போர்க்களம்! நக்கீரன் கோபால் (256)

ஆ1 குற்றவாளி ஜெ! சம்மட்டியால் ஓங்கி அடித்த நீதியரசர் குன்ஹா

அழக்கொண்ட எல்லாம் அழப்போம் இழப்பினும்

பிற்பயக்கும் நற்பா லவை.

பிறர் அழ, திரட்டிய செல்வம் எல்லாம்... நம்மை அழ வைத்துவிட்டுப் போய்விடும். நல்வழியில் வந்த செல்வம் என்றால்... அதை இழந்தாலும் மீண்டும் அது வந்துசேரும்.

வாழ்க்கை வரலாறு -அது வர்த்தமான மகா வீரருக்கும் கௌதம புத்தருக்கும் உரியது. வாழ்க்கை வரலாறு எழுதுற அளவுக்கு ஜெயலலிதா தகுதியானவர் இல்ல. ஆனா சில உண்மைகள அம்பலப்படுத்தணும்னா ஜெயலலிதாவப் பத்தி எழுதித்தான் ஆகணும். புண்ணியவதி ஜெயலலிதாவோட அக்கிரம ஆட்சி உக்கிரமா இருந்தப்பதான்... மேப்படி சொத்துக் குவிப்புகளே. அதன் மீதான வழக்குதான் கிட்டத்தட்ட 18 வருஷங்களா நொண்டி, நொண்டி... நடந்து, நடந்து... கடைசியா நீதியரசர் குன்ஹா என்கிற உத்தம நீதிபதி முயற்சியால வேகம் எடுத்து இப்ப ஜெ&கோ கூண்டேறி தல, கால் தெரியாம தாண்டிக் குதிக்க ஆரம்பிச்சுருச்சு தண்டனைங்கிற பேருல.

27-9-2014 மதியம் சரியா 1:00 மணி 30 நிமிஷம்... சம்மட்டி அடி அது!

"ஒய்யாரக் கொண்டையில தாழம்பூவாம், அதன் உள்ளே இருக்குமாம் ஈறும் பேனும்'னு ஒரு முதுமொழி இருக்கு. அதுக்கு உதாரணமே ஜெயலலிதா வாழ்க்கை. ஒரே பகட்டு, ஒய்யாரம், தப்பா செஞ்சு, செஞ்சு அதுக்கு ஒரு வெள்ளையடிச்சு வச்சிருந்தாய்ங்க. வெள்ளையடிச்ச சுவர, குன்ஹாங்கிற புல்டோசர் இடிச்ச இடியில பொலபொலன்னு கொட்டிருச்சு.

27-9-2014 மதியம் 1:00 மணிக்கு கோர்ட் ஹாலுக்கு வந்தவங்ககிட்டல்லாம் விசாரிச்சுட்டு தீர்ப்ப படிக்க ஆரம்பிச்சாரு நம்ம ஜென்டில்மேன், தைரியசாலியான நீதிபதி... சம்மட்டியால ஓங்கி அடிக்க ஆரம்பிச் சார் தீர்ப்புங்கிற பேர்ல...

அந்த அடேங் கப்பா தீர்ப்பு...

குற்றவாளிகளுக்கு தண்டனையைத் தீர்மானிக்கும்போது, அவர்கள் எந்த முறை யில் சொத்து வாங்கி னார்கள் என்று பார்க்க வேண்டியுள்ளது.

சசிகலா, சுதாகரன், இளவரசி ஆகியோர் தங்கள் பெயரிலும் தாங்கள் தொடங்கிய நிறுவனங்களின் பெயர் களிலும் சொத்துக்களின் ஒரு பகுதியை வைத்துக் கொண்டு ஊழல் புரிய தூண்டுகோலாக இருந்தது ஆதாரத் துடன் நிரூபிக்கப்பட் டுள்ளது.

இதன்மூலம் ஜெயலலிதா குவித்த சட்டவிரோத சொத்து களை போடுவதற் காகவே இந்த நிறு வனங்கள் தொடங்கப் பட்டன என்ற முடி வுக்கு நான் வருகிறேன். 4 குற்றவாளிகளில் யாருமே இந்த நிறு வனங்களின் முதலீட் டுக்கு எந்த பங்கும் போடவில்லை. அந் நிறுவனங்களின் பெய ரில் எந்த வர்த்தகமும் செய்யவில்லை. அந்த நிறுவனங்கள் செய்த ஒரே பணி வங்கிக் கணக்கு தொடங்குவதும் பிற வங்கிக் கணக்குகளில் இருந்து பணத்தை மாற்றுவதும் ஜெயலலிதா சார்பில் சொத்துகளை வாங்க முதலீடு செய்வதுமே ஆகும்.

சொத்துகளை வாங்குவதற்கான பணம் ஏனைய மூன்று பேரிடமிருந்துதான் வந்தது, ஜெயலலிதாவுக்கு அதைப் பற்றி எதுவும் தெரியாது என்று ஜெயலலிதா தரப்பில் வாதாடப்பட்டது. முதலமைச்சராக இருக்கும் ஜெயலலிதாவுக்குத் தனது வீட்டிலேயே வசிக்கும் மூன்று பேருடைய நடவடிக்கைகள் தெரியாது என்பதை நம்ப முடியவில்லை. அந்த மூன்று பேருக்கும் வருமானம் ஏதும் கிடையாது என்னும்போது அது ஜெயலலிதாவுடைய பணம்தான் என்ற முடிவுக்கு வரவேண்டியிருக்கிறது.

ஊழலை அளவின் அடிப்படையில் தீர்மானிக்கக் கூடாது. ஊழல்தான் ஒழுங் கீனத்தின் தாய். அது சமூக முன்னேற்றத்தை அழிக்கிறது, தகுதியற்ற ஆசைகளை வளர்க்கிறது, மனசாட்சியைக் கொல்கிறது, மனித நாகரிகத்தையே குலைக்கிறது!

இந்த வழக்கில், குற்றத்தை மோச மாக்குவது என்னவென்றால், ஏ-1 தமிழக அரசின் உயர் பதவியில் உள்ளார். "உயர்ந்த இடத்தில் இருப்பவர்கள் எப்படி நடந்து கொள்கிறார்களோ, அப்படியே கீழே உள்ளவர்களும் நடந்துகொள்வார்கள்'' என்பதை பலமுறை கவனித்திருக்கலாம். உயர் பதவியில் இருப்பவர்கள் ஊழலில் ஈடுபட்டால், கீழுள்ளவர்களும் ஊழலில் ஈடுபடத் தூண்டப்படுவார்கள். உயர் பதவியில் இருப்பவர்களும் நேர்மையாக நடந்துகொள்ளவோ, தவறு செய்யும் அதிகாரிகள் மீது நடவடிக்கை எடுக்கவோ முடியாது.

ஏ-1 இன் அரசியல் போட்டியாளர்களால் இந்த வழக்குத் தொடுக்கப்பட்டு, வழக்குத் தொடங்கப்பட்ட தேதியி-ருந்து 18 ஆண்டுகள் கடந்துவிட்டன. இந்த காலகட்டத்தில், குற்றம்சாட்டப்பட்டவர்கள் பெரும் பதற்றத்திற்கு ஆளாகியுள்ளனர். அவர்களின் வாழ்நாளில் ஈடுசெய்ய முடியாத மனவேதனை மற்றும் அதிர்ச்சிக்கும் குற்றம்சாட்டப் பட்டவர்கள் ஆளாகியுள்ளனர். மேலும், வழக்குப் பதிவு செய்யப்பட்டதைத் தொடர்ந்து, 2001 முதல் 2006 வரையிலும், 2011 முதல் இன்று வரையிலும் 11 ஆண்டுகளாக முதல்வர் பதவியில் எந்தக் களங்கமும் இல்லாமல் ஏ-1 பதவி வகித்து வருவது சாதாரணப் பார்வைக்கு தெரியவருகிறது. மேலும், குற்றம்சாட்டப்பட்டவர்கள் உடல்நலக் காரணங்களுக்காகவும் தயவு கோரியுள்ளனர்.

எனது பார்வையில், இந்தச் சமர்ப்பிப்பு கள் எதுவும் நீதிமன்றத்தில் தயவான பார்வையை மேற்கொள்ள அனுமதிக்க வில்லை. எண் 904 நல்ப்.ஈ.ஈ.208/2004, வழக்கு கிட்டத்தட்ட 18 ஆண்டுகளாக நிலுவையில் உள்ளது. இந்த காலதாமதத்திற்கு யார் காரணம் என்பதை இந்த கட்டத்தில் கண்டுபிடிக்க வேண்டிய அவசியமில்லை, ஆனால் குற்றம்சாட்டப்பட்டவர்கள் நீதியின் போக்கை சீர்குலைக்க முயற்சித்த குற்றச்சாட்டின் பேரில் இந்த வழக்கு இந்த நீதிமன்றத்திற்கு மாற்றப் பட்டது என்பதே உண்மை. சந்தேகத்திற்கு இடமின்றி, ஐந்தாண்டுகள் தடை விதிக்கப் பட்டுள்ளது, ஆனால் அதன்பிறகும், குற்றம்சாட்டப்பட்டவர்கள் கணிசமான காலத்திற்கு தண்டனை விளைவுகளை தாமதப்படுத்தி வைத்திருப்பதில் நமது சட்ட அமைப்பின் நடைமுறை நெறிமுறைகளைப் பயன்படுத்தினர்.

குற்றம்சாட்டப்பட்டவர்கள் குற்றச் சாட்டை உருவாக்கும் போதும் 313 சி.ஆர். பி.சி.-ன் கீழ் அவர்களின் அறிக்கையை பதிவு செய்யும்போது தவிர, நீதிமன்றத்திற்கு தவறாமல் ஆஜராகவில்லை என்பதையும் கவனத்தில் கொள்ள வேண்டும். எனவே, நிலுவையில் உள்ள காரணத்தால், அவர்கள் சிரமத்துக்கும், மன உளைச்சலுக்கும் ஆளாகியுள்ளனர் என்ற அவர்களின் சமர்ப்பிப்புகளை ஏற்க முடியாது. அவர்கள் மீதான வழக்கு இந்த நீதிமன்றத்தின் முன் நிலுவையில் உள்ளது என்ற உண்மை, இத்தகைய விவகாரங்களில் அவர்கள் மேலும் ஈடுபடுவதைத் தவிர்த்திருக்கலாம். எனவே, இந்த காரணிகள் அனைத்தும் தண்டனையின் அளவை தீர்மானிப்பதில் குறிப்பிடத்தக்கதாக இருக்காது.

தண்டனையின் அளவை தீர்மானிக்கும் போது நீதிமன்றம் எடைபோடவேண்டிய காரணிகள், குற்றத்தின் ஈர்ப்பு, அளவுக்கதிகமான சொத்துக்களின் அளவு மற்றும் குற்றம் சாட்டப்பட்டவர் மேலே கூறியதுபோல் சொத்துக்களை வாங்கிய விதம். எனவே, இந்த அனைத்து உண்மைகளையும் சூழ்நிலைகளை யும் கருத்தில்கொண்டு, இந்த வழக்கில் கடுமையான தண்டனை தேவை என்று நான் கருதுகிறேன். சட்டமே அதிகபட்சமாக 7 ஆண்டுகள் தண்டனையை வழங்கியுள்ளது, என் கருத்துப்படி, குற்றம் சாட்டப்பட்டவருக்கு விதியின் கீழ் விதிக்கப்பட்ட தண்டனையில் பாதிக்கு மேல் வழங்கப்பட்டால் நீதியின் முடிவு எட்டப்படும்

கையில் உள்ள வழக்கில், ஆறு நிறுவனங்களின் பெயரில் பதிவு செய்யப்பட்ட சொத்துக்கள் உண்மையில் ஆ-1க்காகவும், சார்பாகவும் வைத்திருக்கும் சொத்துக்கள் மற்றும் கூறப்பட்ட சொத்துக்கள் உண்மையில் குற்றம் சாட்டப்பட்டவர்களுக்கு சொந்தமானது என்று ஒரு திட்டவட்டமான கண்டுபிடிப்பை பதிவு செய்துள்ளேன். இந்தக் கண்டுபிடிப்பைக் கருத்தில்கொண்டும், மேற்கண்ட முன்மொழி வின் வெளிச்சத்திலும், குற்றம் சாட்டப்பட்டவர் கள் மற்றும் நிறுவனங்களின் பெயரில் உள்ள சொத்துக்களை பறிமுதல் செய்ய உத்தரவிடுவதில் எந்தத் தடையும் இல்லை. மேற்கூறிய விவாதத்தின் வெளிச்சத்தில், பின்வருவனவற்றை நிறைவேற்றுகிறேன்.

தண்டனை:

குற்றத்திற்காக 13 (1) (e) R/w. sec. 13 (2) P.C. Act, ஏ-1 செல்வி. ஜெ.ஜெயலலிதா, உ/ர். மறைந்த. ஜெயராம், இதன்மூலம் 908 Spl.C.C.208/2004 நான்கு ஆண்டுகள் சிறைத்தண்டனை மற்றும் ரூ.100 கோடி அபராதம் விதிக்கப்படுகிறார். அபராதத் தொகையைச் செலுத்தத் தவறினால் மேலும் ஓராண்டு சிறைத் தண்டனை அனுபவிக்க வேண்டும்.

u/sec. 120#© I.P.C., R/w. sec. 13 (2) P.C. ActS-ன் கீழ் தண்டனைக்குரிய குற்றத்திற்கு ஏ-1க்கு ஆறு மாத சிறைத்தண்டனையும் ரூ.1 லட்சம் அபராதமும் விதிக்கப்படும். அபராதம் கட்டத் தவறினால் மேலும் ஒரு மாதம் சிறைத் தண்டனை அனுபவிக்க வேண்டும்.

ஜெயல-தா வேதனை... நக்கீரனின் சாதனை...!

(புழுதி பறக்கும்)