Breaking சிறையில் நடந்த கொலை ராம்குமார் உடம்பில் 12 இடத்தில் மின்சார ஷாக்! உண்மையை சொல்லும் போஸ்ட் மார்ட்டம்
இவ்விதழின் கட்டுரைகள்
சென்றவார இதழ்கள்
Next Story
விஷ்ணு விஷாலுக்கு ஜோடியாக அதிதி ஷங்கர்?
'முண்டாசுப்பட்டி', 'ராட்சசன்' பட வெற்றிக்கு பிறகு மீண்டும் மூன்றாவது முறையாக ஒரு படத்தில் விஷ்ணு விஷால் மற்றும் ராம்குமார் கைகோத்துள்ளனர். இப்படத்தை சத்யஜோதி ஃபிலிம்ஸ் நிறுவனம் தயாரிக்க காதல் கலந்த ஃபேண்டஸி ஜானரில் உருவாவதாக சொல்லப்படுகிறது.
இந்த நிலையில் இப்படத்தின் கதாநாயகி குறித்த தகவல் ஒன்று வெளியாகியுள்ளது. அதன்படி 'விருமன்' படத்தில் கதாநாயகியாக அறிமுகமான இயக்குநர் ஷங்கரின் மகள் அதிதி ஷங்கர் விஷ்ணு விஷாலுக்கு ஜோடியாக நடிக்கவுள்ளதாகக் கூறப்படுகிறது. இப்படத்தின் படப்பிடிப்பு அடுத்த மாதம் முதல் வாரத்தில் தொடங்கப்படவுள்ளதாக பேசப்படுகிறது.
அதிதி ஷங்கர், தற்போது சிவகார்த்திகேயனுக்கு ஜோடியாக 'மாவீரன்' படத்தில் நடிக்கிறார். மேலும் அதர்வாவின் தம்பி ஆகாஷ் முரளியை வைத்து விஷ்ணுவர்தன் இயக்கும் படத்தில் நடித்து வருவதாக திரை வட்டாரங்கள் தெரிவிக்கின்றன.
Next Story
ராட்சசன் பட இயக்குநருடன் ஹாட்ரிக் கூட்டணி - விஷ்ணு விஷால் அதிகாரப்பூர்வ அறிவிப்பு
2014-ஆம் ஆண்டு வெளியான 'முண்டாசுப்பட்டி' படத்தின் மூலம் இயக்குநராக திரையுலகிற்கு அறிமுகமானவர் ராம்குமார். வித்தியாசமான கதையை காமெடி கலந்து சொல்லி முதல் படத்திலே அனைவரின் கவனத்தையும் ஈர்த்தார். இதனை அடுத்து மீண்டும் விஷ்ணு விஷாலை வைத்து 'ராட்சசன்' படத்தை இயக்கினார். சைக்கோ த்ரில்லர் ஜானரில் வெளியான இப்படம் விமர்சனம் மற்றும் வசூல்ரீதியாக பெரும் வரவேற்பைப் பெற்றது. பின்பு சத்யஜோதி ஃபிலிம்ஸ் தயாரிப்பில் தனுஷ் நடிக்கும் புதிய படத்தை இயக்க ஒப்பந்தமானார். பிறகு சில காரணங்களால் அந்தப் படம் தொடங்கப்படவில்லை.
இந்த நிலையில், ராம்குமார் இயக்கும் அடுத்த படத்தின் அறிவிப்பு தற்போது வெளியாகியுள்ளது. மீண்டும் மூன்றாவது முறையாக விஷ்ணு விஷாலை வைத்து படம் இயக்கவுள்ளதாக ஏற்கனவே தகவல் வெளியான நிலையில், தற்போது அது உறுதியாகியுள்ளது. இப்படத்தை சத்யஜோதி ஃபிலிம்ஸ் நிறுவனம் தயாரிக்கவுள்ள நிலையில், விரைவில் படத்தை பற்றிய அடுத்தடுத்த அப்டேட்கள் வெளியாகும் என எதிர்பார்க்கப்படுகிறது.
ராம்குமார் - விஷ்ணு விஷால் கூட்டணியில் ஏற்கனவே வெளியான இரண்டு படங்களும் வெற்றிபெற்றதைத் தொடர்ந்து, மூன்றாவது முறையாக அவர்கள் இணைந்துள்ளது படத்தின் மீதான எதிர்பார்ப்பை அதிகரித்துள்ளது. அதோடு, முதல் படத்தில் காமெடி, அடுத்த படத்தில் சைக்கோ த்ரில்லர் என படத்துக்குப் படம் வித்தியாசமான ஜானரை அணுகும் இக்கூட்டணி, இந்த முறை எந்த ஜானரில் படம் எடுக்கவுள்ளார்கள் என்ற எதிர்பார்ப்பும் ரசிகர்கள் மத்தியில் இப்போதிலிருந்தே எழத்தொடங்கியுள்ளது.