ராங்கால் த.வெ.க.வை பதம்  பார்க்கும் சி.பி.ஐ. விசாரணை! பத்து ரூபாய்க்கு செக்! டாஸ்மர்க் அதிரடி

"ஹலோ தலைவரே.. தமிழக துணைமுதல்வர் உதயநிதியின் பிறந்த நாளை தி.மு.க.வினர் வித்தியாசமா கொண் டாடினதைக் கவனீச் சிங்களா?''”

"அப்படி என்ன கொண்டாட்டம், நீயே சொல்லிடு''”

"அஜீத், விஜய்யோட புதுப்படம் ரிலீஸாகும்போது அவர்களோட ரசிகர்கள் தியேட்டரில் எப்படி ஆளுயர கட்அவுட் வைத்து, பாலாபிஷேகமெல்லாம் பண்ணிக் கொண்டாடுவாங்களோ, அதேமாதிரி ஆல்பட் தியேட்டரில் உதயநிதியோட மாமன்னன் படத்தை ரீரிலீஸ் பண்ணி அமர்க்களமா கொண்டாடியிருக்காங்க. இந்த வித்தியாசக் கொண்டாட்டத்தை தி.மு.க. இளைஞரணியினர் மட்டுமில்லாம மற்றவங்களும் ரசிச்சிருக்காங்க.''”

"திடீர்னு எடப்பாடியோட உறவினர் வெங்கடேஷைப் பத்தி பேச்சு அடிபடுதே என்ன விவரம்?''”

"ஆமாங்க தலைவரே, இந்த வெங்கடேஷ் எடப்பாடிக்கு மச்சான் முறை. கட்சியில அனைவரோட விஷயங்களிலும் தலையிடுறார்னு இப்ப அ.தி.மு.க.வை விட்டு த.வெ.க.வுக்குத் தாவுன செங்கோட்டையன் உட்பட அ.தி.மு.க.வைச் சேர்ந்த பலரும் குற்றம்சாட்டியிருக்காங்க. ஜெ.வுக்கு சசி மாதிரி, எடப்பாடியோட வலது கையா, எடப்பாடியோட சசியா திகழ்ந்தவராம் இவர். அவர் சமீபகாலமா ஏதோ ஒரு நோயால் பீடிக்கப்பட்டிருக்காராம். அதுவுமில்லாம அந்த நோய் அவரது உயிருக்கே இக்கட்டை ஏற்படுத்தினாலும் ஆச்சரியமில்லைன்னு எடப்பாடிக்கு நெருக்கமான வட்டாரத்துல பேசிக்கிறாங்க. அதனால அவரைப் பற்றி இனி அதிகம் கவலைப்படவேண்டாம்னு அவரைப் பிடிக்காத அ.தி.மு.க. வட்டாரம் நிம்மதியாயிட்டாங்களாம்.''”

"விரைவில் அமித்ஷா -டாக்டர் ராமதாஸ் சந்திப்பு நடக்கும்னு பா.ஜ.க. வட்டாரத்துல பேசிக்கிறாங்களே என்ன விஷயம்''”

"நிஜந்தாங்க தலைவரே, டெல்லியில் அமித்ஷாவை சந்தித்த ஜி.கே. மணியின் வட்டாரத்தினர் இது உண்மைதான்னு சொல்றாங்க. ராமதாஸை சந்திக்கும்போது, அன்புமணி யுடன் ராமதாஸை இணைக்கும் முயற்சியில் அமித்ஷா ஈடுபடுவார். அந்த முயற்சி வெற்றிபெறும். இதனால தே.ஜ.க. கூட்டணி இன்னும் வலுப்படும்னு பா.ஜ.க. வட்டாரங்கள் நம்பிக்கையோட பேசிக்கிறாங்க.''” 

"எடப்பாடி -வேலுமணி விரிசல் அதிக மாகிக்கிட்டே போறதா சொல்றாங்களே?''”

"அ.தி.மு.க.வில் கோவை மாஜிஅமைச்         சர் வேலுமணியின் செல்வாக்கு பெரிய அளவு குறைந்துள்ளது. வேலுமணியின் நடவடிக்கைகள் எடப்பாடிக்கு எதிராக அமைய, சுதாரித்துக்கொண்ட எடப்பாடி அவரை தொடர்ச்சியாகத் தவிர்க்கத் தொடங்கியுள்ளார். இது கட்சியில் பெரிய சலசலப்பை ஏற்படுத்தியிருக்கிறது. செங் கோட்டையன் நீக்கப்படும்போதும் அதை வேலுமணி எதிர்த்தார். அதையும் மீறி அவரது நீக்கம் நடந்தது. செங்கோட்டையனை அவரது கட்சிப் பதவியிலிருந்து நீக்குவதையும் எதிர்த்தார். அதை மீறிதான் செங்கோட்டையன் கட்சிப் பதவியிலிருந்து நீக்கப்பட்டார். பொறுத்துப் பொறுத்துப் பார்த்த செங்கோட்டையன் த.வெ.க.வில் சங்கமமாகிட்டார். விஜய்யின் சாரதியாக, முதற்கட்டமாக அவரது சுற்றுப் பயணங்களை ஒருங்கிணைக்கும் பணி அவருக்கு வழங்கப்படவிருக்கிறதாம். பயணங்களில் எந்த பிரச்சனையும் ஏற்படாதவாறு பார்த்துக்கொள்ள வேண்டிய பொறுப்பு அவருக்கு. இதற்கு வேலுமணியின் ஆசியும் இருப்பதாகக் கூறப்படுகிறது. வேலுமணியை மொத்தமாக ஓரங்கட்டிவிட்டு, அவரது மாவட் டத்தில் கட்சிப் பணிகளில் ஈடுபடு வதற்கு எடப்பாடி ஒரு புதிய டீமை தயார்செய்து வைத்திருக்கிறாராம். மாநில அளவிலான பதவிகளில் இப்போது யாரையும் நியமிக்க வேண்டாம் என தேசிய ஜனநாயகக் கூட்டணி அறிவித் திருப்பதால், வேலுமணி இடத்துக்கு ஆட்களை அறிவிக்க எடப்பாடி தயங்கிவருகிறார். விரைவில் அந்த தயக்கம் நீங்கும். அப்போது வேலுமணிக்கு மாற்றான ஆட்களை கட்சிகளில் கொண்டுவருவார். அது கோவை அ.தி.மு.க.வில் பெரிய மாற்றத்தை ஏற்படுத்தும் என்கிறார்கள் அ.தி.மு.க.வினர்.''”

"சி.பி.ஐ. விசாரணையின் போக்கு த.வெ.க.வுக்கு சாதகமா இல்லாததா பேச்சு அடிபடுதே''”

"அதை இப்பவே சொல்லமுடியாது தலைவரே, இருந்தாலும் நடிகர் விஜய்யை விசாரணை வளையத்துக்குள் கொண்டுவர சி.பி.ஐ. முடிவுசெய் துள்ளதா தகவல்கள் காதில் விழுது. புஸ்ஸி ஆனந்த், நிர்மல்குமாரிடம் கேட்கப்பட்ட கேள்விகள் அவ்வாறே அமைந்தது என்கிறார்கள் சி.பி.ஐ. விசாரணையைக் கண்காணிக்கும் சமூக ஆர்வலர்கள்.''”

"செங்கோட்டையன் ராஜினாமா குறித்து எடப்பாடி பெரிசா அலட்டிக்கிடலைனு தகவல் வருதே''”

"ஆமாங்க தலைவரே, போனதே போனார் தி.மு.க.வுக்காவது போயிருக்கலாம். விஜய்ங்கிற மண்குதிரைய நம்பிப் போயிருக்கிறார்னு தன் நெருங்கிய வட்டாரத்திடம் கமெண்ட் அடிச்சிருக் காராம். ஆனா அதேசமயம் செங்கோட்டையனின் எக்ஸிட்டால் ஈரோடு மாவட்ட அ.தி.மு.க. நிர்வாகிகள் ஏக குஷியில் இருக்கிறார்கள். கோபி தொகுதியில் 8 முறை வெற்றிபெற்றவர் செங்கோட்டையன். இந்தப் பகுதியில் இன்னும் அ.தி.மு.க. கொடிதான் பறக்குது. அதனால இந்தத் தொகுதியில் புதிய வேட்பாளருக்கு வாய்ப்பு கிடைக்கும்னு சந்தோஷப்படற மாவட்ட அளவிலான சீனியர் நிர்வாகிகள், வரும் 30ஆம் தேதி கோபி தொகுதியில் பிரச்சாரத்துக்கு வரும் எடப்பாடியோட கவனத்தை ஈர்த்து வேட்பாளராகிடணும்னு பலரும் வரிஞ்சு கட்டுறாங்களாம்.''”

"அதுசரி, கோபி தொகுதியில இருக்கிற செங்கோட்டையன் ஆதர வாளர்கள் செங்கோட்டையனோட முடிவைப் பத்தி என்ன நினைக் கிறாங்க?''” 

"பொதுத்தேர்தலுக்கு இன்னும் 5 மாதங்கள்தான் இருக்கு. அவர் தனது எம்.எல்.ஏ. பதவியை ராஜினாமா செய்திருக்காவிட்டாலும் கட்சித் தாவல் சட்டம் அவர்மீது பாய்ந்திருக்காது. ஆனால் மாற்றுக் கட்சிக்குச் செல்லலாம் என முடிவெடுத்துவிட்டால், அந்த கட்சியின் எம்.எல்.ஏ. பதவி தேவையில்லை. எம்.எல்.ஏ. பதவியை வைத்துக்கொண்டே மாற்றுக் கட்சிக்கு சென்றால், அ.தி.மு.க.வினரின் ஓட்டை வாங்கி ஜெயித்த செங்கோட்டையனே… உனக்கு எதற்கு அந்தப் பதவி? என்று எடப்பாடி வகையறாக்கள் கேவலமாகப் பேசுவார்கள். அரசியலில் நாகரிகத்தை கடைப்பிடித்தே பழக்கப்பட்டு விட்டதால்தான் ராஜினாமா என்கிற இந்த முடிவை செங்கோட்டையன் எடுத்தார்’ என்று  விளக்கம் தருகிறார்கள்.''” 

"தொகுதிப் பங்கீட்டை முடிவுசெய்ய அமைக்கப்பட்ட காங்கிரஸின் ஐவர் குழு என்ன முடிவெடுத்துச்சுனு தகவல் ஏதும் வந்ததா?''”

"தி.மு.க.வுடன் தொகுதிப் பங்கீடு குறித்த பேச்சுவார்த்தையை நடத்துவதற்காக கடந்த வாரமே ஐவர் குழுவை அமைத்துவிட்டது காங்கிரஸ் மேலிடம். இதனையடுத்து, தமிழக காங்கிரஸின் மூத்த தலைவர்கள், கட்சியின் பொதுச்செயலாளர்கள், மாநில நிர்வாகிகள் என அனைவரிடமும் கருத்துக் கேட்டுவருகிறது ஐவர் குழு. அதில் வழக்கம்போல, கூடுதல் சீட், கூட்டணி ஆட்சி, தி.மு.க.வுடன் கூட்டணி நீடிக்கலாம், விஜய் கட்சியுடன் கூட்டணி வைக்கலாம் என, பலவித மான கருத்துக்களை வெளியிட்டிருக்கின்றனர். தி.மு.க. கூட்டணி நீடிக்கவேண்டும்; அதேசமயம் அதிக தொகுதிகளையும் வாங்கவேண்டும் என்கிற கருத்துக்களைத்தான் பலரும் வலியுறுத்தியுள்ளனர். முதல்வர் ஸ்டாலினைச் சந்தித்து முதல்கட்டமாக காங்கிரசின் நிலைப்பாட்டைத் தெரிவிப்பதற்காக அவரிடம் நேரம் கேட்டுப் பெற முயற்சித்துள்ளார் செல்வப்பெருந்தகை. காங்கிரசின் ஐவர் குழு முதலமைச்சரைச் சந்திக்கும்போது, பல்வேறு விசயங்கள் இறுதி செய்யப்படும் என சத்தியமூர்த்தி பவன் வட்டாரத்தில் சொல்றாங்க.''”

"ஐவர் குழுவின் கருத்துக் கேட்பு ஒருபக்கம் நடந்தாலும், தமிழக காங்கிரஸ் கட்சியின் புதிய மாவட்டத் தலைவர்களை தேர்வுசெய்வதற்கான வேலைகளும் மும்முரமா நடக்குதாமே?''”

"தமிழக காங்கிரஸ் கட்சியின் புதிய மாவட்டத் தலைவர்களை தேர்வுசெய்வதற்காக, 36 பேர் கொண்ட அப்சர்வர் பட்டியலை அமைத்திருக்கிறது காங்கிரஸ் மேலிடம். இந்த பட்டியலில் இருப்பவர்கள் ஒவ்வொருவரும், வடமாநிலங் களைச் சேர்ந்த காங்கிரஸ் கட்சியின் முக்கிய பதவிகளில் இருந்தவர்கள், இருப் பவர்களாக இருப்பார்கள். இவர்கள் தமிழகத்திற்கு ஒவ்வொருவராக வந்து கொண்டிருக்கிறார்கள். ஒவ்வொருவருக்கும் சில மாவட்டங்கள் ஒதுக்கப் பட்டிருக்கின்றன. அந்த மாவட்டங்களுக்குச் சென்று காங்கிரஸ் நிர்வாகிகளைச் சந்தித்து, புதிய மாவட்டத் தலைவரை தேர்வுசெய்து அதனை ராகுல்காந்தியிடம் பரிந்துரைக்கவிருக்கின்றனர். அதன்பிறகு இரண்டு வார கால அவகாசத்துக்குள் காங்கிரசில் புதிய மாவட்ட தலைவர்களின் நியமன அறிவிப்பு வரும். அதனால தங்கள் மாவட்டத்துக்கு வருகிற அப்சர்வர்களை குளிர்விக்கவும் அவர்களை வளைக்கவும் காங்கிரஸ் தலைவர்கள் பலர் கோதாவில் குதிச்சிருக்காங்க தலைவரே.''”

"மாற்றுத்திறனாளி பெண்ணின் எதிர்காலத்துக்கு வழியமைத்து நெகிழ வைத் திருக்கிறாரே நம் முதல்வர்?''

"ஆமாங்க தலைவரே, கடந்த 24ம் தேதி தென்காசி இடைகால் அருகே இரண்டு தனியார் பேருந்துகள் நேருக்கு நேர் மோதியதில் 8 பேர் உயிரிழந்த துயர சம்பவத்தில், பார்வை மாற்றுத் திறனாளியான கிருத்திகா என்ற பெண்ணின் தாயார் மல்லிகா என்பவரும் பலியானார். ஏற்கெனவே சிறுவயதிலேயே கிருத்திகா        தந்தையை இழந்த நிலையில், அவரை தாய் தான் வளர்த்துவந்துள்ளார். அனைத்துக்கும் தனது தாயையே சார்ந்து வாழ்ந்துவந்த நிலையில்,    தாயின் இழப்பு அவரை நிலைகுலையச் செய்தது. தாயும், இல்லை, வரு மானத்துக்கான வேலையும் இல்லையே என்று அழுதபடி கிருத்திகா பேட்டியளித்தது முதல்வரின் பார்வைக்கு செல்ல, உடனடியாக கிருத்திகாவிடம் செல்பேசியில் பேசி ஆறுதல் கூறிய முதல்வர், அவருக்கு அரசுப்பணி வழங்க ஆணையிட்டார். அதன்படி கிருத்திகாவுக்கு புளியங்குடி நகராட்சி அலுவலகத்தில் டேட்டா எண்ட்ரி பணி வழங்கப்பட்டுள்ளது. அதற்கான பணி ஆணையை மாவட்ட ஆட்சியர் கமல் கிஷோர் நேரில் சென்று வழங்கினார். தனது நிலையறிந்து உடனடியாக உதவிசெய்த முதல்வருக்கு நெகிழ்ச்சியோடு கிருத்திகா நன்றி தெரிவித்தார்.''

"எடப்பாடி -கே.பி.முனுசாமி இடையிலான விரிசல் பெரிசாகிட்டே போகுதாமே?''”

"ஆமாங்க தலைவரே, அவங்களுக்கிடையே ஏற்கெனவே மனக்கசப்பு இருந்துவந்த நிலையில் சேலம் அ.தி.மு.க. நகரச் செயலாளரும் ஓமலூர் எம்.எல்.ஏ. மணியின் மகன் திருமணத்திற்கு வந்த கே.பி., எடப்பாடியை சந்திக்காமல் நேரடியாக மணமக்களைச் சந்தித்துள்ளார். அப்போது எடப்பாடியின் பினாமி எனச் சொல்லப்படும் இளங்கோ, "அண்ணனைச் சந்திக்காம நேரடியா திருமணத்துக்கு வந்துட்டீங்க. அண்ணன் வருத்தப்படப்போறார்' என தெரிவித்துள்ளார். அதைப் பொருட்படுத்தாமல் கே.பி., மணமக்களை சந்தித்துவிட்டு திரும்பிவிட்டார். அதுமுதலே இருவருக்குமான கருத்து வேறுபாடு அதிகரித்திருந்தது. தற்போது செங்கோட் டையனைப் போல தானும் த.வெ.க. பக்கம் தாவுவது பற்றி சிந்தித்துவருகிறாராம் கே.பி. முனுசாமி.''”

"எடப்பாடி மேல தங்கமணியும் அதிருப்தியில் இருக்கிறதா தகவல் வருதே...…என்ன விவகாரம்?''”

"தங்கமணி, எடப்பாடியின் மச்சான் வெங்கடேஷோட தம்பி மகளைத்தான் தன் மகனுக்கு திருமணம் முடித்துவைத்துள்ளார். ஒரு விபத்தில் மச்சானும், மாமனாரும் இறந்துவிட, அடிக்கடி மாமியார் வீட்டுப் பக்கம் தலைகாட்ட ஆரம்பித்தார் தங்கமணி மகன். தங்கமணி மகனோட மாமியார் வீடு, எடப்பாடியின் வீட்டுக்கு அருகில்தான் உள்ளது. அடிக் கடி மாமியாரை, மருமகன் சந்திக்க வரும் தகவல் தெரிந்த எடப்பாடி, தங்கமணியிடம் சொல்லாமல் அ.தி.மு.க. மூத்த நிர்வாகிகள் மூலம் தங்கமணி காதுக்கு விஷயத்தைக் கொண்டுவர... ஆத்திர மடைந்த தங்கமணி, "எதுவாயிருந்தாலும் என்கிட்டயே சொல்ல வேண்டியதுதானே. இதை மற்றவர்களிடம் சொல்லி என் மானத்தை வாங்குவீங்களா?' என எடப்பாடியின் மீது அதிருப்தியில் இருக் கிறாராம்.''”

"சரி, நானும் ஒரு விஷயம் சொல்றேன். தேர்தல் சமயத்தில் இந்த 10 ரூபாய் விவகாரம் பெரும் பிரச்சனையாக வெடித்துவிடக்கூடாது என்பதால் டாஸ்மாக் கடைகளில் கூடுதலாக 10 ரூபாய் வாங்கக்கூடாது என்று டாஸ்மாக் தலைமை நிர்வாகம், மாவட்ட டாஸ்மாக் நிர்வாகத்துக்கு ஒரு அதிரடி உத்தரவைப் பிறப்பித்திருந்தது. உத்தரவு பிறப்பித்ததோடு நிற்காமல் கடந்த ஒரு மாதமாக தமிழகம் முழுவதும், வாடிக்கையாளர்கள்போல டாஸ்மாக் சில்லரை கடைகளில் மதுபானம் வாங்கியிருக்கிறார்கள் நிர்வாகப் பொறுப்பி லுள்ளவர்கள். சில கடைகளைத் தவிர பெரும்பான்மையான கடைகளில் 10 ரூபாய் வாங்கப்படவில்லை என்பதை மேலிடத்துக்கு ரிப்போர்ட் தந்திருக்காங்க. கூடுதலாக வாங்கும் கடைகளின் விற்பனையாளர் களை எச்சரிக்கை பண்ணியிருக்காங்க.''’