JAIL FOLLOW UP -45 தமிழகச் சிறைகளில் ரூ.500  கோடி ஊழல்!

மெட்ராஸ் மாகாணத்தில் காரன் வாலீஸ்-ன் குற்றவியல் நிர்வாக அமைப்பின்படி 1830 -லிருந்து 1862 வரையிலான காலகட்டத்தில் மாவட்ட சிறைகளில் ஜெயிலர்தான் அன்றாடம் சிறையை நடத்துவார்கள். அதேநேரத்தில், மாவட்ட நீதிபதிகளே மாவட்ட சிறைகளின் நிர்வாகங்களைக் கண்காணிப்பவர்களாக  இருந்தனர்.Circular Orders of the Court of Sadar Fajudari Adalat, Dated: 08.10.1821-ன்படி மாவட்ட மருத்துவ அதிகாரி மற்றும் மாவட்ட நீதிபதிகள் தங்களது கட்டுப்பாட் டில் உள்ள மாவட்ட சிறையில் இருந்த சிறைவாசிகளை வாரம் ஒருமுறை நேரில் பார்த்து ஆய்வுசெய்துவிட்டு செல்வார்கள்.  1860-களில் வடமேற்கு மாகாணங் களில் சோதனை அடிப்படையில், மருத்துவர் களை சிறைக் கண்காணிப்பாளர்களாக நியமித்தனர். மாவட்ட சிறை நிர்வாகப்பணி, நீதிபதிகளின் பணிச்சுமையை அதிகரித்த தால், 1864-ல் அமைக்கப் பட்ட சிறை கமிட்டி, சிறைகளில் சுகாதாரத்தை மேம்படுத்த மருத்துவர் களைக் கண்காணிப்பாளராக நியமிக்கப் பரிந் துரைத்தது. அதனைத் தொடர்ந்து 1864-லிருந்து மருத்துவரை (Civil Surgeon) மாவட்ட சிறையின் கண்காணிப்பாளராக நியமித்தனர். 1865 முதல்  மெட் ராஸ் மாகாணத்தில் இவ்வாறு நியமிக்கப்பட்டனர்.  

மேலும் 1864-ல் நியமிக்கப்பட்ட சிறை கமிட்டி பரிந்துரையின்படி சிறை சட்டம் 1870 இயற்றப்பட்டது. அக்காலகட்டத்தில் ராணுவத்தில் இருந்தும் அதன்பின் காவல்துறையில் இருந்தும் காவலர்கள் நியமிக்கப்பட்டனர். அதன்பின்,  சிறை சட்டம் 1870-ல் இருந்த குறைபாடுகளை மாற்றி சிறை சட்டம் 1894  இயற்றப்பட்டது. 

சிறை சட்டம் 1894 உருவாக அடித்தளமிட்ட மருத்துவர்கள்:   நான்காவது சிறை ஆணையம், 1888.   கவர்னர் ஜெனரலாக  1888-ல் இருந்த லார்ட் டப்ரின், இந்தியாவில் பல்வேறு மாகாணங்களி லுள்ள சிறைகளை நிர்வகிப்பதில் நிலவும் பன்முகத்தன்மையை மாற்றி, நாடு முழுவதும் ஒரே மாதிரியான சீரான நடைமுறையை அடையவும், இந்திய சிறைகளில் சுகாதாரம், ஒழுக்கம் மற்றும் பொது நிர்வாகத்தை மேம்படுத்துவது தொடர்பாக விசாரிக்கவும், இந்திய அரசின் அறுவை சிகிச்சை நிபுணர் மற்றும் சுகாதார ஆணையராகப் பணியாற்றிய டாக்டர் ய.வாக்கர் மற்றும் வங்காளச் சிறைகளின் இன்ஸ்பெக்டர் ஜெனரல், சர்ஜன் மேஜர் ஆ.ந.லெத்பிரிட்ஜ் ஆகிய இரண்டு மருத்துவ அதிகாரிகள் கொண்ட ஒரு குழுவை நியமித்தார். இந்தக்குழு இந்தியா முழுவதுமுள்ள 71 சிறைகளுக்குச் சென்று ஆய்வு செய்தது.  மேலும் அவுத், பம்பாய், மெட்ராஸ் மற்றும் வடமேற்கு மாகாணங்களின் கீழ் உள்ள பஞ்சாப் ஆகிய மாகா ணங்களின் சிறை இன்ஸ்பெக்டர் ஜெனரல்களுடன், சிறையின் நிலைமைகளையும், பிரச்சினைகளையும்  விவாதித்து ஒரு அறிக்கையைத் தயாரித்தது.  

சிறை ஆணையம், 1888-ன் பரிந்துரையின் அடிப்படையில், ஒருங்கிணைந்த சிறை சட்ட மசோதா வரைவு, மெட்ராஸ் பிரசிடென்சியின் இன்ஸ்பெக்டர் ஜெனரல் ஆ.ஏ.கார்டியூவால் தயாரிக்கப்பட்டது. இந்த வரைவு மசோதா 1892-ல் கல்கத்தாவில் நடைபெற்ற அனைத்து மாகாணங் களின் சிறை ஐ.ஜி-கள் மற்றும் வல்லுநர்களின் மாநாட்டிலும், அகில இந்திய சிறைக் கமிட்டி, 1892-லும்  சிறப்பாக ஆராயப்பட்டு,  அதன் பரிந் துரைகள் அடங்கிய சிறை வரைவுச் சட்டம், பிரிட் டிஷ் இந்திய அரசிடம் சமர்ப்பிக்கப்பட்டு, கவர்னர் ஜெனரலின் ஒப்புதலுடன் சிறை சட்டம், 1894-ஆக உருவெடுத்தது. இந்தச் சட்டமே இன்றுவரை நடைமுறையில் உள்ளது. 

மேலும், தமிழகச் சிறை சீர்திருத்தக் கமிஷன் 1978-79-ன் பரிந்துரையின்படி, அனைத்து மத்திய சிறைகளிலும், கூடுதல் கண் காணிப்பாளர் பணியிடம் தோற்றுவிக்கப்படும் வரை, சிறை கண்காணிப்பாளர் விடுமுறையில் சென்றால், அவரது அனைத்துப் பணிப் பொறுப்பையும் டீன்/மாவட்ட மருத்துவ அதிகாரியிடம்தான் ஒப்படைத்துச் செல்ல வேண்டும். அன்றைய காலகட்டத்தில் மருத்து வர்கள், சிறை கண்காணிப்பாளர் பொறுப்பில் நியமிக்கப்பட்டதில் இருந்தே மருத்துவர்கள் குறித்த முக்கியத்துவம் தெரியவரும்.

வரலாற்றில் மெட்ராஸ் மாகாணம்: இன்றைய கொரோனா காலகட்டத்தைப் போல், 100 ஆண்டுகளுக்கு முன்பு 1921-ல் மருத் துவ அவசர நிலை மெட்ராஸ் மத்திய சிறை யில் இருந்தது. மாப்பிளா கலகத்தில் ஈடு பட்டவர்களை அலிப்பூர் சிறையில் முதலில் அடைத்து வைத்து,   அதன்பின் மெட்ராஸ் சிறைக்கும் மாற்றினார்கள். அந்த மாப்பிளா சிறைவாசிகளால் மெட்ராஸ் மத்திய சிறை யில், கிட்டதட்ட அனைத்து சிறைவாசிகளும் கொக்கிப்புழுவால்  (Hookworm), வயிற்றுப் போக்கால்  பாதிக்கப்பட்டிருந்தனர் என்று அரசாணை எண்:2738 சட்டம் (பொது) நாள்: 08.11.1922-ல் தெரிவிக்கப்பட்டுள்ளது. இந்தப் பிரச்சினையை  தமிழகச் சிறை மருத்துவர் களும், அதிகாரிகளும் திறம்படக் கையாண்டு சிறைவாசிகளைக் காப்பாற்றியது குறிப்பிடத்தக்கது.   இதேபோல்,  மலேரியா, நிமோனியா, அனிமியா, சிபிலிஸ் போன்ற நோய்கள், மெட்ராஸ் மாகாணச்  சிறைகளில் பொதுவாகத்  தென்பட்ட நோய்களாகும்.     

தொழுநோய்: அரசாணை எண்: 847 நாள்: 01.07.1898-ன்படி தொழுநோய் சிறை வாசிகளுக்கு மருத்துவம் பார்க்கவேண்டி, சேலம் மத்திய சிறையின் தொகுதிகளாக இருந்த கட்டிட அமைப்புமுறை,  தனித்தனி யான செல் அமைப்பு முறையாக மாற்றப் பட்டது. Madras Jail Manual, 1915, சிறை விதி: 864 & 865 ஆகியவற்றின்படி, மெட்ராஸ் மாகாணத்திலுள்ள அனைத்துச் சிறைகளிலும், தொழுநோய் பாதித்த/அறிகுறியுடன் உள்ள சிறைவாசிகளை, சேலம் மத்திய சிறைக்கு அனுப்பி அவர்களைத் தனிமைப்படுத்தி மருத்துவம் பார்க்கும்படி அறிவுறுத்தப்பட்டிருந்தது. 

இதே காலகட்டத்தில்தான் இந்திய விடுதலைப் போராட்டத்தில் பங்கேற்றவரும், மெட்ராஸ் மாகாணத்தின் முதல் அரசியல் கைதியுமான சுப்பிரமணிய சிவா தொழுநோயால் பாதிக்கப்பட்டிருந்த நிலையில்,  ஆங்கிலேயர்களால் மெட்ராஸ் மத்திய சிறையிலிருந்து சேலம் மத்திய சிறைக்கு 345 கி.மீ. தூரம் நடக்கவைத்தே கூட்டிச் செல்லப்பட்டார்  என்பது குறிப்பிடத்தக்கது. 

இதேபோல்,  திருச்சி மத்திய சிறையில் 1930-ல் தொழுநோயால் பாதிக்கப்பட்ட சிறைவாசிகளுக் கான செல் அமைப்புகொண்ட ஒரு தொகுதியும் திறக்கப்பட்டது. 

சேலம் மற்றும் திருச்சி மத்திய சிறைகளில் இருந்தCriminal Leper Ward-களுக்கு மருத்துவ உதவிகள், செங்கல்பட்டில் செயல்பட்ட Willingdon Leper Settlementமருத்துவமனை மருத் துவர்கள் மூலம் கிடைக்கப்பெற்றது. பின்னாளில் இந்த மருத்துவமனை அரசுடமை ஆக்கப்பட்டு,  மத்திய தொழுநோய் கற்பித்தல் மற்றும் ஆராய்ச்சி நிறுவனம் (CLTRI) ) எனப்  பெயர் மாற்றப்பட்டது.   

அரசாணை எண்: 3125, உள் துறை, நாள்:18.10.1971 -ன்படி தமிழகத்தின் எந்தப் பகுதியில் இருந்தும், தொழுநோயால் பாதிக்கப்பட்ட சிறைவாசிகளுக்குத்  தண்டனை வழங்கப்பட்டால்,  அவர்கள்  வேலூர் மத்திய சிறையில் உள்ள தொழுநோய் சிறைவாசிகளுக்கான தொகுதியில் அடைப்பு செய்யப்படுவார்கள். இந்தத் தொழுநோய் சிறைவாசிகளுக்கான தொகுதி,  மற்ற சிறைவாசிகளால் அணுகமுடியாத வண்ணம் செயல்பட்டது. வேலூர் கிறிஸ்டின் மருத்துவக் கல்லூரி மருத்துவமனையிலிருந்து, வேலூர் மத்திய சிறையில் செயல்பட்ட Criminal Leper Ward-ல் இருந்த தொழுநோய் சிறைவாசிகளுக்கு மருத்துவம் பார்க்க,  சிறப்பு மருத்துவக்குழுவும் சென்றுவந்தது. மேலும்,  பிசியோதெரபி மருத்துவர் பணியிடம் ஒன்று தற்பொழுதும் உள்ளது. ஆனால் இது எதுவும் தற்போது நடைமுறையில் இல்லை. வெளி மருத்துவமனையில் வைத்தே மருத்துவம்  பார்க்கப்படுகிறது.    

கடலூர் மத்திய சிறையில் மனநலம் பாதிக்கப்பட்ட சிறைவாசிகள்: 1924-ல் அப்போதைய கடலூர் மாவட்ட சிறையை, மனநலம் பாதிக்கப்பட்ட சிறைவாசிகளை அடைப்புச் செய்வதற்கு, மெட்ராஸ் மாகாண அரசு உத்தரவிட்டது. முதலில் 57 மனநலம் பாதிக்கப் பட்ட சிறைவாசிகள்  அனுமதிக்கப்பட்டனர். அதனைத் தொடர்ந்து 1937-ல்,  இந்தச் சிறையை மனநலம் பாதிக்கப்பட்ட சிறைவாசிகளுக்கான சிறப்பு சிறையாக மாற்ற வேண்டும் என சிறை ஐ.ஜி. அரசுக்குப்  பரிந்துரை செய்தார். அதன்படி 1941-ல் சிறப்பு சிறையாக மாற்றப் பட்டது. அதன்பின்  குற்றவியல் விசாரணைமுறை சட்டம்(Cr.P.C.),1973 ©¬Ü, 328, 330 & 335  ஆகியவற்றின்படி சென்னை கீழ்பாக்கத்திலுள்ள   Institute of Mental Health-ல் அடைப்புச் செய்யப்பட்டு, மருத்துவ சிகிச்சை முடிந்ததும் சம்பந்தப் பட்ட சிறைக்கு அனுப்பப் பட்டுவருகிறார்கள்.    

இத்தனை முக்கியத்துவம் பெற்றவராக இருப்பதால்தான், மருத்துவரிடம் சிறைக் கண்காணிப்பாளர்கள் அனுசரணையாக நடந்துகொள்வார்கள். அவ்வாறு இல்லாதபோது ஈகோ யுத்தம்தான் நடக்கும், இதற்கு உதாரணமாக ஒரு நடவடிக்கையைக் கூறலாம்.   1973-ல் வேலூர் மத்திய சிறையில், சிறை கண்காணிப்பாளராக சேரலாதன் பணிபுரிந்தபோது, ராமானந்தம் என்ற சிறை மருத்துவர் நீண்டநாட் களாக பணிக்கு வராமல் ஆப்சென்டாக இருந்து விட்டு பணிக்கு வந்தார். அவரைச் சிறைக்குள் விடக்கூடாது என்று சிறைக் கண்காணிப்பாளர் உத்தரவிட்டிருந்தார். அவர் நேராக வேலூர் அரசு மருத்துவமனைக்குச் சென்று, இதுகுறித்து அங்கிருந்த மருத்துவர்களிடம் கூறி, அவர்களைத்  திரட்டி மிகப்பெரிய போராட்டத்தை நடத்தினார். இப்போராட்டத்தின் விளைவாக, சிறைக் கண்காணிப்பாளர் வேறு சிறைக்கு மாற்றம் செய்யப்பட்டார் என்பது வரலாறு.  

(ஊழல் தொடர்ந்து கசியும்)