறகேன் அரசியல் வாதிகள் போராட்டம் நடத்தப்போகிறார்கள்? டாலரில்தான் தங்கம் இறக்குமதி செய்வார்கள். இந்திய ரூபாயின் மதிப்பு குறையும்போது தங்கத்துக்காக செலவிடும் ரூபாய் அதிகரிக்கும். ரூபாய் விலையை வீழ்ச்சியடைய விடுவதற்காக வேண்டுமானால் ஒன்றிய அரசுக்கு எதிராக எதிர்க் கட்சிகள் போராட்டம் நடத்தலாம். 

ஆர். ஹரிகோபி, புதுடெல்லி

அனைத்து நாட்டு பொருட்களின்மீதும் இறக்குமதி வரியை அதிகரித்த பின்னரும் அமெரிக்காவின் பொருளாதாரம் தள்ளாடுவது ஏன்?

அமெரிக்காவின் பொருளா தாரம் சில வருடங்களாகவே தள் ளாடிக்கொண்டுதான் இருக்கிறது. தள்ளாட்டத்தை நிறுத்துகிறேன் எனக் கிளம்பித்தான் அதை இன்னும் படுபயங்கர ஊசலாட் டத்தில் தள்ளிவிட்டிருக்கிறார் ட்ரம்ப். கடன் வாங்கிச் செலவு எனும் கலாச்சாரத்தின் விளை வாக, அமெரிக்காவின் பெரும் பாலான மக்களும் கடன்சுமையில். தவிரவும், உலக நாடுகளுக்கெல் லாம் பெரிய அண்ணாச்சி தோர ணைக்கான செலவு என முதுகு முறியும் நிலையில் இருக்கிறது. இறக்குமதி வரியாலெல்லாம் அதைச் சரிசெய்துவிட முடியாது.

நடேஷ்கன்னா, கல்லிடைக்குறிச்சி

புதிதாக பொறுப்பேற்றுள்ள உச்சநீதிமன்ற தலைமை நீதிபதி சுதேசி நீதிமுறை கொண்டு வரப்படும் என்கிறார். அது என்ன சுதேசி நீதி முறை?

சுதேசி நீதி முறை என்றால் மனு நீதி முறைதான். சாதியடுக் கின் உச்சத்தில் இருக்கும் பிராம ணனுக்கு மரண தண்டனையே கிடையாது. மற்ற தண்டனைகளும் பிற சமூகத்தவர்களைக் காட்டிலும் குறைவு. இதே வரிசையில் இதற் கடுத்தபடியாக சத்ரியன், வைசி யன், சூத்திரன் என வருவான். உண்மையில் சுதேசி நீதிமுறையில் நீதிமன்றம் என்ற ஒன்றே கிடையாது. மன்னனும், அமைச்சர்களும், தளபதிகளும், ஊர்த்தலைவர்களும்தான் நீதிபதிகள்.

பா.ஜெயப்பிரகாஷ், அரண்மனைப்புதூர், தேனீ

ஹிந்துக்கள் இல்லாமல் இந்த உலகம் இல்லை என ஆர்.எஸ்.எஸ். தலைவர் மோகன் பகவத் கருத்து சொல்கிறாரே?

உலகம் தோன்றுகையில் இந்துக்கள், கிறித் தவர்கள், முஸ்லிம்கள், பார்சிகள், பௌத்தர்கள் யாரும் இல்லை. இனிமேலும் மேற்சொன்னவர்களில் யார் இல்லாதபோதும் உலகம் இருக்கும். பூனை கண்ணை மூடிக்கொண்டு, உலகம் இருண்டதாக கற்பனை செய்துகொள்வதுபோல்தான், குறிப்பிட்ட சமூகத்தினர், மதத்தினர் இல்லையென்றால் உலகம் இல்லையென கற்பனை செய்துகொள்வதும்.

து.பால்வண்ணன், மதுரை

விலங்குகளுக்கும் சர்க்கரை நோய் வருமா?

வருமென்றுதான் அறிவியலாளர்கள் சொல் கின்றனர். சமீபத்திய ஆய்வொன்று நாய், பூனை, பசு, சில கடல் உயிரினங்களுக்கும் புற்றுநோய், சர்க்கரை, உடல் பருமன், மூட்டுவலி போன்ற நோய்கள் வருவதாகக் கண்டுபிடித்திருக்கிறார் கள். இன்னும் இதற்கான காரணங்கள் துல்லிய மாகக் கண்டுபிடிக்கப்படவில்லை. ஒருவேளை இந்த விலங்குகளெல்லாம் பேசினால், கவுண்டமணி பாணியில், "உன்கூட சகவாசம் வெச்சதுக்கு எனக்கு இதுவும் தேவை... இன்னமும் தேவைதான்'' என்று அதன் மைண்ட் வாய்ஸ் ஒலிக்கக்கூடும்.

ஆர்.ஜெயலட்சுமி, தஞ்சாவூர்

இருப்பதிலே மிக அதிக தொகையாக தமிழக மெட்ரோ திட்டத்துக்குத்தான் 63,246 கோடி மத்திய அரசால் ஒதுக்கப்பட்டது என்கிறார்களே.?

டெல்லியில் நான்காவது கட்ட மெட்ரோ ரயில் வேலைகள் நடந்துவருகிறது. அதற்கடுத்தபடி யாக மிகப்பெரிய மெட்ரோ ரயில் சேவை மும்பையில் இருக்கிறது. தமிழகத்தில் இப்போதுதான் இரண்டாம் கட்ட வேலைகள் நடைபெற்றுவருகிறது. ஆகும் செலவில் ஒன்றிய அரசு பாதி, மாநில அரசு பாதி என்கிறார்கள். ஆனால் 63,246 கோடியில் இந்த ஆண்டு ஒதுக்கியது 8,445 கோடி. கையில் கொடுத் தது 3,000 கோடி. மிச்சத்தை மாநில அரசுதான் கடன்வாங்கி செலவழித்து வருகிறது. கடனுக்கு வட்டியும் கட்டிவருகிறது.