முத்து முத்தாக 10 பிட்ஸ்!

சிம்பு, கல்யாணி பிரியதர்ஷன் ஜோடிபோட... வெங்கட்பிரபு டைரக்ஷன் பண்ண "மாநாடு'’ படத்தை கடந்த பிப்ரவரியில் ஆரம்பித்தார் தயாரிப்பாளர் சுரேஷ் காமாட்சி. ஆரம்பத்திலேயே சிம்பு சொதப்பியதால் பல பஞ்சாயத்துக்களுக்குப் பின்தான் படம் ஆரம்பமானது. மார்ச் மாதம் கொரோனா உள்ளே நுழைந்ததால் ஷூட்டிங் ஸ்டாப்பானது. இப்போது ஷூட்டிங் ஆரம்பிக்கலாம் என்றால், ஃபைனான்ஸ் சிக்கலில் மாட்டிக்கொண்டு முழிக்கிறார் சுரேஷ் காமாட்சி. அதனால் சுசீந்திரன் டைரக்ஷனில் ஒரே ஷெட்யூலில் முடியும் படத்திற்கு கால்ஷீட் கொடுத்து பிஸியாக நடித்துக் கொண்டிருக்கிறார் சிம்பு. வேலை நடந்தா சரி.

கோலிவுட் ஏரியாவில் பெரிய நடிகர்கள் படங்களின் ஷூட்டிங் இன்னும் தொடங்காததால், இங்குள்ள முன்னணி பி.ஆர்.ஓ.க்கள் எல்லோருமே தெலுங்கு ஏரியாவில் கரை ஒதுங்கிவிட்டனர். சில பி.ஆர்.ஓ.க்கள் கன்னட, மலையாள சினிமாக் களின் ப்ரமோக்களை தமிழகத் தில் சின்சியராக செய்து வருகின்றனர். அதனால்தான் கார்த்திக் கும்மரஹொண்டா கும்முனு இருக்காரு, ராம்சரண்ரம் அடிக்கிறார், பிரபாஸ் பிராண்டட் கம்பெனி பீர் அடிக்கிறார்ங்கிற ரேஞ்சுக்கு சினிமா செய்திகளை பிரஸ் ரிலீஸ் பண்ணிக்கொண்டிருக்கிறார்கள்.

தமிழில் ரஜினியின் ‘"அண்ணாத்தே'’படத்தைத் தவிர கீர்த்திசுரேஷின் கைவசம் படங்கள் எதுவும் இல்லை. அதனால் தெலுங்கில் வரிசையாக படங்களை கமிட் பண்ணி ஷூட்டிங்கில் விறுவிறுப்பாகவும் சுறுசுறுப்பாகவும் நடிக்கிறார் கீர்த்தி சுரேஷ். ‘ரங்கே’ ‘மிஸ் இந்தியா’ போன்ற படங்களின் ஷூட்டிங் முழுவதுமாக முடிந்து நெட்ஃப்ளிக்சில் ரிலீசுக்கும் தயாராக உள்ளதால் வெரி ஹேப்பியாக இருக்கார் கீர்த்தி. அது சரி கீர்த்தி, அனிருத்துடன் க்ளோஸ் ஃப்ரெண்டாக இருக்கும் இந்த போட்டோவை எப்ப எடுத்தீக, எங்க எடுத்தீக?

"பிக்பாஸ்' பிரபலங்களான அபிராமி வெங்கடாசலத்திற்கும் லாஸ்லியாவிற்கும் இடையே போட்டோ ஷூட் ரிலீஸ் போட்டியே நடக்குதுபோல. இந்த வாரம் அபிராமியும் லாஸ்லியாவும் மூன்றுவித மான போட்டோ ஷூட்களை ரிலீஸ் பண்ணிவிட்டார்கள். போட்டின்னு வந்துட்டா போட்டோ ஷூட்டையும் விடமாட்டாங்க போல...

சிம்புதேவன் டைரக்ஷனில் நடித்த ‘"கற்க கசடற'’ படமும் பிரபுதேவாவுடன் ஜோடி போட்ட ‘"பொன்மாணிக்கவேல்'’ படமும் முடிந்து பல மாசங்களாச்சு. ஆனா அந்தப் படங்களின் நிலைமை என்னாச்சு என்ற கவலையில் இருக்கும் நிவேதா பெத்துராஜ், "நானும் போறேன் தெலுங்குப் பக்கம்'’ என கிளம்பிவிட்டார். "தடம்'’ படத்தின் தெலுங்கு ரீமேக்கில் நிவேதா பிஸி. சஞ்சனா சிங் என்ற நடிகை ‘"ரேணி குண்டா'’ படத்தில் பாலியல் தொழிலாளியாக நடித்து அறிமுகமானார். ‘"கோ',’ ‘"சக்கப் போடு போடு ராஜா',’ ‘"அஞ்சான்',’ ‘"ரகளைபுரம்'’ உட்பட பத்துக்கும் மேற்பட்ட படங்களில் கெஸ்ட் அப்பியரன்சாக மட்டுமே நடித்திருந்தார். இப்ப என்னடான்னா கோவா பீச்சில் எடுத்த தகிடு முகுடான ஸ்டில்களை திடீர்னு ரிலீஸ் பண்ணியிருக் கார், கல்யாணமாகியும் கனவுக்கன்னியாகவே இருக்க நினைக்கும் சஞ்சனா சிங். வயசுங்கிறது வெறும் நம்பர்தான் என்பதுபோல 40 வயதில் இப்படிக் கலக்குகிறார்.

ஜெயம் ரவியின் ‘"நிமிர்ந்து நில்'’ படத்தில் மீடியா ரிப்போர்ட்டராக நடித் திருந்தார் ‘"நீயா? நானா?' புகழ் கோபிநாத். இவரும் சமீபத்தில் போட்டோ ஷூட் நடத்தி ரிலீஸ் பண்ணிவிட்டார். ஹீரோயின்ஸ் படங்கள் வெறும் கவர்ச்சி. கோபிநாத் ஸ்டில்ஸ் கருத்துக் கவர்ச்சி.

இசையமைப்பாளர் ஜி.வி.பிரகாஷின் தங்கை பவானிஸ்ரீ, ‘க/பெ.ரண சிங்கம்’ படம் மூலம் தமிழில் அறிமுகமானார். அந்தப் படம் ஓ.டி.டி.யில் ரிலீஸ் ஆனதால் கொஞ்சம் வருத்தம் இருந்தாலும், "அடுத்த படங்கள் தியேட்டரில் ரிலீஸ் ஆகவேண்டும்'’ என்ற பிரார்த்தனையுடன் கதை கேட்டுக் கொண்டிருக்கிறார்.

"நம்ம வீட்டுப் பிள்ளை'யில் சிவகார்த்திகேயனுக்கு ஜோடி போட்ட அனு இமானுவேலுக்கு பூர்வீகம் கேரளா என்றாலும் இவர் படித்தது வளர்ந்ததெல்லாம் அமெரிக்காவில் உள்ள சிகாகோ நகரம். அதனால் இவரது லைஃப் ஸ்டைல் எல்லாமே ஹாலிவுட் ஸ்டைல்தானாம். அனுவின் அப்பா, கேரளாவில் பெரிய தயாரிப்பாளராம். அனு வழி, தனி வழிபோல.

"கைவசம் இருக்கும் படங்களின் நிலைமை எப்படியும் இருந்துவிட்டுப் போகட்டும்' என்ற முடிவில், தெலுங்கு தயாரிப்பாளர் ஒருவர் தமிழில் தயாரிக்கும் ’"பாயும் ஒளி நீ எனக்கு'’ என்ற படத்தில் கமிட்டாகிவிட்டார் விக்ரம் பிரபு. இவருக்கு ஜோடி போடுபவர் வாணி போஜன்.

-ஈ.பா.பரமேஷ்வரன்